Naalagaaffinngornissamut Nunanullu Allanut Naalakkersuisoqarfik pisortanut allatsissarsiorpoq
Naalagaaffinngornissamut Nunanullu Allanut Naalakkersuisoqarfik, naalakkersuisoqarfiup pisortaaneranik qanimut suleqateqartussamik, naalakkersuisoqarfimmilu immikkoortortaqarfimmi suliat akimorlugit suliaqarnermi ataqatigiissaarisussamik malitseqartitsisussamillu suleqatissarsiorpoq.
Suliat ingerlannerat, ullullu suliffiusut eqaatsumik uummaarissumillu ingerlanneqarnissaanut qulakkeerinneqataassaatit – tassani ilaatigut naalakkersuisoqarfimmi pisortaanera, pisortaqatigiit naalakkersuisoqarfiullu sinnerata kiffartuunnerani. Naalakkersuisoqarfimmi pisortaaneq, naalakkersuisup allattaa naalakkersuisoqarfimmilu aqutsisoqatigiit qanimut suleqatigissavatit. Unammilligassat pissanganartut, naalakkersuisoqarfimmi suliaqarfinnut paasisimasaqarlualernissat aammalu suliassat assigiinngisitaartut suliaqarfiginissaat naatsorsuutigissavat.
Suliassatit ilaatigut makkuninnga imaqassapput:
- Naalakkersuisoqarfiup pisortaaneranut allattaaneq, tassunga ilaallutik ullorsiutinik ataqatigiissaarineq, ataatsimiinnissanut piareersarneq saaffiginnissutinillu akiortuineq
- Pisortaqatigiinni ataatsimiinnissanut piareersaaneq malitseqartitsinerlu
- Naalakkersuisoqarfiup pisortaanerata Naalakkersuisullu saqqummiussassaanik pitsaassutsikkut qularnaarinninneq
- Naalakkersuisup allattaanik qanimut suleqateqarneq
- Naalakkersuisumut, Naalakkersuisunut Inatsisartunullu suliassat ataqatigiissaarneri malitseqartinnerilu
- Tusagassiutinut nalunaarutit tusarniaanerillu suliarineri ataqatigiissarnerilu, Naalagaaffinngornissamut Nunanullu Allanut Naalakkersuisoqarfimmi immikkoortortat akimorlugit sulinermi peqataaneq
Piginnaasat
Naatsorsuutigaarput illit:
- tulluartumik ilinniagaqarsimanissat
- politikkikkut aalajangiinissamut ingerlaatsinut paasisimasaqarnissat, ajornanngippat assingusumik atorfeqarsimanermit
- annertuumik akunnermiliulluni sulissusisinnaaneq, pingaartumik allattariarsornikkut
- Suliffimmi ulapaarfiusumi, oqaluuserisassat suliassallu nikerartut nuannarinissaat
- Aaqqissuulluakkamik sulisinnaaneq piffissaliussallu iluanni suliassanik naammassinninnissamut qulakkeerinnillaqqiisuunissat
- namminersorluni sulisinnaaneq suleqatiginnillaqqissuunissarlu
- Kalaallisut, danskisut tuluttullu oqaatsinik piginnaasaqarluarnissaq
Inuk ujartugarput tassaavoq:
- tamanik takunnissinnaasoq nukissaqarluartorlu
- aaqqissuulluakkamik suliaqarsinnaasoq peqqissaartorlu
- akisussaassusilik suliassanullu pitsaasumik ingerlariaasilik
- eqeersimaartoq sulinutinillu aallarniisinnaasoq
Ulloq atorfiniffissaq: 1. maj 2025 imaluunnit isumaqatigiissuteqarnikkut. Annertunerusumik paasisaqarusuppit: Atorfimmut tunngatillugu annertunerusumik paasisaqarusukkuit naalakkersuisoqarfiup pisortaanut Mininnguaq Kleist +299 345148 / mikl@nanoq.gl attavigineqarsinnaavoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Qinnuteqartumut eqqortumut immikkut imaluunnit siunnersortit pisortaattut atorfinitsinneqarsinnaavoq
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job