Najugaqatigiiffik Seernaq akisussaassusilimmik tunniusimasumillu sundhedsassistentimik pissarsiorpoq
Najugaqatigiiffik Seernaq akisussaassusilimmik tunniusimasumillu sundhedsassistentimik pissarsiorpoq
Inunnut innaarluutilinnik aamma tarnimikkut innarluutilinnik susassaqartitsivik sundhedsassistentimik Najugaqatigiiffik Seernami pissarsiorpoq. Inulerineq uummateqarfigingukku najugaqartunullu allanngueqataarusullutit tassaavutit illit atorfis-saqartitarput.
Atorfik sapaatip akunneranut ulluinnarni ataasinngornermiit tallimanngornermut ulluunerani akunneri 40-ni suliffiuvoq, taamaattorli naatsorsuutigineqarsinnaalluni unnukkut suliffissaqarataarsinnaanera ullorlu 1. september 2024 imaluunniit isumaqatigiinnikkut atorfiniffigineqassalluni. Najugaqartut ulluinnarminni ineriartornissaanik suleqatitillu suleqatigiillusi kaammattuissuusi.
Najugaqatigiiffik Seernaq Nuummi najugaqatigiiffiit annersaasa ilarivaa. Najugaqatigiiffik inunnut timimikkut aammalu tarnimikkut innarluutillinnut 18-usunut najugaqarfiuvoq. Najugaqatigiiffit inissiat quleriiaat sisamaapput, najugaqartut sulisullu inissiani quleriaajusuni agguarneqarsimallutik. Najugaqartut nammineq ineeraqarput, iggavit inilu ataatsimoorfiusarlutik. Illit pingaarnertut suliassarissuatit najugaqartut tarnimikkut, inuiaqataanikkut aammalu piginnaasaatigut ineriartortitsinerit taamaasillutik nammineernerulernissaat anguniartartussaallugu. Suleqatitit peqatigalugit najugaqartut inuulluataarnissaat aammalu isumalimmik inuulernissaat suleqatitillu kaammattuinikkut anguniassuarsi, taamaasillutik najugaqartut inuuneq kissaatigisartik atornerussammassuk. Najugaqartut 18-usut saniatigut najugaqatigiiffik sulisunik 23-nik peqqinnissamut perorsaanermullu ilinniagallinnik aammalu ilinniarsimanngitsunik sulisoqarpoq.
Susassaqarfissatit:
·Maleruagassat malinneqarnissaanut qulakkeerinnittussaq
·Najugaqartunut tarnimikkut innarluutilinnut iisartakkanik katsorsartittunut nakkutiginninneq malittarinninnerlu
·Peqqinnissap tungaatigut ilinniartunut suliffimmi misileraasunut aqqutissiuussineq
·Pisariaqartitsinermi sulisunut ilinniartitsineq / ilisimasanik nutarterineq
Naatsorsuutigaarput:
·Sundhedsassistentitut iisartakkerinermik misilitsinnermi allagartaliusutit
·Tungiuillaqqissoq naapikkuminartorlu takusinnaallugulu tamanna suliffimmik pitsaasumik pilersitsisuusoq
·Ilinniarsimasutut immikkoortortatsinnilu ineriartuerusussusilik najugaqartunut pitsaasumik kinguneqartitsisinnaasoq
·Namminersorsinnaasoq aammalu allanik ilinniagalinnik suleqatiginnissinnaasoq
·Suleqatinut peqqinnissaq pillugu ilinniartitsisinnaasoq tullersorti aqutsisorlu peqatigalugit
·Peqqinnissap tungaatigut suleqatinut siunersiueqatiginnissinnaasoq
·Napparsimaveqarfimmut pingaarnertut attaveqaataasinnaasoq
·Isumaqatigiissutinut ataatsimut isiginnissinnaasoq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Uagut:
Uani atorfimmi annertuumik ataatsimoorfiusumut peqataalissuutit: Immikkoortortaavugut najugaqatigiiffiit arfineq-pingasuutut, tallimat najugaqatigiiffik ataatsimoorussat, sammisassaqartitsiviit marluk aammalu ikorfartortitut sulissiit pingasut taakkualu Nuummi, Tasiilami Paamiunilu agguataarneqarput.
Immikkoortortami ineriartortumi atorfik pissaganartoq neqeroorutigaarput. Ineriartortitsinerup ilagiinnagaasa ilagisaat tassaavoq pitsaasumik illit sulisutut nutaatut suliffimmut isertinneqariartuaarnissat, oqaloqatigiinnerit ilinniarsimassutsinilu assigiinngitsuusuni ataatsimoorfeqarneq.
Naatsorsuutigaarput sapaatip akunnera 33-mi oqaloqatiginninnissat ingerlanneqarumaartut
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: aqutsisoq Tupârnak´ Raage, oqarasuaat +299 547846 imaluunniit e-mail: tuki@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 757-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: aggustip 13.-at, 2024