Najugaqatigiiffik Kangillinnguit 4-mi tullersortissarsiorneq
Inunnut innarluutilinnut aamma Tarnimikkut nappaatilinnut Immikkoortortaqarfik najugaqatigiiffik Kangillinnguit 4-mi najugaqaqatigiiffimmi aamma ataatsimoorussamik najugaqatigiiffinnut pisortamut tullersortissamik nammineq iliuuseqarusussuseqartumik suliniuteqarusussuseqartumillu pissarsiorpoq. Taakkununnga tunngasunik pingaartitsisuuit, najugaqartuutitsinnullu allanngueqataarusuttuuit, taamaappat illiusimassaaq suleqatitaassarput.
Atorfik piffissaq suliffiusussaq tamaat sapaatip akunneranut 40 tiimit suliffiuvoq. Nikerartumik pigaartuusarnissat ilimagissavat. Aqutsisoq qanimut suleqatigissavat taassumalu peqannginnerani illit aqutsisumut paarlattaasassaatit immikkoortoqarfimmi aqutsisut allat tapersersortigalugit.
Najugaqatigiiffik Kangillinnguit Nuummi immikkoortut mikinerit ilaanniippoq ataatsimoorussamillu najugaqatigiiffinnut atasuulluni, sullitat 25-it missiliorlugit najugaqartuullutik. Inunnut innarluutilinnut tarnikkullu nappaatilinnut immikkoortortaqarfiup najugaqarfiisa ilagaat, tarnimikkut timikkullu innarluutilinnut inissaqartitsisoq. Illit pingaarnertut suliassarissavat suleqatitit peqatigalugit najugaqartut tarnimikkut, timimikkut inooqataanikkullu piginnaasassanik inerisaaviginissai, taamaalillutik sapinngisamik imminnut ikiorsinnaalersillugit. Suleqatitit 16 missaaniittut ilinniagaraat perorsaasoq, ilinniartitsisoq, isumaginninnermik ikiorti kiisalu sulianik ilinniagaqanngitsut.
Najugaqartuutitta 25 missaanniittut saniatigut najugaqatigiiffik 16-init missaanni sulisoqarpoq.
Suliassatit:
·Pilersaarusiorneq, aaqqissuineq aamma ulluinnarni suliassanik aqutsisoq peqatigalugu ataqatigiissaarineq
·Najugaqatigiiffiup najugaqartunut neqeroorutaanik ineriartortitsineq sulisut aqutsisorlu suleqatigalugit
·Aqutsisup peqannginnerani aqutsinermik ingerlatsinermillu suliassanik isumaginninneq
Suliassat najugaqatigiiffimmi sulisut allat qanimut kiisalu illup iluani avataanilu suleqatigisat suleqatigalugit suliarineqassapput, sullissisut, Ikaarsaarfik, Dronning Ingridip Napparsimmavissua aamma Pinerluttunik Isumaginnittoqarfik ilanngullugit
Ilinnut naatsorsuutigineqartut:
·Perorsaanermik, peqqinnissaqarfiup iluani assingusumilluunniit ilinniagaqarsimanissaq
·Ineriartorusussuseqarneq aamma immikkoortoqarfik eqqarsaatigalugu, taamaalilluni najugaqartuusumut allannguineq pingaaruteqarluinnartoq pilersillugu
·Aqutsisoq suleqatigalugu sulisunut ersarissumik assigiimmik anguniagaqarneq
·Ataatsikkut arlalinnik suliaqarsinnaassuseqartutit
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Uagut pilluta:
Atorfimmi tassani ataatsimooqatigiinnermi annertuumi peqataalissaatit: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu tapersersorteqarfinnut pingasunut Nuummi, Tasiilami Paamiunilu agguataarsimasut.
Immikkoortoqarfimmi annertuumik ineriartorfiusussanngortumi pissanganartumilu atorfimmik neqeroorfigaatsigit. Ineriartortitsinermi ilaatigut pineqarlutik sulilerlaatut iluamik ilitsersuunneqarnissat, ingerlaavartumik siunersioqatigiittarnissamik kiisalu suliatigut ataatsimooqatigiiffeqarnissamik imaqarput.
Naatsorsuutigaarput atorfinitsitsinissamut oqaloqatiginninnissaq sap. ak. 44-mi pissasoq.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Aqqaluk Sloth Pedersen, oqarasuaat +299 36 63 52 imaluunniit +299 49 27 89 imaluunniit e-mail: aqsp@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1004-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 18.-at, 2024