Meeqqanut Ilaqutariinnullu Ingerlatsivimmut ilaqutariinnut inatsisileritooq misilittagaqarluartoq
Meeqqanut Ilaqutariinnullu Ingerlatsivik inatsisilerituumik pissarsiorpoq, aalajaatsunik suleqatigeeqarpugut illillu amigaatigaatsigit.
Uagut meeqqanut ilaqutariinnullu ingerlatsivimmut allaffissornikkut siunnersuinermilu akisussaasuuvugut, peqatigitillugulu innuttaasunut suliat suliarineqartarneri pillugit ilaqutariinnut suliassaqarfimmut tunngasunik inatsisilerinermi suliaqartartuulluta – soorunamilu illit pingaarutilimmik ilaassaatit.
Meeqqanut Ilaqutariinnullu immikkoortortaq pillugu:
Immikkoortortaq assigiinngitsunik immikkoortortaqarpoq, meeqqat inuusutullu piginnaasakillisimasut pillugit sulianik isumaginnittuulluni. Suliassaqarfinni assigiinngitsuni suleqatigiinnissaq aamma siusissukkut iliuuseqartarneq qitiutippavut.
Pisortap sulisuini inissisimassaatit stabschefi aqutsisoralugu.
Fagchef-it, immikkoortortami aqutsisut aamma siunnersortit, kiisalu suleqatit allat qanimut suleqatigissavatit.
Tunuliaquttat:
Inatsisilerituutut ilinniagaqarputit (cand.jur.-itut imaluunniit cand.soc.jur.-itut). Isumaginninnermi inatsimmik aamma suliffeqarfimmi politikikkut aqunneqartumi sullissinermik misilittagaqassaatit. Meeqqat inuusuttullu atugarliortut kiisalu ilaqutariit pillugit inatsisinik annertuumik ilisimasaqarputit.
Tamatuma saniatigut Barnets Lov-imi aalajangersakkat ilisimasaqarfigilluarpatit.
Suleqatiginnillaqqissuuvutit aamma inatsisilerinermut ilinniakkannut tunngatillugu piginnaasatit atorlugit isumaginninnikkut suliatigut atorsinnaasunik aaqqiissuteqarsinnaavutit, taakkulu pillugit suleqatigiinnut allanut ersarissumik paatsuugassaanngitsumillu attaviginnissinnaallutit, taakkununnga ilanngullugit isumaginninnermut siunnersortinut aamma ingerlavitsinni sulisunut ilinniarsimasunut allanut.
Oqalunnikkut allattariarsornikkullu attaveqallaqqittuuvutit. Namminersorlutit sulisinnaanissat aaqqissuussamillu sulisinnaanissat naatsorsuutigaarput. Tamakkiisumik takunnissinnaassaatit ataatsikkullu immikkuualuttut pingaaruteqartut tappiffigilluarlugit.
Nalunngilarput, inatsisileritoorput siunersiuinermi suliassarpassuarnillu, taakkunani oqartussaaffeqarfik kiisalu suliniuteqarfik qimallugit kisianni suli isumaginninnermi inatsisip iluani suliassaasuni naammassinninnissamut atorneqarumaartoq.
Atorfik sulianit aalajangersimasuniit inatsisitigut siunnersuinernut tunngasunik inatsisilerinermi suliassanik assigiinngitsunik amerlasuunik suliassaqarfiusoq ilinnut neqeroorutigisinnaavarput.
Suliassat:
-Meeqqat inuusuttullu atugarliortut pillugit suliani aalajangersimasuni inatsisilerinikkut ajornartorsiuteqarfiusuni aqutsisut siunnersortillu ilitsersorlugit.
-Siunnersuisut inatsisitigut ikiorlugit isummersoqatigalugit aamma suliani naammagittaalliorfiusuni nalilersueqqinnernik aalajangiinernik suliaqarnerini ikiorlugit
-Suliassat takkussuuttut isumaginissaat pingaartumik inatsisitigut suliassat
-Isumaginninnermut Naammagittaalliuuteqartarfimmit, Atuisoqarnermut Unammilleqatigiinnermullu Aqutsisoqarfimmit Ombudsmandimiillu saaffiginnissutit, immikkoortortami aqutsisoq Fagcheferillu qanimut suleqatigalugit suliarineqarnissaat qulakkeerlugu.
-Meeqqanut ilaqutariinnullu suliassani aqutsisutut sulianik ingerlatsinernik misissuineq
-Meeqqat inuusuttullu pillugit oqallissaarummik saqqummiinissamut inassuteqaatinik pitsaassutsimik qulakkeerinninneq
-Pisortamut kiisalu politikkerinut inatsisitigut siunnersuinikkut ikiuineq
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Stabschef Bruno Heilmann, oqarasuaat +299 36 72 91 imaluunniit e-mail: brhi@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 967-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 8.-at, 2024