Meeqqat illuat immikkoortortami pisortassarsiorpoq
Unammillernartunik nutaanik ujarlerpit, suliffimmi ilusilersorluakkamik pingaarnerusumik meeqqanik 18-nik isumagineqarnissaminnik pisariaqartitsisunik, nalinginnaasumik silassorissuseqartut, immikkoortortanut pingasunuk agguarsimasut sullinnissaannut piareersimavit, taava atorfik ujartukkat immaqa pigaarput. Naatsorsuutigineqarpoq, illit suliffeqarfiup katsorsaanermut ingerlatseriaasia naapertorlugu ilitsersortinnissamut piareersimassasitit.
MEEQQAT ILLUATA perorsaariaasia ingerlanneqarpoq ukua tunngavigalugit: paaqqutarinninneq toqqissisimaneq, aaliangersimasumik siumut nalunanngereersunik killilersuineq.
Meeqqanik isumassuinerit, paaqqinninneq, atajuartumillu isumaginninneq aqqutigalugit, ulluinnarni inersimasut pilersitsisinnaasut ilagalugit, Nuup kangerluani ilaqutariittut assingusuni najugaqatigiinniffinniillutik, perorsarneqarneq, katsorsarneqarneq, kajumissuseqalersinneqarneq assigiinngitsunut, angerlartinneqarnissaq siunertaralugu ikiorsiinermik sullissineq.
Sapaatit akunnerini marlunni Kangerlummiittarnissat naatsorsuutigissavat, ingammik aasami.
Qinnuteqarfissaq kingulleq: 1. november 2024
Atorfik initaqanngilaq, kisianni Namminersorlutik oqartussat ataanni suliffeqaruit, atorfinnut atatillugu inigisat atuinnarnarsinnaavat.
Annertunerusumik paasisaqarusukkuit Isumaginninnermi aqutsisoqarfiup nittartaagani Meeqqat Illuat alakkarsinnaavat, imaluunniit sianerlutit tlf. 322233 allallutilluunniit uunnga: meeqqat@nanoq.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.