Meeqqanut Inuusuttunullu Naalakkersuisoqarfik AC-fuldmægtig-mik/immikkut pisariaqartitalinnut siunnersortissarsiorpoq
Meeqqanut Inuusuttunullu Naalakkersuisoqarfik pikkorissumik pimoorussisumillu AC-fuldmægtig/immikkut pisariaqartitalinnut siunnersortissarsiorpoq, Kommune Kujalliup atorunnaarsinneqarallarnerani Namminersorlutik Oqartussat suliniuteqarnerini ataqatigiissaarisussamik, piffissami killiligaasumi atorfimmi .
Namminersorlutik Oqartussat ilaatigut Kommune Kujalliup allaffissornikkut meeqqanut inuusuttunullu isumaginninnikkut inatsiseqarnikkut kiisalu innarluuteqartunut immikkoortortap ingerlatsineranik atorunnaarsinneqarallarneranut tunngatillugu Meeqqanut Inuusuttunullu Naalakkersuisoqarfik pikkorissumik tamatigoortumillu suleqatissarsiorpoq, Namminersorlutik Oqartussat Kommune Kujallermi suliniutaannik ataqatigiissaarisussamik. Suliassat makkuupput, inunnik isumaginninnermi politikikkut nammineersinnaatitaanerup atorunnaarsikkallarneqarneranut tunngassuteqartut, pilersinniakkanik aqutsineq, kommunimi inunnik isumaginninnermi suliassat ersarinnerulersinniarneqartut isumagalugit, Namminersorlutik Oqartussani sulisut kommunimi suliaqartut tapersersorneqarnissaat il.il.
Immikkut pisariaqartitalinnut siunnersortitut atorfininnissap piumasaqaatigivaa uppernarsarneqarsinnaasunik naleqquttunik piginnaasaqarnissaq.
Aqutsinermut allatseqarfimmi Meeqqanut Inuusuttunullu Naalakkersuisoqarfimmi atorfik inissisimavoq.
Aqutsinermut allattoqarfik suliffeqarfiuvoq pilerinartoq suliffeqarfik pikkorissusermik pigisalik, annertuumik angusaqarusuffiuvoq. Ulluinnarni Aqutsinermut allattoqarfimmi suliassatigut allanngorarfiuvoq, suliassallu unammillernartuupput, ilaanni suut pisut sukkasuumik pisarput suliassallu piffissamik naqisimaneqarluni suliarineqartarput. Qaqutigoorpoq ullut marluk imminnut assingusarneri.
Aqutsinermut allattoqarfiup politikikkut suliassat tigummisarai, suliassat taakku saniatigut aqutsinermik allatseqarfiup allatseqarfimmi suliassanik naalakkersuisoqarfimmi aqutsisut qullersat suliassaat akisussaaffigaat kiisalu allatseqarfiup ingerlanneqarnissaa. Qulaani allassimasut suliassat saniatigut Aqutsinermut allattoqarfiup Nunanik Avannarlernik suleqatigiinneq suliaanut ilaavoq.
Atorfimmut tunngasut
Suliassat ilaatigut makkuupput:
- Saqqummiunneqartussat piareersarlugit aammalu Naalakkersuisunut oqaatigineqartut tunuliaqutaannit allattuineq paasissutissiinerillu.
- Kommune Kujallermi inunnik isumaginnittoqarfiup iluani meeqqanut inuusuttunut innarluutilinnullu tunngasut qulaajarneqarnissaannut aqutsineq peqataanerlu.
- Kommune Kujallermi inunnik isumaginninnerup nalilersortuarnissaa assigisaallu ingerlaavartumik.
- Kommunimik suleqateqarnermi ataqatigiissaarisutut ingerlaarnissaq kiisalu Namminersorlutik Oqartussat suliniutaasa akisussaaffimmit atorunnaarsinneqarallarnerinut tunngasut.
- Atorunnaarsinneqarallartumut attuumassuteqartuarnissaq, iluaniippoq killiffik pillugu paasissutissiinerit Naalakkersuisoqarfimmi Meeqqanut Inuusuttunullu immikkoortortaqarfiup aamma Kommune Kujalliup akornanni ataatsimiisitsinerit.
- Suliassat aaliangersimasut imaluunniit pisunut tunngasut suliassat.
Suliassat assigiinngisitaarput aammali piumasaqaatitaqarput oqaatsit akimorlugit suleqatigiissinnaanermik aamma suliassat killiligaasarneri kiisalu susassaqarfimmik pilersinniakkanillu namminiussuseqarluni akisussaaffimmik tigusisinnaaneq. Atorfik piumasaqaatitaqarpoq suliassat imarisaasa nutaat piaartumik iserfigineqartarnissaat, aamma tamatigoortuunissaq kiisalu suliffeqarfimmi aaqqissuussaasumi sulinermi ilorrisimaartuunissaq, tassa suliassat mikisut angisuullu imminnut paarlakaajaattuummata ilaanni suliffimmi ulluinnarni ulapaarfiusinnaasumi.
Taammaattumik iluaqutaassaaq akisussaaffimmik tigusisinnaaneq ilisimaarigukku, suliassat allannngoriasaartarnerinut suleqatigiinnissamullu piareersimasuullutit. Soqutigisarissavat politikikkut aqunneqartumik aaqqissuussami sulinissaq, tassa sukkasuumik sulineq qaffasittarami aammalu ulluleriikkanik tunniussinissaq piffissakittarlutik. Oqariartuutinik ingerlatitseqqissinnaaneq pikkoriffigissavat, allattariarsornermi oqaasinnguinermilu aamma suut paasiuminaatsut ataqatigiinnerinik paasinnissinnaanermik piginnaasaqassaatit.
Illit pillutit
- Attuumassutilimmik ilisimatusarsimanermik ilinniagaqarsimaneq kandidatitut
- Inunnik isumaginnermut tunngasunik paasisimasaqassaatit
- Pilersinniakkanik aqutsinermik aamma suliassat ingerlaartarnerinik misilittagaqassaatit
- Nammineerlutit sulisinnaassaatit, ilusilikkamik aamma ineriartortinneqarsinnaasumik
- Allattariarsornikkut oqalunnikkullu attaveqarsinnaanermut pikkorissuussaatit
- Paasissutissarpassuarnut malinnaasinnaneq
- Suleqatinik avataaniillu soqutiginnittunik suleqateqallaqqittuuneq
- Kalaallit Nunaanni inuiaqatigiinnut tunngasunik kulturiannullu paasisimasaqarneq
- Iluarinassaaq pitsaasunik amerlasuunillu periuasissianik pigisaqaruit
- Ajornanngippat marluinnik oqaaseqartuussaatit, piumasaqaataanngilaq
Meeqqanut Inuusuttunullu Ilaqutariinnullu Naalakkersuisoqarfik pillugu
Meeqqanut Inuusuttunut ilaqutariinnullu Naalakkersuisoqarfimmi 15 -init missaaniippugut sulisut Aqutsisunik Allatseqarfimmi immikkoortortaqarfinnut agguataarneqarluta, Suliassaqarfiit assigiinngitsut akornanni suliniutinut aamma nakkutilliinerit, kiisalu Inatsisilerinermut immikkoortortaqarfik. Atorfik una aaqqissuussaanermi Aqutsinermik Allattoqarfimmi inissisimaffeqarpoq. Taakku saniatigut naalakkersuisoqarfiup ataaniippoq immikkoortortaqarfik, Isumaginninnermut Aqutsisoqarfik.
Qinnuteqaat
Qinnuteqaat kingusinnerpaamik tunniunneqareersimassaaq ulloq 13. februaari 2025 nal. 15.00 kalaallit nalunaaqutaat.
Ulloq atorfiniffik ulloq 1. apriili 2025 imaluunniit isumaqatigiissuteqarnikkut.
Saniatigut paasissutissat
Atorfik imaluunniit Naalakkersuisoqarfik pillugu paasisaqarnerorusukkuit allaffimmi pisortaq attavigineqarsinnaavoq Susanne Qvist-Aaen e-mailimut sulq@nanoq.gl imaluunniit oqarasuaat +299 22 03 03.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job