Nivinngaqqitaq Pitsaassutsimut ataqatigiissaarisoq
Nivinngaqqitaq Greenland Business School Pitsaassutsimut ataqatigiissaarisumik pissarsiorpoq.
Ilinniartitaanerup silarsuaani pitsaassutip qulakkeernissaa aammalu pitsaassutsip ineriartortinnissaa suliarissallugu soqutigaajuk? Aammalu ilusilersuinermik aaqqissuussinermillu pikkoriffeqarpit? Taava illiuvoq ujagarput.
Greenland Business School, ilinniarfiuvoq ingerlalluartoq eqeersimaartorlu, inuussutissartiutinut sammiviup iluani ilinniakkanik atituumik ilalinnik suliffeqarfiit pisortallu peqatigalugit neqeroorutilik. Greenland Business School massakkut inerisaavoq neqeroorutinik nutaanik piorsaalluni, taamaasilluni ilinniartunik aammalu inuiaqatigiinni sulisussat atorfissaqartitat pikkorissut pilersinniarlugit.
Suliarissavatit…
Pitsaassutsimut ataqatigiissaarisutut suliarissavat, ilinniarfeqarfiup ilinniakkanik neqeroorutaasa pitsaassusaasa qulakkeernissaat taakkulu ineriartortinnissai.
Peqataassaatittaaq suliffeqarfik taassumalu ilinniakkat ingerlataasa nunanut tamalaat qaffasissusai tunaartaralugit ingerlanneqarnissaat.
Misissueqqissaarnerit, nalunaarusiornerillu assigiingitsut sanassavatit aammalu suliatigut aqutsisunut ikiuuttassallutit. Suliamiik piumasaavoq nammineerlutit sulisinnaanissat, inerisitaqarnissat aammalu piffissaliunneqartunik eqqortitsinissat.
Akisussaaffiit ukuupput:
Siunertaqarluni atuarfiup nunat tamalaat akornanni peqataanissaa suleqataaffiginissaalu
Ineriartortitsinermi pitsaassutsimik akuutitsilernissamilu qulakkeerinninnissaq iliniakkat qaffasussaannik assigiingitsuni.
Ilinniakkat pilersaarusiorneri, ilinniakkallu aaqqissuussaanerisa nalilersorlugillu kukkunersiortarnissai suliarissallugu.
Ilinniakkat nutaat, piginnaasanik ineriartortitsinerup ingerlanera, pisariaqalerfiisigut misissueqqissaartarnissaq.
Suliffeqarfiup iluani ineriartortitsinermi akuutitsilernissamilu, sulianik suliniaqatigiit akimorlugit sulinissat
Atuarfiup pisortaanut tapertaasinnaasoq sulianut, sulianullu ingerlaartunut tunngatillugu.
Suliassallu allat tamalaat takkuttut
Ulluinnarni atuartunik, ilinniartunik aammalu suleqatinik attaveqassaatit, allallu avataani suleqatigut suliaqartullu allat, aammalu atorfimmut annertuumik piumasaqaataavoq akuersaartumik pissuseqarnissat, attaveqarnissamut avatagiisinullu atanissamut piumassusilik. Naatsorsuutigaarputtaaq, torersumik suleriuseqarnissat, pilersaaruteqarlutit nammineq naammassisinnaasannik. Sulisut pisortamut atasut ilagalugit sulissaatit, pisortamut attaveqarlutit.
Kissaatigaarput…
Ilinniakkat pillugit allaffisornermik ilinniagaqarsimassasutit assigisaanilluunniit imaluunniit misilittagaqarsimassasutit
Qarasaasiakkut sakkut atussallugit pikkoriffigissagitit
Nalilersuinermik, ilinniakkanillu kukkunersiuinermik suliaqarnermik misilittagaqassasutit ilisimasaqarlutillu
Ilinniartitaanerup iluani pitsaassusermik suliaqarnermik ilisimasaqarlutillu misilittagaqassasutit
Angusassat angutserlugu, torersumillu naammassinnissinnaassaatit.
Suleqatiginnissinnaassaatit suna tamaat akimorlugu
Attaveqarluarsinnaanissat, paasinartumillu oqariartuuteqarsinnaanissat kalaallitsut qallunaatullu pingaartinneqarpoq
Neqeroorutigaarput….
Suliffik pissanganartoq, ilinniarfimmi ineriartortumi, nammineq ineriartortitsinermi peqataassalluni periarfissalik. Sulianik pissanganartunik imalik aammalu pikkorissunik eqeersimaartunillu suleqateqarnermik avatangiiseqarluni sulinissamut, suliatigullu ineriartornissamik periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma.
Akissarsiat atorfininnermullu atugassarititaasut
Sulinerup sivisussusaa nal.ak. 40-t sap.ak.-nut.
Atorfik inuttalernissaa kissaatigineqarpoq 1. januar 2025 imaluunniit isumaqatigiissuteqarnikkut.
Paasissutissat allat
Illit imminut atorfimmut piukkukkuvit, taava atuarfiup pisortaa Christel Lund Bøjler, tlf. 342580 eller e-mail clb@gbs.gl Attavigisinnaavat.
Greenland Business School Ilinniarfik pillugu paasisaqarsinnaavutit ugguuna www.gbs.gl.
Qinnuteqaammut killigititaq
Qinnuteqarfissaq kingusinnerpaamik 02. December 2024. Qinnuteqaatillu ataavartumik suliarineqassapput.
Qinnuteqarneq
Qinnuteqaat uunga nassiunneqassaaq HR@gbs.gl, qinnuteqaallu ilinniarsimanermut allagartanik, sulerisimanermut allagartanik, pinerlussimannginnermullu allagartap assilineranik, allanillu qinnuteqaammut soqutigineqartunik ilallugit nassiunneqassaaq
Tusarfiginissat qilanaaraarput!
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.