Nakkutilliinermik Ingerlatsivimmi pisortaq
Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik Nakkutilliinermik Ingerlatsivimmi sulilersussamik pisortassarsiorpoq
Nakkutilliinermik Ingerlatsivimmi maannamut pisortaasoq 1. april 2025 soraarninngorluni suliunnaassammat Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik Nakkutilliinermik Ingerlatsivimmi, ulloq 1. marts 2025 aallarnerfigalugu sulilersinnaasumik pisortassarsiorpoq.
Nakkutilliinermik Ingerlatsivik
Nakkutilliinermik Ingerlatsivik Isumaginninnermut, Ilaqutariinnut, Suliffeqarnermut, Nunamullu Naminermut Naalakkersuisoqarfimmi namminersorluni immikkoortortaqarfiusoq 2016 aallarnerfigalugu pilersinneqartoq isumaginninnermi inatsisit tunngavigalugit, inunnik isumaginninnerup iluani nakkutilleeriaatsinik assigiinngitsunik marlunnik ingerlatsisussaatitaavoq:
- Pingaarnertut nakkutilliineq:
Isumaginninnermut inatsisini malittarisassanik kommunit malinninnerannik aqutsinermillu malittarisassat naapertorlugit aqutsinerannik nakkutilliinissaq. Nakkutilliinermik Ingerlatsivik ukiumut ikinnerpaamik ataasiarluni kommunit tamaasa pingaarnertut nakkutilliiffigissavai, kommuninullu ukiuni sisamani qinersiviusumi illoqarfiit tamaasa nakkutilliiartorfigalugit tikeraarsimassallugit.
- Ulloq unnuarlu paaqqinniffinnik nakkutilliineq:
Ulloq unnuarlu meeqqanut inuusuttuaqqanullu paaqqinniffinni, kiisalu inunnut innarluutilinnut ulloq unnuarlu neqeroorutini suliassaqarfinni ingerlatsinermut tunngatillugu, aningaasaqar-nikkut perorsaanikkullu nakkutilliineq. Nunarput kaajallallugu maannakkorpiaq ulloq unnuar-lu meeqqanut inuusuttuaqqanullu paaqqinniffiit, aammalu inunnut innarluutilinnut ulloq un-nuarlu neqeroorutit 32-it pisortanit akuersissuteqarlutik ingerlanneqarput.
Suliassaqarfinni qulaani taaneqartuni isumaginninnikkut nakkutilliinerit ingerlaavartumik pisarput oqaloqatigiinnerlu periuseralugu ingerlanneqartarlutik.
Nakkutilliinermik Ingerlatsivimmi maannakkut nakkutilliisutut sulisut sisamaapput; isumaginninnermi suliatigut nakkutilliisut marluk kiisalu persorsaanermik tunngasutigut nakkutilliisut marluk. Sulisut tunniusimasut taakku tassaapput Naalakkersuisoqarfiup ataani Nakkutilliinermik Ingerlatsivimmi pisortatut siulersugassatit, suleqatigalugillu siunissami isumaginninnikkut nakkutilliinermik kivitseqatigisassatit.
Nakkutilliinermik Ingerlatsivimmi pisortatut pingaarnertut makku suliassarissavatit
Nakkutilliinermik Ingerlatsivimmi pisortatut, kommunit isumaginninnermut inatsisini malitta-risassanik eqquutsitsinersut, aqutsinermillu malittarisassat naapertorlugit kommunit inger-latsinersut ingerlaavartumik sunniuteqarluartumillu nakkutilliiffigineqarnissaat akisussaaf-figissavat. Tamatuma saniatigut ulloq unnuarlu meeqqanut inuusuttuaqqanullu paaqqinnif-finni, kiisalu inunnut innarluutilinnut ulloq unnuarlu neqeroorutini ingerlaavartumik nakkutillii-soqartarnissaa isumagisassarissavat, Isumaginnittoqarfiup aqunneqarnera aaqqissuussaa-neralu pillugit Inatsisartut peqqussutaat nr. 11, 12. november 2001-imeersoq (kingornatigut allannguuteqarnikoq) naapertorlugu, kiisalu Isumaginninnermi suliassaqarfimmi nakkutillii-sarneq pillugu nalunaarut peqqussummut ilaatinneqartoq aamma aallaavigalugu.
Naatsorsuutigivarput illit isumaginninnerup iluani ingerlatsinermik misilittagaqartuussasutit. Tamatuma saniatigut inuttut tutsuiginartuussaatit aammalu pisortatut misilittagaqarluassallu-tit. Tamakku immikkoortortami pisortatut/Nakkutilliinermik Ingerlatsivimmi pisortatut unammilligassat naammassisinnaajumallugit pisortatut ingerlatsilluarnissat, tulleriiaarinnis-sinnaassuseqarnissat, naammassinnikkusussuseqarnissat, pitsaassutsimik pingaartitsi-nissat taavalu innuttaasunik, soqutigisaqaqatigiiffinnik aammalu pisortat ingerlatsiviinik oqaloqatiginnillaqqissuunissat pisariaqartissavaat. Atorfeqarnerni angalangaatsiartarnissat naatsorsuutigisinnaassavat.
Piginnaanitit
Qaffasinnerusumik ilinniagaqarsimasuussaatit sapinngisamik ukiuni arlaqartuni pisortat imaluunniit namminersortut ingerlatsiviini sulinermik misilittagaqartuussallutit. Attaveqatigin-nittarneq pitsaassutsimillu angusaqarsimanermik nakkutilliisarnissatit suliaqartarnerni pin-gaaruteqartussaammata, pisariaqassaaq tutsuiginartumik tunngavilersoriaaseqartuunissat, ingammik allattariarsornikkut.
Naatsorsuutigaarput illit
- Pisortatut misilittagaqarlutillu aqutsillaqqissuussasutit
- Politikkikkut aalajangiisarnerit toqqammavigalugit sulinermik misilittaga-qarlutillu paasinnillaqqissuussasutit
- Nakkutilliinermik Ingerlatsiviup suliassaanut tunngatillugu soqutiginnillutillu paasinnilluarsimassasutit
- Ulluinnarni ulapittarnissat sammisassallu assigiinngisitaartut suliarisar-nissaanut piumassuseqarluassasutit
- Aaqqissuussamik sulinissat piffissaliussallu iluanni naammassinninniar-tarnissaq soqutigisarissagitit
- Pitsaasumik suleqatiginnissinnaallutillu piumassuseqarluassasutit
- Suliassat qiimasumik suleqatiginnikkusullutillu naammassiniartassagitit
- Allaffissornikkut sulinermi unammilligassat aaqqissuulluakkamik isumagisar-sinnaassagitit
- Isummertariaatsit tutsuiginartuullunilu politikkikkut pingaaruteqartut siunnius-sat naammassinnilluarfigisarnissaat soqutigisarissagit.
Iluqutigissavat nunatsinni pissutsinik ilisimaarinnereersimassaguit aammalu kalaallisut danskisullu oqalussinnaallutillu allattariarsorsinnaassimassaguit.
Neqeroorutigaarput:
- Immikkoortortaqarfimmi ineriartortitsiffiusumi atorfik pissanganartoq nammineersinnaassuseqarnermillu pingaartitsisoq
- Suliffeqarfik ulapaarfiusoq, suleqatikkuminartunik ilaqarlutit persuarsior-narfiunngitsumik suleqatigiiffiusoq
- Suliassat pissanganartut aamma inummut kimulluunniit pissarsiaqataaffiullutik unammillerfiusinnaasut
- Ilinniarluarsimasunik piumassuseqarluartunillu suleqatinnut pisortanngornissat
Ulloq sulilerfissaq
1. marts 2025, imaluunniit isumaqatigiissuteqarnikkut
Paasissutissat allat:
Atorfik pillugu annertunerusumik paasisaqarusukkuit Naalakkersuisoqarfimmi pisortaaneq Martha Abelsen-imut, e-mail: abma@nanoq.gl, imaluunniit maannamut Nakkutilliinermik Ingerlatsivimmi pisortamut Johan Lund Olsen-imut, e-mail: jlun@nanoq.gl paasiniaallutit attaveqarsinaavutit.
Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik paasisaqarfiginerorusukkukku ugguuna paasiniaasinnaavutit: www.naalakkersuisut.gl.
Ulloq qinnuteqarfissaq kingulleq
Pingasunngorneq, ulloq 12. februar 2025
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job