MIO-mi innuttaasunik saaffiginnittartunut siunnersortimik/sullissisumik pissarsiorpoq.
MIO innuttaasut inunnik isumaginninnermi siunnersorti/siunnersortissarsiorpoq
Nunatsinni meeqqat ilaqutariillu malugisinnaasaannik allatut suliniuteqarusuppit? Inunnik oqaloqateqallaqqippit? Assigiinngitsorpassuarnik ataatsikkut suliaqarlutit qunuginngiliuk? Taava MIO`mi innuttaasunut saaffiginnittarnerinut siunnersortitut atorfik immaqa ilinnooruttortoq?
MIO`p sulissutigaa Naalagaaffiit Peqatigiit meeqqat pisinnaatitaaffiinut isumaqatigiissutaat Nunatsinni suli ilisimaneqarnerulernissaat. MIO`mi suleqatigiiuvugut ikittunnguulluta qanimut suleqatigiittut, ilinniarsimassutsikkut nikeraqaluta, kisianni tassa, tamakkua akimorlugit suleqatigiippugut, ajunnginnerpaamik angusaqarumalluta. Siunnersortitut atorfik innuttaasut saaffiginnittarnerinut suliaqartussaq suliffittut isigalugu unaminnartuuvoq, tassami piumasaqarpoq immikkuuffaarissumik sulissasoq allanillu aamma suleqateqassasoq. Allaffissornertaqarpoq, angalanertaqarsinnaallunilu.
Suliassatit makkuussapput:
Innuttaasut saaffiginnittarnerinut pingaarnerusumik akisussaasoq – allattariarsornermi aamma oqaluttariarsornermi suliassat, paasissutissanullu toqqorsivitsinnut nalunaarsuinerit
Allaffissornikkut suliassat namminersorluni suliarissavai
Meeqqat Illersuisuat Meeqqallu siunnersuisooqatigiivi sullitaralugillu suliamik tunngasutigut isumassarsioqataasinnaaneq
Meeqqat inuusuttullu oqaloqatigiinnerini ataatsimiinnernilu peqataassalluni, suleqatit aamma immikkut ilinniarsimasut, aamma malittareqqinneqarnissaat
Pilersaarutinut sulianut peqataaneq isumassarsioqataasinnaaneq assigiinngitsuni, ilaatigut meeqqanik peqataatitsilluni suliassanut, soqutigisaqaqatigiinnik ataatsimeeqateqarneq il.il.
Nutsigassat naannerit aamma kukkunersiugassat annikinnerit.
Illit akisussaaffitit:
Innuttaasunut saaffiginnittunut akisussaasoq aamma siunnersuineq inulerinermut ilinniarsimassutsikkut tunngasutigut aamma Naalagaaffiit Peqatigiit Meeqqanut Isumaqatigiissutaannut tunngasutigut.
Ilinniartitaanikkut piumasaqaataasut:
Inunnik isumaginninnermi siunnersortitut imaluunniit inulerinerup iluani ilinniartitaanikkut allatigut naleqquttumik ilinniartitaaneq. Meeqqanut inuusuttunullu misilittagaliusinnaavoq.
Pingaartipparput makkuninnga piginnaaneqartutit:
Suliassaq naammassinissaata tungaanut malittarineqarnissaa Kommunimi suliassaasunik ilisimasaqarneq
Suliaminut tunniusimasoq sungiussisimasuullunilu
Pisariaqartitsineq naapertorlugu suleqatinik suliamut attuumasunik akulerussitsineq
Mikisualunnut takunnissinnaasoq
Inerisaanermik soqutigisalik
Tamakkerlugu isiginninneq piffissarlu eqqorlugu tunniussineq
Uppernassuseqarluarluni qaffasissumillu suliaqarsinnaasoq
Tamakkerlugu isiginnittaaseqarsinnaasoq, suliamik pingaarnersiuillunilu aaqqissuillaqqissusilik – aamma ulapaarfiup nalaanni
Namminersullaqqissoq, allat utaqqiinnarnagit iliuuseqallaqqissoq aaqqissuillaqqissorlu
Alapernaatsoq aamma inuit tatiginassusermik tunngaveqarluni attaviginissaannut pilersitsillaqqissoq
MIO`mi suliavut aallaavigivaat Meeqqat Illersuisuata Meeqqallu Siunnersuisooqatigiivi inatsisitigut tunngavii.
MIO arfiniliinnarnik imminut ilisarilluinnartunik suleqatigiinnik pilersitsinikuuvoq. Tamatta Nunatsinni meeqqanut inuusuttunullu tunngasutigut tunniusimalluinnarluta suliaqarpugut.
Ulluinnarput ulapaarfiuvoq naammassisaqarluartarluta, pisullu ataatsikkut ingerlaartut tamakkiallugit ataatsikkut suliarisariaqartarlugit, tamannalu pissutigalugu tamatta immikkut ilinniarluarsimanerput atorluaqaarput suleqatigiilluta. Suliap ingerlarna malilluinnarlugu sulivugut faginullu arlalinnut tunngasut pingaartitaralugit. Suleqatigiinitsinni ilaasortaarusukkuit meeqqallu pisinnaatitaaffii Nunatsinni sunnerusukkukkit, taava imaassinnaavoq MIO ilinnoortoq. Inunnik isumaginninnermi siunnersorti/Siunnersorti pingaarunersumik Nuummi allaffeqarfimmiit sulissaaq.
MIO`mi tunngaviusumik isigalugu inatsisitigut tunngavipput qimannagu sulivugut, taamaammat Meeqqat Illersuisuat aamma Meeqqat Siunnersuisooqatigiivi inatsisit naapertorlugit sullippavut.
MIO`mi ilinnut neqeroorutigisinnaavagut:
Suleqatit suliaminut pikkorissut, suliaminnullu tunniusimalluinarlutik angusarusuttut
Naalagaaffiit Peqatigiit meeqqanut isumaqatigiissutaat malillugit nunarput tamakkerlugu siunnersuinerit
Nunatsinni meeqqanut inuusuttunullu sunniutilimmik sullississalluni
Januarip aallaqqaataani sulilersinnaavoq immikkulluunniit isumaqatigiissuteqarnikkut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.