Naalakkersuisut Kukkunersiuisuinut kukkunersiuinermi pisortassaanik pissarsiorpugut
Naalakkersuisut Kukkunersiuisuinut kukkunersiuinermi pisortassarsiorpugut.
Namminersorlutik Oqartussani kukkunersiuinermi, suliffeqarfiit akimorlugit kukkunersiuilluni sulinermik nukittorsaanissamik siuttussamik pisortassarsiorpugut. Namminersorlutik Oqartussani kukkunersiuillutik sulisut kukkunersiugassanik suliaqartarput, pisortanullu kukkunersiuinermi suliatigut periutsini aalajangersakkat malinneqartarlutik.
Ingerlatsinermi pissuserissaarnissamik annertuumik aallussinissaq qulakkeerniarlugu, kukkunersiuisut suliffeqarfianik nukittorsaanissaq siunertaavoq, Namminersorlutik Oqartussat suliffeqarfiit akimorlugit sulianik qaffasissuseqartitsinissamik pisariaqartitsinermik qulakkeerinnittussamik.
Naalakkersuisut Kukkunersiuisoqarfiat Akissarsialerivik Aningaasaqarnermut Sulisoqarnermullu Aqutsisoqarfimmi pisortamut aaqqissugaaneq naapertorlugu nalunaaruteqartartussaavoq, aammalu Qitiusumik Naatsorsuuserivimmik aammalu Namminersorlutik Oqartussat avataaniit naatsorsuuserisui qanimut suleqatigiinnerannut ilaavoq.
Atorfinitsitsiniarnerup ingerlannerani Tomas test-erisoqarnissaa naatsorsuutigineqassaaq, taamatullu paasiniaaffissanik pissarsiniartoqassaaq.
Naalakkersuisut Kukkunersiuisuini pisortatut suliassatit ilaatigut makkuussapput:
Naalakkersuisut Kukkunersiuisuini iluaqutaasinnaasumik ineriartortoqarnissaanut siuttuuffiginissaa, allaffimmi sulisut piginnaasaannik tunngaveqarluni suliffimmik nutaamik pilersitsisinnaasumik,
Ataatsimoortitsisoq, kaammattuineq taamatullu kukkunersiuisut kukkunersiugassanik assigiinngitsunik suliaqarsinnaanissaanut aqqutissiuineq,
Tapersersuineq, immikkoortumi tassani pisariaqartitanik piginnaasaqartuaannarnissaat taamatullu suliassanik suliaqarnissamut ilisimasaqarneq,
Aqutsisoqarfimmi naatsorsuutinut avataaneersunit kukkunersiuisartunik suleqateqaannarnissamut tunngaviit ataatsimoorussat eqqortinnissaannut ingerlatsiinnarnissamik qulakkeerinninneq,
Naalakkersuisut Kukkunersiuisuinit Namminersorlutik Oqartussat ilitsersuutit, taamatullu malittarisassat malitassallu, suliffeqarfiup iluani nakkutilliisunit malinneqarnissaanut qulakkeerinninneq,
Namminersorlutik Oqartussat immikkoortuini 120-jusuni, aningaasaateqarfinni, sanaartukkanut sanaartornikkullu naatsorsuutinut kukkunersiuineq,
EU's Northern Periphery Programme suliniutaanut First Level Control,
Naatsorsuusiornermut ilitsersuusiorneq aamma pequtit allattorsimaffiinik sulianut akuersineq,
Kukkunersiuinermi najoqqutassiamik nutarterineq suliniutinillu nutaanik aalajangersaaneq,
Namminersorlutik Oqartussani immikkoortortani, ilaatigut naatsorsuutit ilitsersuutaannik, siunnersuineq ilinniartitsinerlu,
Suliffik ineriartorfiusoq unammillernartorlu, suleqatikkuminartuunissannut nutaaliorsinnaassutsinnullu piumasaqaateqartoq uani pineqarpoq. Naatsorsuutigaarput illit sullivinni avatangiisit pillugit pitsanngorsaataasumik ilanngussisinnaassasutit aammalu allaffissornikkut atortorisatsinnik suleriaatsinillu piuminarsaaqataassasutit.
Piginnaasatit:
Atorfimmut naleqquttutut ilannguneqarnissamut tunngatillugu piumasaqaataavoq pingaarnertut aningaasaqarnermut tunngasutigut, kukkunersiuinermik mianernartunillu aqutsinermik ilinniagaqartuunissat. Taakku saniatigut naatsorsuutigaarput:
Naatsorsuuserisutut ilinniarsimasoq – cand. merc. Aut.
Aqutsisutut ilinniarsimaneq aammalu aqutsinermik misilittagalik,
Ukiuni arlalinni naatsorsuuserinermut kukkunersiuinermullu tunngasunut nakkutilliinermik misilittagalik,
Sisamanik pikkorissunik sulisulimmi aqutserusussuseqarneq,
Naalakkersuisut kukkunersiuisuni Standerimi aaqqissuussanik, piumasaqaatinut suleriutsinillu ilisimasaqarluartutit,
Aqutsinikkut ilisimasaqarluarneq,
Suliassanik isumalluutinillu pilersaarusiornermut piginnaasaqarneq,
Nalilersuilluni misissuisarnermut piginnaasaqarneq,
Aaqqissuussaanerit naalakkersuinikkut aqunneqartunut aqqutissiuineq,
Suleqatit atugarissaarnissaat suliatigullu ineriartornissaat pisuussutitut pingaaruteqartutut isigisinnaassagit,
Tamakkiisumik isiginnissinnaaneq piginnaaneqarfigissagit,
Kalaallisut dankisullu oqaaseqassasutit taamatullu tuluttut piginnaasaqassasutit, kiisalu kalaallit inuiaqatigiit kulturiallu paasisimasaqarfigissagitit.
Aningaasarsiatigut atorfeqarnermilu atugassarititaasut
Atorfik akissaateqarfimmi LR 38-misut qaffasissusilimmi maanna inissisimavoq.
Aningaasarsiat aalajangersimasunik aningaasarsianut ilallit LR 38-mi 1. april 2022-miit qaammammut 56.911 Kr.-upput ukiumullu 682.930
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.
Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministereqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Isumaginninnermut nunamullu namminermut ministereqarfiup aammattaaq kommuninut immikkoortortanullu Kalaallit Nunaanni Namminersorlutik Oqartussani atorfinitsinneqarnermi aningaasarsiaqarani sulinngiffeqarnissamut qinnuteqaatit tigulluarneqartarnissaannik innersuussutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut katissimasaannut /aappaannut aamma atuupput.
Atorfimmut atatillugu piffissap suliffiusussap sivisunerpaaffissaa aalajangersagaanngilaq, aamma qaangiuttoornermi ajunngitsorsiassaqarneq pillugu aalajangersakkat kiisalu ullunik sulinngiffiusussanik annaasaqarnermi ajunngitsorsiassat pillugit aalajangersakkat atuutinngillat, aallaaviatigut sap. akunneranut 40 tiimit sulisoqartassalluni.
Akissarsianut atorfeqartitaanermullu piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Ineqarneq
Atorfimmut atatillugu sulisutut ineqarnissamut innersuussisoqarsinnaavoq. Qinnuteqartorli Namminersorlutik Oqartussani atorfeqarnermini sulisunut inissiamik innersuussivigineqareersimaguni sulisunut inissiamik innersuussivigineqarsimanini attatiinnassavaa.
Ulloq januari 6-ani 2025 qinnuteqarnissamut killigititaavoq.
Atorfik pillugu annertunerusumik paasisaqarusukkuit Aningaasaqarnermut Akileraartarnermullu Naalakkersuisoqarfimmi pisortaq Nikolai S. Crhistensen mail: nsch@nanoq.gl imalt. oqarasuaat +299 346675 taamatullu Qitiusumik Naatsorsuuserisoqarfimmi pisortaq Egon Skindhøj mail: egsk@nanoq.gl imalt oqarasuaat +299 346726 atorlugu attavigisinnaavat.