MI Tasiilami Suliniutinik Ingerlatsivimmi (Indsatsområdet) sullissinermik aqutsisoq
Kommuneqarfik Sermersooq pikkorissumik tunniusimasumillu MI Tasiilami Suliniutinik Ingerlatsivimmut (Indsatsområdet) suliniutinik aqutsisumik (behandlingsleder) 01.03.2025 kingusinnerusukkulluunniit piaartumik sulilersinnaasumik pissarsiorpoq
MI Tasiilami aaqqissuusseqqinneq ingerlanneqarpoq, tassanilu aaliangiunneqarluni suliniutinik ingerlatsiviit tamarmik ataatsimut immikkoortortaqalissasut. Immikkoortortami sulisut 23 naatsorsuutigineqarput, imatullu agguarneqarlutik: immikkoortortami aqutsisoq 1, suliniuteqarnernut aqutsisoq 1, tarnip pissusaanik immikkut ilisimasalik 1, psykoterapeutit 2, børnehusimut konsulent 1 børnehusimii sullinneqartunut ataqatigiissaarinermik suliaqartoq, ilaqutariinnik aqqutissiuisut 10, inuusuttuaqqanut siunnersortit 4 aamma ilaqutariinnut paarsisartunut siunnersortit 3.
MI Tasiilami suliniutinik ingerlatsivimmi sullinneqarput meeqqat ilaqutariillu tapersersorneqarnissamik pisariaqartitsisut, pisortat oqartussaaffeqarsiani sullissisunik (sagsbehandlere) innersuunneqarsimasut. Børnehusimut tunngatillugu politiit aamma innersuussisinnaasarput, tassanilu videoafhøringit pineqarnerusarlutik.
Atorfik ulloq naallugu atorfiuvoq, aaqqissuusseqqinnermut atatillugu immikkoortortami sullissisunut tamanut atuumatinneqalerluni (siusinnerusukkut immikkoortortaaqqat tamarmik sullissinermut aqutsisoqaraluarput). MI Tasiilami Suliniutinik Ingerlatsivimmi (Indsatsområdet) aqutsisoq qaninnertut pisortaassaaq.
Atorfiup imarisaa:
Sullissinermi aqutsinermut misilittagaqartumik perorsaanermut isumaginninnermulluunniit tunngasumik ilinniangalimmik, ajornanngippallu katsorsaasutut arlaatigut ilinniangalimmik, meeqqanik ilaqutariinnillu tapersersorneqarnissamik, ilitsersorneqarnissamik katsorsarneqarnissamilluunniit pisariaqartitsisunut sullissisunut aqutsinikkut siunnersuinikkullu peqataalluarsinnaasumik ataanilu makkunannga suliaqarluarsinnaasumik pissarsiorpugut:
∙Immikkoortortami aqutsisoq peqatingalugu sulisut ineriartorteqqinnissaannut aqutsisissiuineq
∙MI iluani aammalu avataani suleqatit qanimut suleqatiginissaannut akisussaasoq
∙Immikkoortortami aqutsisoq peqatingalugu Suliniutinik immikkoortortaqarfimmi neqeroorutit ineriartorteqqinnissaat, aammalu sullissisut (sagsbehandlerit) oqariartuutaat malillugu suliniutinik nutaanik ineriartortitseqqinnerit akisussaaffiginissaat
∙Ulluinnarni sullitanut sullissinermut tunngatillugu sulianik ataqatigiissaarineq agguataarinerlu, taamatuttaaq sulisut suliniutit pillugit avitseqateqartarnissaannik isumaginninneq.
∙Nalunaarusiornerit qaammatit pingasukkaarlugit aammalu ukiumut nalunaarusiornerit isumagineqarnerit qulakkeerinninneq
∙Sulisut ataatsimiisitsineq aammalu sullitat pillugit ataatsimiinnernik oqaluuserisassanik isumaginninneq imaqarniliornerillu, immikkoortortami aqutsisoq peqatingalugu
∙Immikkoortortammi aqutsisoq sulisullu peqatigalugu ukiup ingerlanerani suliassanik pilersaarusiornerit.
∙Sullitanut ineqarfiit (behandlingslejligheder), ungehybler aamma namminiilernissamut piareersimanerusunut inissiaatinut innersuussinerni, taakkununngalu tunngatillugu allaffissornikkut suliassanik, immikkoortortaqarfimmi aqutsisoq peqatingalugu akisussaaneq.
∙Immikkoortortami aqutsisup ilisimatinneqartarnissaanik malinnaatinneqarnissaanillu isumaginninneq.
∙Suliffeqarfiit akimorlugit ataatsimiinnernut peqataaneq
∙Ineriartortitseqqinnermi qulliunerusumi aqutsisuniit aallarnerneqartuni suliniutinut assigiinngitsunut peqataasarneq.
∙Suliarinasuarneqarsinnaasullu allat ilanngullugit (Ad hoc) immikkoortortami aqutsisoq fagchefeluunniit suliakkiineratigut
Suliassat MI Tasiilami sulisut allat kiisalu qanittumik suleqatit attuumassuteqarsinnaasut peqatigilluinnarlugit suliat ingerlanneqartassapput.
Qinnuteqartunut naatsorsuutigisat:
∙Perorsaanermut isumaginninnermulluunniit tunngasumik ilinniagalik, soorlu socialpædagog, rådgiver i socialt arbejde, socialrådgiver, ajornanngippallu katsorsaanermut tunngasumik arlaannik ilinniangalik
∙Aqutsinermut tunngasunik misilittangalik, ilinniangalilluuniit. Taamaanngippat ilinniaqqinnissamut soqutiginnittoq.
∙Ilaqutariit tamakkiisumik isigalugit sullissinermik misilittangalik.
∙Inuttut sulisutullu misilittakkat tunngavingalugit ersarissumik isummersinnaasoq paasititsisinnaasorlu
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Pingaartipparputtaaq:
∙Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
∙Uippakajaarani arlariinnik suliaqarsinnaasoq
∙Erseqqissumik tappissumillu allattariarsorlunilu oqaluttariarsorsinnaasoq
∙Nammineerluni sulisinnaasoq, akisussaassuseqartoq sullissiumatoorlu
∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
∙Nukittooq pilersitsiniallaqqissoq inissaqartitsiuartoq piumassuseqarluartorlu
∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
∙Kisitsisilerillaqqissoq
∙Atituumik suleqateqarluarsinnaasoq
Neqoroorutigaavut:
Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Atorfiniffissamut angalanissaq:
Atorfinitsinneqarnermilu, atorfeqarfissamut angalatinneqarnermut atasumik, pequtinik atorfeqarfissamut nutserinermi, atorfinittoq akiliunneqassaaq. Aammalu atorfimmiit tunuarnermi, angalanissamut/nutsernissamut akiliunneqarneq aatsaat pisinnaavoq, ukiuni pingasuni imaluunniit amerlanerusuni atorfeqareersimanerup kingorna.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Gerda Fleischer, oqarasuaat +299 36 72 79 imaluunniit e-mail: gfle@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 04-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: januaarip 23.-at, 2025