Namminersorlutik Oqartussat Akileraartarnermut Aqutsisoqarfik akileraaruserinermik immikkut ilisimasaqalerumaartussanik suleqatissarsiorpoq
Akileraartarnermut Aqutsisoqarfik sullikkusuppiuk, inuiaqatigiillu ingerlatitaaneranni ineri-artortinneqarnerannilu peqataarusuppit? Suleqatit peqatigalugit ukiup akileraarfiup ingerlar-ngani suliassat assigiinngiiaartut naammassiniartarneranni pissanganartunik allanngorartunil-lu suliaqarneq peqataaffigisinnaaviuk? Taava illiusinnaavoq Akileraartarnermut Aqutsisoqar-fimmi amigaaterput.
Akileraartarnermut Aqutsisoqarfiup Nuummi Kukkunersiuinermik allaffia suleqatissanik pik-korissunik arlaqartunik, 1. november 2024-mi erseqqinnerusumilluunniit isumaqatigiissute-qarnikkut sulilersussanik sulisussarsiorpoq.
Kukkunersiuinermik allaffik Akileraartarnermut Aqutsisoqarfiup immikkoortortaraa pingaa-ruteqarluinnartoq. Akileraaruserinermimmi suliassat assigiinngitsorpassuit pingaarutillit al-laffimmi tassani isumagineqarlutillu naammassineqartarput.
Sulissat pingaarnerit ilagaat namminersorlutik inuussutissarsiutinik ingerlatallit aamma sel-skabit nammineerlutik nalunaarsuiffiinik ukiumoortumillu naatsorsuutaannik tiguneqartunik misissuillunilu akileraarusiisarneq.
Taakku saniatigut suliarineqartartut ilaatigut tassaapput:
Siunnersuineq ilitsersuinerlu
Suliassanngorteqqitanik suliassanillu kukkunersiugassanik suliaqarneq
Apeqquteqaatinik il.il. suliaqarneq
Allaffimmi suliassanik takkussortunik suliaqarneq
Saaffiginnissutit nalinginnaasut akissuteqarfigineqartarneri
Kikkut sulisussarsiariniarpavut?
Suliffitsinni suliassanik ataatsimoorluta naammassiniaasarnitsinni, inuiaqatigiillu kalaallit ineriartorneranni sapinngisamik pitsaanerpaamik suleqataanitsinni suleqataajumasut nutaat ujartorpavut.
Suliatsinnik ilisimasaqarnissat atorfimmilu assingusumi misilittagarnissat neriuutigaarput, ta-mannali piumasaqaataanngilaq, aammami ilinniakkamik naammasserlaajusinnaavutit.
Inussutissarsiornerup iluani atuagarsornikkut aamma/imaluunniit sulinikkut misilittagaqar-tuunissat aammalu naatsorsuuserinermik, kukkunersiuinermik assigisaannilluunniit ilisimasa-qarnissat piumasaraarput.
Suliatsinnik soqutiginninnissat nutaanillu ilisimasaqalernissamik kajumigisaqarnissat uagut-sinnut pingaarneruvoq. Suliassat assigiinngitsut suliarinerisigut kiisalu ilinniaqqinnikkut ingerlaqqiffiusumillu ilinniagaqarnikkut suliamut pikkorissunngornissamut periarfissaqarluassaatit.
Suliffimmi ilumoorsaaginnarfiunngitsumi, piviusorsiortumilli sulineq ullut ilaanni ulapaarfiu-sinnaasoq suliffigissallugu orniginartippiuk? Suleqateqarluarsinnaavit, ataatsimoorlunilu su-liassanik suliaqaqatigiinnissap pingaassusia ilisimaaraajuk? Maleruagassanik inatsisinillu ilikkarnissaq, taakkulu tunngavigalugit suliassanik pisariusunik naammassinninnissaq soquti-gaagit? Suliassat pisariusinnaasut suleqatinut innuttaasunullu paasiuminartunngorlugit, oqaatsitigut allattariarsornikkullu nassuiarluarsinnaallugillu ingerlateqqissinnaavigit?
Qulaani allaqqasut illit piginnaasarigukkit, taava tassaavutit maani Akileraartarnermut Aqut-sisoqarfimmi amigaaterput.
Suliffeqarfik suliffigiligassat sunaana?
Akileraartarnermut Aqutsisoqarfik suliffiuvoq katillugit 130-t sinnerlugit sulisoqartoq. Sulia-qarfitsinni sulinerput ulapaarfiullunilu piviusorsiortuuvoq, inuiaqatigiinnut pingaaruteqarluin-nartoq aammalu politikkikkut soqutigalugu malinnaaffigineqartoq. Allatut oqaatigalugu, su-liffimmi inuiaqatigiit kalaallit ingerlatitaaneranni tunngavileeqataaffiusumi suleqataalissaa-tit.
Sulineq ulapaarfiugaluartoq Akileraartarnermut Aqutsisoqarfik suliffiuvoq suleqatigiilluar-nermik ilisarnaatilik. Maani suliavut – annertugaluarpata annikikkaluarpataluunniit – immik-koortortaqarfiit akimorlugit ikioqatigiilluta naammassisarpavut. Akileraartarnermut Aqutsiso-qarfimmi immitsinnut ilassiorluartarpugut – ullakkut suliartoraangatta ualikkullu soraaleraa-ngatta. Kiisalu suleqatit nutaat qujarullugit, siunnersorluarlugit ilitsersorluarlugillu tikilluaq-qusarpavut.
Atorfik pillugu apeqqutissaqaruit Immikkoortortami pisortaq Thomas Holm Jensen attavi-giinnarsinnaavat, oqarasuaatikkut (+299) 34 65 29, e-mail-ikkullu thoj@nanoq.gl
E-mail-ikkut qinnuteqartoqarsinnaanngilaq.
Qinnuteqarfissaq kingulleq: Qinnuteqaatit Akileraartarnermut Aqutsisoqarfiup tigusimassavai 10. oktober 2024.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.