Najugaqatigiiffik Kangillinnguit sulisunik marlunnik pissarsiorpoq
Inunnut Innarluutilinnut Tarnimikkullu Nappaatilinnut immikkoortortaqarfik tunniusimasunik isumassuisunillu sulisunik marlunnik inunnut innarluutilinnut tarnimikkullu nappaatilinnut sulinermi misilittagalinnik Najugaqatigiiffik Kangillinnguani pissarsiorpoq. Inulerinermik sulinissaq uummateqarfigiviuk aamma najugaqartut pillugit allanngueqataarusuppit, taava illerpiaq suleqatissatsitut amigaatigaatsigit.
Atorfiit piffissaq tamakkerlugu suliffiupput sap. ak. 40 tiimit annerusumik ullukkut unnukkullu aamma sapaatip akunnerata naanerani sulisoqarsinnaassalluni. Najugaqartuutitta ineriartornissaannut tapersersuinermi suleqatitit qanimut suleqatigissavatit.
Najugaqatigiiffik Kangillinnguit Nuummi najugaqatigiiffitsinni minnerit ilagaat tassungalu bokolllektivit Nuummiittut atallutik. Najugaqatigiiffik 25-it missaani inisimasoqarpoq taakkulu tarnimikkut timikkullu piginnaasaat annikillisimasuupput atornerluinermillu ajornartorsiuteqartuullutik. Illit pingaarnertut suliassarissavat najugaqartut eqqarsartaatsimikkut, inooqataanikkut aamma nalinginnaasunik piginnaasassanik inerisaaviginissaat, taamaalillutik sapinngisamik imminnut ikiorsinnaalersillugit. Suleqatitit peqatigalugit najugaqartut kissaataat malillugit pitsaasumik imaqarluartumillu inuuneqarnissaannut tapersersussavatit. Najugaqatigiiffik 20-t missaanik sulisoqarpoq, peqqinnissamut tunngasunik ilinniagallit, perorsaasut ilaalu ilinniagaqartuunatik.
Suliassatit:
·Najugaqartut namminiilernissaannut ineriartuutaasunik suliaqarneq aammalu inuulluataarnissaat anguniarlugu suliaqarneq soorlu iliuusissatut pilersaarutit malillugit anguniakkanik suliaqarneq
·Najugaqartut ulluinnarni sammisaqarnissaanut kaammattuineq tapersersuinerlu soorlu pisuttuarneq, pisiniarneq, iganeq aammalu nakorsiartitsineq
·Suleqatinut, aqutsisumut najugaqartunullu suleqatigiinnermut ataatsimuualaarnermut nukittorsaaneq
·Immikkoortortap iluani avataanilu taamatuttaarlu qanigisaasunut suleqatiginnissinnaassaatit
Suliassaq najugaqatigiiffimmi suleqatit najugaqatigiiffiup iluani avataanilu suleqatigisartakkat peqatigalugit suliarineqartarput, tassa inunnik sullissisut, Ikaarsaarfik, Dronning Ingrid Napparsimavissua aammalu Pinerluttunik Isumaginnittut.
Ilinnut naatsorsuutigut:
·Inunnut innarluutilinnut tarnimikkullu nappaatilinnut sulinermi misilittagaliusutit, kisianni piumasaqaataangilaq
·Isumassuisoq inussiarnersorlu, takusinnaassuallu tamanna suliffigissaarnermut aqqutaasoq
·Ineriartornissamik immikkoortortattalu ineriartornissaanik soqutiginnittoq, taamaasillutit annertuumik najugaqartunut allannguisinnaaneq anguniassagakku
·Ulluinnarni ullut ilaanni ulapaarfiusinnaasuni anguniagaqarlutit ilusilersueqataallutillu sulisinnaasutit
·Akuersaartuusutit qiimasuullutillu
·Aalajaattuusutit, nukittooq aammalu inissaqartitsisoq
·Eqinnaattuusutit akisussaaffigisanullu eqqummaarittuusutit
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Uagut:
Uani atorfimmi annertuumik ataatsimoorfiusumut peqataalissuutit: Immikkoortortaavugut najugaqatigiiffiit arfineq-pingasuutut, tallimat najugaqatigiiffik ataatsimoorussat, sammisassaqartitsiviit marluk aammalu ikorfartortitut sulissiit pingasut taakkualu Nuummi, Tasiilami Paamiunilu agguataarneqarput.
Immikkoortortami ineriartortumi atorfik pissaganartoq neqeroorutigaarput. Ineriartortitsinerup ilagiinnagaasa ilagisaat tassaavoq pitsaasumik illit sulisutut nutaatut suliffimmut isertinneqariartuaarnissat, oqaloqatigiinnerit ilinniarsimassutsinilu assigiinngitsuusuni ataatsimoorfeqarneq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Naatsorsuutigaarput atorfininnissamut oqaloqateqassalluta sap.ak. 4-mi.
Inissaq:Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Aqqaluk Sloth Pedersen, oqarasuaat +299 49 27 89 imaluunniit e-mail: aqsp@sermersooq.gl imaluunniit Tullersorti Jonna Olsen, oqarasuaat +299 36 63 52 imaluunniit e-mail: jols@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1310-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: januaarip 17.-at, 2025