Meeqqeriveqarnermut immikkoortortaq fagchefissarsiorpoq
Kommuneqarfik Sermersuumi Meeqqanut Atuarfeqarnermullu Ingerlatsivik meeqqeriveqarnermut suliassaqarfimmi fagchefimik piukkunnarluartumik ulloq decembarip aallaqqaataat 2024-mi kingornaluunniit piaarnerpaamik aallartissinnaasumik pissarsiorpoq.
Ingerlatsiviup meeqqanik alapernaatsunik, tatituunik, peqqissunik nuannaartunillu pilersitsinissani kiisalu ulluunerani paaqqinnittarfinnik Nunatsinni pitsaanerpaanik peqarnissani anguniagassatut aalajangiussimavai. Aqutsisumik pikkorissumik misilittagartuumillu perorsaanermut tunngasutigut ilisimasartuumik pissarsiorpugut. Taamaattumik perorsaanermut tunngasutigut piukkunnaateqaruit ulluuneranilu neqeroorutinut tunngatillugu takorluukkatsinnik anguniagaqaqatigisinnaagutsigut, taamaappat tassa illit ujagarput.
Fagchefitut aqutsisoqatigiinnut ilaalissaatit, illit ilanngullutit ukuusut Pisortaq, Sulisoqarnermut pisortaq aamma fagchefit allat pingasut. Meeqqeriveqarnermut immikkoortortami sulipput fagchefi, immikkoortortami aqutsisut aamma perorsaanermut siunnersortit pingasut. Fagchefitut siullertut ingerlatsinermik ineriartortitsinermillu suliaqassaatit kiisalu kommunimi meeqqat nukarlersaasa nalerisimanissaannik, ilikkagaqartarnissaannik ineriartornissaannillu tapersersuinermik qulakkeerinnillutit. Tamanna immikkoortortami sulisut, aqutsisoqatigiit aamma meeqqeriviit qanimut suleqatigalugit pissaaq. Taakkua saniatigut missingersuusiornermut aamma tassannga malittarinninnermut akisussaasuussaatit kiisalu sulisut suleqatigalugit sulianik saqqummiussinerit politikerinik atorneqartussanik suliaqartarlutit.
Atuarfeqarfiit ulluuneranilu neqeroorutit politikkikkut aaqqissuussaanikkullu pingaartinneqaqaat, taamaattumillu kommunimi meeqqat nukarlersaannut neqeroorutit ataavartumik pitsanngorsarsinnaajumallugit, suliniutit arlallit pissanganartut allaaserineqartussat, suliarineqartussat nalilersorneqartussallu aallartisarneqarput.
Ilinnut naatsorsuutigisavut:Inummik aqutsisoqatigiinnik pikkorissunik suleqateqarusuttumik, suliatigullu piginnaasani atorlugit suliatigut suliassaqarfinnilu assigiinngitsuni suleqatigiinnikkullu siunnerfilersuisinnaasumik ujarlerpugut.
Naatsorsuutigaarput illit:
·Suliassaqarfiup iluani master/kandidatitut qaffasissuseqartumik ilinniagaqarsimasutit imaluunniit ilinniaqqinnissannut piareersimasutit
·Aqutsinermik misilittagaqartutit
·Suliassaqarfimmut inatsisinik sukumiisumik ilisimasaqartutit
·Missingersuusiornermik taakkuninngalu malittarinninnermik pitsaasumik paasinnittaaseqartutit
·Politikkikkut aaqqissuussaasumik ingerlatseriaaseqarneq ilisimasaqarfigigit
·Aaqqissuussisinnaassuseqartutit, misissueqqissaarsinnaasutit periusissiornikkullu tamakkiisumik isiginnissinnaasutit
·Sulisunik suleqatinillu attaveqarluarsinnaassasutit
·Anguniagaqartuuvutit, namminersorsinnaasoq aamma politikkikkut suliakkiutigineqartunik tunniussisinnaavutit
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Neqeroorutigisinnaavarput:
Suliffeqarfiuvugut ineriartortitsinermi sunniuteqarnissamut periarfissiisumik kiisalu aqutsisoqatigiinnik suleqatinillu pikkorissunik sammiveqatigiillutik kiisalu ingerlatsivik tamakkerlugu takorluukkat assigiissut siunertaralugit suliaqartut.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Lone Nukaaraq Møller Pisortap qullersaa, oqarasuaat +299 36 73 01 imaluunniit e-mail: lnm@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Paasissutissat allat uannga pissarsiarineqarsinnaapput:
Atorfik soqutigigukku atorfimmut tassungalu tunngasunik suliassanik itinerusumik paasisaqarusukkuit attavigissavat, Pisortaq Lone Nukaaraq Møller, LNM@sermersooq.gl.
Qinnuteqaat:
Qinnuteqaat qulequtserlugu Atorfiup ilisarnaataa 1197-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 6.-at, 2024