Nuka-mi Igaffimmi ikiorti-mki pissarsiorpoq
Kommuneqarfik Sermersooq pikkorissumik tunniusimasumillu Køkkenassistent / Igaffimmi ikiortimik Meeqqerivik Nuka-mut pissarsiorpoq. Isumaqatigiissuteqarnikkut sulilersinnaasumik.
Meeqqerivik Nuka meeqqanut 40-nut naatsorsuussaavoq. Meeqqat inini 20-ikkaarlutik.
Meeqqanut 3-niit 6-nut ukiulinnut meeqqeriviuvoq.
Meeqqerivik Nukap ammasarfii: nal. 7.00-17.00.
Inimi sulisut ima inissisimapput: Perorsaasoq, inunnik isumaginnittoq ikiorti ikiortilu.
Igaffimmioq, Eqqiaasoq kiisalu Aqutsisoq.
Atorfiup imarisaa:
Køkkenassistent igaffimmi ikiortitut assigisaanilluunniit ilinniagalik, meeqqeriviup igaffiani ataanilu makkunannga suliaqartussavoq:
∙Tamakkiisumik akisussaaffimmik tigumminnissinnaasoq ilisimaarinnittorlu
∙Atuisunut suleqatinillu qanimut suleqatiginnittuussusilik
∙Kommuneqarfik Sermersuumi Meeqqeriviit kostpolitik-ianut malinnittoq
Kommuneqarfik Sermersuup meeqqanut anguniagai:
Meeqqat alapernaatsut, tatitussusillit, Peqqissut nuannaartulu.
Meeqqerivik Nukap immikkut ilisarnartai:
Peqqinneq, ullut tamaasa aneerneq, peqqinnartunik nerisaqarneq, timersorneq, kammagiitta,
Atualertussat immikkut sammineqarneri, kiisalu meeqqat sulisut angajoqqaallu qaammatit tamaasa sammisaqaqatigiittarneq.
Qinnuteqartumut naatsorsuutigisat:
∙Igaffimmi ikiortitut/Køkkenassistent/Levningsmiddel assigisaanilluunniit ilinniagaqarsimasuussaatit
∙Sulerusussuseqartuunissat kiisalu suliassanut eqeersimaartuuniissat pisariaqarpoq
∙Allanik peqateqarluni suleqatiginnissinnaaneq pingartuuvoq
∙Nutaaliorusussuseqartuunissat kiisalu misileraarusussuseqartuunissat pisariaqarpoq
∙Meeqqanik nuannarinnittuunissaq pisariaqarpoq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Pingaartippaguttaaq:
∙Aalajaatsoq, pitsaasumik pigaartitsisoq
∙Ulapaarfimmi arlariinnik suliaqarsinnaaneq
∙Qiimasuuniisaq pingaartitaraarput
∙Sulianik naammassinninniarluni ingerlatsinermut ineriartortitseqataalluni, pitsanngorsaaqataalluni peqataalluartartoq
Neqeroorutigaagut:
∙Meeqqat qiimasut, suleqatit qiimasut, sulisut angajoqqaallu suleqatigiilluartut, suliffiki iseruminartoq toqqissisimanartorlu, kiisalu sulisut aalajaatsut.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Tullersorti Kristiane Nikolajsen, oqarasuaat +299 36 67 70imaluunniit e-mail: krnk@sermsersoq.gl
Qinnuteqaat:
Qinnuteqaat qulequtserlugu Atorfiup ilisarnaataa 1286-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: januaarip 7.-at, 2025