Naalakkersuisoqarfimmi pisortap sulisuini siunnersortaaneq

Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfimmi siunnersortaanermik misilittagalimmik pissarsiorpugut, sulisortaassarput eqqarsarluarsinnaasariaqarpoq, ingerlatsinermik eqqarsaateqassalluni kiisalu politikkitigut aqutani sulerusussuseqassalluni kiisalu aqutsisunik kiffartuusserusussuseqassalluni.

Atorfik soqutiginarluinnartoq unamminartorlu neqeroorutigisinnaavarput, sulisut pikkorissut aallussisullu suleqatigilissavatit. Ulluinnarni ingerlatsinermut sunneeqataasinnaavutit suliffeqarfimmilu ineriartornermut sunniuteqarsinnaallutit, kissaatigineqartut piginnaasatillu atorlugit ulluinnarni suliassavit suliarinissaannut nammineq aamma sunniuteqarsinnaavutit.

Siunnersortaanertut naalakkersuisoqarfimmi sulisut suleqatigissavatit. Ulluinnarni naalakkersuisoqarfimmi pisortaaneq aqutsisullu allat qanimut suleqatigissavatit. Suliassat suliarinerini ilisimasallit qanimut suleqatigineqartarput, soorlu aamma suleqatigisartakkat suliffeqarfiup avataaniittut suleqatigineqartartut, taamaattumik suleqateqarsinnaasariaqarputit tassami suliassaqarfiit nalinginnaasut akimorlugit suliniutinik ingerlatsisoqartartoq aammalu inuit assigiinngitsunik tunuliaqutillit suleqatigineqartarlutik. Naalakkersuisoqarfimmi soqutigisat assigiinngisitaartut akornanni sulianik ingerlatsissaatit, suliallu siammasissuullutik. Suliffeqarfik politikkitigut aqutaavoq, taamaattumik politikkitigut aalajangikkanik sunnerneqarsimanak kinaassusersiornallu sulisinnaassuseqartariaqarputit.

Kalaallit oqaasiinut kulturianullu ilisimasaqarneq iluaqutaangaatsiassaaq. Qinnuteqartut Kalaallit Nunaata avataaneersut kulturimi sungiusimanngisaminni sulerusussuseqarnissaat kajumissuseqarnissaallu isiginiarneqassaaq. Nunap iluaniittut avataaniittullu assigiinngitsut attaveqarfigisarpagut. Taamaattumik tuluttut oqalussinnaallutillu allassinnaanissat pingaaruteqarpoq.

Atorfiup nassuiarneqarnera:

Siunnersortaanertut naalakkersuisoqarfimmi qitiusumik inissisimassaatit. Suliassatit makkuussapput:

Suliassat:

• Ataqatigiissaarinissaq sulianillu ingerlatsinissaq qulakkeerniarlugu immikkoortortaqarfinnik allanik suleqateqarneq, tassunga ilanngullugu tusarniaassutinut akissuteqaasiorneq aammalu § 37 naapertorlugu apeqquteqaatinik suliaqarneq.
• Suliassaqarfiit akimorlugit suliniutinik iliuusissanillu suussusersineq.
• Naalakkersuisoqarfiup suliaannik suliniutaannillu malinnaaneq ingerlatsinermillu qulakkeerinninneq, tassunga ilanngullugu politikkitigut allagaqaasiornernik aalajangiussassatullu tunngavissanik suliaqarnermi suleqataaneq.
• Naalakkersuisoqarfimmi pisortamut suliat killiffiinik unammilligassanilluunniit nalunaaruteqarneq.
• Attaveqaqatigiinnissamut periusissiassamik pilersaarusiorneq, tassunga ilanngullugu tusagassiorfinnut nalunaarutinik suliaqarneq, tusagassiorfinnullu attaveqarneq.

Aqutsinerup iluani isumasioqatigiinneq:

• Naalakkersuisoqarfimmi pisortaq peqatigalugu misissuineq, aalajangiinissamut tunngavissiorneq kiisalu siunertalimmik siunnersuineq.
• Aqutsinerup iluani oqaloqatigiinneq kiisalu naalakkersuisoqarfimmi suleriutsinik ineriartortitsineq.

Suliffeqarfimmik ineriartortitsineq:

• Suleriutsini pitsanngorsarneqarsinnaasunik ineriartortinneqarsinnaasunillu suussusersineq.
• Suliffeqarfimmi ingerlatsinermi allannguutinik atuutsitsiniarnermi suleqataaneq.

Piginnaasat:

• Naapertuuttumik qaffasissumik ilinniarsimanissaq (ass. Inuiaqatigiilerinermi ilisimatusarneq, inatsisilerinerup, aningaasaqarnerup imaluunniit attaveqaqatigiinnerup iluani ilisimatusarsimaneq).
• Minnerpaamik qulaani taakkartorneqartunik ukiuni arfinilinni suliaqarsimaneq, ajornanngippat aqutsisutut.
• Misissuinermik siunertalimmillu eqqarsarsinnaassuseqarneq.
• Attaveqaqatiginnilluarsinnaaneq sulerusussuseqarnerlu.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job