Nukariit-nut igaffissuarmi inuussutissalerinermi ikiorti
Igaffissuarmi inuussutissalerinermi ikiorti
Meeqqerivik Nukariinni qinngutsinniittoq inuussutissalerinermi ikiortimik soqutiginnittumik tunniusimallunilu sulisinnaasumik suleqatissarsiorpugut.
Meeqqanut ulluunerani paaqqinnittarfimmik nerisassanik peqqinnartunik meeqqanut sassaalliuteqaqataarusuppit? Taava atorfik ilinnut naleqquttoq pigaarput.
Meeqqat alapernaatsut, tatituut, peqqissut nuannaartullu Kommuneqarfik Sermersuup anguniagarai, aqqutissiuullugit iliuusissatsinnik eqqartuisarnitsinni piviusunngortinnissaa anguniassavagut.
Paaqqinnittarfitsinni immikkut ilisarnaatigaavut:
· Meeqqat toqqisinermik ineriartornermillu tunisisarpagut
· Meeqqat assigiinngissutaat akuersaarlugit, tatitussusillit pilersissallutigit
Sulisut periataallaqqissut immunullu tapersoqatigiittut
· Qiimmassaaneq nersualaarinerlu ingerlapparput
Suliffik qanoq ittoq neqeroorutigisinnaavarput:
· Meeqqat ulluinnarni peqqinnartunik nukissaqarluartitsisunillu nerisaqartinneqarnissaat uagutsinnut pingaaruteqarpoq
· Naatsorsuutigaarput illit paaqqinnittarfimmi meeqqanut nerisassanik peqqinnartunik nerisaqartitsinissat pingaartissagit
· Suliffeqarfik, nerisassat pillugit annertuumik sunniuteqarfigisinnaasat neqeroorutigaarput
· Nerisassat peqqinnartut nukissaqarluartitsisullu pingaartitaraavut, meeqqat taamaalillutik pitsaasunik nerisaqarput pitsaasumik ineriartortitseqataasunik
· Nerisassiornermi nutaamik misileraaffissaqarpoq
· Inuussutissalerinermi ikiortimik allamik igaffimmi suleqateqarsinnaassaatit
· Sulisut sinneri suleqatiginissaanut piumassuseqartuuvutit
Naatsorsuutigaarput illit:
· Igaffimmi ikiortitut ilinniagaqarsimasutit
· Nammineq akisussaaffimmik tigusisinnaasutit, namminersorlutillu sulisinnaallutit
· Suleqatinut angajoqqaanullu suleqatiginnikkumasutit
· Allanngortitsinissamut piareersimasuusutit
· Meeqqanut nerisassanik peqqinnartunik nerisassaqartitsiumavutit
· Ullormut meeqqanut amerlasuunut sulisunullu nerisassiornermik isumaginnissinnaasutit
· Meeraaqqanut immikkuullarissumik nerisassiornermik isumaginnissinnaasutit
· Meeqqanut sapigaqartunut nerisassiorsinnaanermik ilisimasaqartutit
· Paaqqinnittarfimmi aqutsisut peqatigalugit ulluunerani paaqqinnittarfimmi nerisatigut anguniagassanik aalajangersaaqataasassaatit
· Pisiortornermut kiisalu illit sulisorisavillu sulinissaanut ungasinnerusoq isigalugu pilersaarusiorsinnaanermut naammattumik piginnaaneqarlutillu misilittagaqartutit
· Kalaalimerngit, aamma neqit naatitallu atorlugit peqqinnartunik assigiinngiiaartunillu nerisassioriaaseqartutit, nerisassioriaatsinillu nutaanik misileerusussuseqartutit
· Qarasaasiamik atuinermut ilisimasaqartutit
· Kommuneqarfik Sermersuup nerisaqarnermut politikkia malillugu nerisassanik sassaalliisinnaasoq
· Eqqiluisaarnissat
∙ Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
· Inuttut ammasuuvutit, inuppassuillu attaveqarfigisarnerat nalerisimanarisuullugu
Nukariit pillugu
Akuleriinnut ulluunerani paaqqinnittarfik Nukariit ukioq 2012 ammarpoq, meeqqanullu 120-nut – meeraaqqerivimmi tallimanik initaqartumi meeqqanut 60-inut amerlassusiliiffigineqarsimavoq , meeqqerivimmilu pingasunik initaqartumi meeqqanut 60-inut amerlassusiliiffigineqarsimalluni.
Sulisut 28-nut amerlassusiligaapput, igaffissuarmi ikiortit 2-t aamma ilinniartoq suliffimmik misiliisoq 1 ilanngullugit.
Sapaatip akunnerani akunnerit 40-t suliffiussapput.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Hansine Noahsen, oqarasuaat +299 36 69 91 imaluunniit e-mail: hrsm@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1208-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 10.-at, 2024