![Meeqqat angerlarsimaffiat Sarliaq afdelingslederissarsiorpoq](https://image.sjob.gl/2094669.webp?imageId=2094669&width=960&height=548&format=jpg)
Meeqqat angerlarsimaffiat Sarliaq afdelingslederissarsiorpoq
Ulloq atorfininnissaq: 01 oktober 2024 isumaqatigiinnikkulluunniit.
Piginnaaneqarpit piumassuseqarlutillu aqutsisooqatigiinni ulluinnarni immikkoortortami aqutsinissarnut? Immaqa illiusinnaassaaq taava ujangarput.
Meeqqat angerlarsimaffiup avataanut inissinneqarsimasut suliffingissallungit soqutigaangit? Allanngueqataarusussuseqarpit?
Meeqqat angerlarsimaffiat Sarliaq ulloq unnuarlu meeqqanut angerlarlarsimaffiup avataanut inissinneqarsimasunut paaqqinnittarfiuvoq Ilulissaniittoq. 20-nik inissaqarpoq, ukiut agguataarneranni 0-miit 18-nut ukiulinnut immikkoortortanut pingasunut agguangaalluni. Immikkoortortani agguaanerni ukiut isinginiarneqakkajuttarput. Meeqqat angerlarsimaffiup avataanut inissinneqarsimasut alliartornerminni ilaatigut sumiginnangaanermik; atornerluinermik assigiinngitsutigut misigitinneqarsimasarput, sinerissamiillu tamaniit aggertuullutik.
Sarliami perorsaariaaseq relationspædagogik i et anerkendende perspektiv-i aallaavingalugu suleriaaseqarpungut, aaqqissuussaasumillu maleruangassanut pingaartitsilluta ataqqeqatigiinnermik siunertalimmik meeqqanut inuusuttunullu sullissineq ingerlataralutingu.
Ulluinnaat aalaakkaasut pingaartitaraangut, atuarneq, sunngiffimmi soqutigisat kiisalu Sarliap avataani inooqataaneq eqqarsaatigalungit. Weekend-ini atuanngiffinni ferie-nilu meeqqat periarfissikkumasarpagut misigisaqartinnissaannik asimut illuaqqiartillungit, piniariartillugit, sisorariartillugit allanulluunniit illoqarfiup iluani aaqqissuussanut peqataatillungit.
Atorfik pillugu:
Makku ilaatigut akisussaaffigissallungit piareersimaffigissavatit
- Ulluinnarni aqutsineq, aqutsisooqatigiit suleqatingalugit.
- Sulisut suliffissaat piareersaasiorlungit suliaralungit.
- Immikkoortortap aningaasatigut atuinera nakkutigalungu.
- Immikkoortortami ataatsimiinnissanut pilersaarusiornerit, aalajangiussanullu malitseqartitsinerit.
- Immikkoortortami meeqqat ataatsimiinnerisa piareersaasiorneri, atuutsinnerilu.
- Immikkoortortami suleriutsit anguniakkallu sulinermi qularnaarneri.
- Immikkoortortami aaqqissuussamik maleruangassanik atuutsitsineq.
- Tunniussisinnaaneq immikkoortortani sulisunut supervisioninik iml. illu tamaat eqqarsaatigalungu.
- Killiffik pillungu sullitanut nalunaarusiornerit suliarineri, ineriartortitsinermut pilersaarutit, nalunaarutiginninnerillu.
- Tværfaglig-mik suleqateqarsinnaaneq.
- Angajoqqaanik oqartussaassuseqartunillu suleqateqarsinnaaneq.
- Meeqqanik isertertunik anisussanillu pilersaarusiuussisinnaaneq.
- Suleqatissanik nutaanik tigusisinnaaneq ilisarititsisinnaanerlu.
Makku ilaatigut ilinnut naatsorsuutigaangut:
- Perorsaasutut ilinniangaqarsimassasutit, pitsaassaarlu aqutsisutut ilinniangaqarsimassasutit.
- Misilittangaqarsimassasutit angerlarsimaffiup avataanut meeqqat inissinneqarsimasut sullissereernikuullutit.
- Piginnaaneqartutit aqutsisutut, ersarissuusutillu ilinniakkat suleriaatsillu tunuliaqutingalugit.
- Siumut isingisumik ilinniakkat tunuliaqutingalungu takorluuisinnaassuseqartutit.
- Ilinniaqqikkusussuseqartuusutit ilisimasatit suliffimmi ineriartortikkumallungit.
- Marluinnik oqaaseqartuusutit, kalaallisut qallunaatullu.
- Meeqqat angerlarsimaffiata allaffiisa matoqqaneranni bagvagtitut sillimasuusinnaassasutit.
- Sulisussaaruttoqartillugu immikkoortortami aqutsisuuffigisarni suliartorsinnaassasutit.
Makku ilaatigut ilinnut neqeroorutigaangut:
- Atorfik pissanganartoq, namminersorlunilu suliffik immersuiffiusoq.
- Suliffik ineriartornissamut pingaartitsisoq ulloq unnuarlu suliffik meeqqamut qitiutitsiffiusoq.
- Suliffik sulisunik ilinniarsimalluartunik suleqateqarfiusoq, ukkissiffiusorlu suliffeqarfiup silaannaata ajunnginnissaanik.
- Pinngortitami avatangiisigissaartumiinneq, Kalaallit Nunaata avannaata illoqarfiup pingaarnersaani.
Paasissutissat allat
Atorfik pillungu paasisaqarnerorusukkuit saaffiginnissinnaanernut tikilluaqquatsigit. Fostander Jens Ole Nathanielsen tlf: +299 94 65 02 email: jensole@sarliaq.gl imaluunniit Souschef Atsa Heilmann-imut tlf: +299 94 65 01 mail: ah@sarliaq.gl.
Qinnuteqarfissaq kingulleq: 11.09.24
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job