Meeqqanut Ilaqutariinnullu Ingerlatsivimmi stabi AC-Fuldmægtigimik pissarsiorpoq
Meeqqanut ilaqutariinnullu ilungersunartumik inissisimasunut allanngueqataarusuppit?
Meeqqanut Ilaqutariinnullu Ingerlatsivimmi stabi isumaginninnermut tunngasunik immikkut soqutiginnittumik AC-Fuldmægtigimik pissarsiorpoq. Isumaqatigiissuteqarneq malillugu atorfinitsitsisoqassaaq.
Stabimi AC- fuldmægtigitut Meeqqanut Ilaqutariinnullu Ingerlatsiviup ataani sulininni suliassatit politikkikkut attuumassuteqartuniit innuttaasunut tunngasunut suliaqartassaatit taamaattumik suliassanik assigiinngisitaartunik pingaarnersiorsinnaassaatit immikkut siunnersorti qanimut suleqatigalugu. Isumaginninnermut immikkoortortaqarfik assigiinngitsunik suliassaqarfeqarpoq, suliassaqarfiit akimorlugit aaqqissuussatigut, suliniuteqartutut inatsisitigullu suleqatigiinnerit peqataaffiginissaanik immikkorluinnaq periarfissiissaaq.
Ingerlatsivik Nuummi, Paamiuni Tasiilamilu immikkoortortaqarpoq, paaqqinniffeqarluni sulisoqarlunilu. Stabip pitsaassutsikkut, siuariartornermut, oqartussaqarfiup ikiorsiissuteqarnerillu amerlasuut aqunnissaanut pisortamut fagchefinullu ataasiakkaanut tapersersuinissaq pingaarnertut suliassaraat.
Massakkut stabimiipput suleqatigiit pimoorussilluartut arfineq-pingasut, assigiinngitsunik ilinniagallit misilittagallillu, taakkulu tamarmik aqutsisunik sullissisut aqutsisuat aqutsisoraat, taannalu illit qaninnertut aqutsisorissavat. Immikkoortortaqarfik mikisunnguummat immitsinnut annertuuniit annikitsunik suliassanik ikioqatigiittarpugut.
Atorfinnut tunngasut:
AC-Fuldmægtig-inngortussatut, suliassat ataani allassimasut soqutigisinnaassavatit:
-Suliassamik saqqummiussassaliornerit tusarniaassutinut akissuteqaasiornerlu
-Misissueqqissaarnernik, killiffiit pillugit nalunaarusiornernik ingerlatsiviullu akisussaaffeqarfiinik nalilersuinernik suliaqarneq.
-Inerisaanermut suliniutit pillugit aallartisaaneq, suliarinninneq malitseqartitsinerlu, pingaarnertut ingerlatsivimmi ikiorsiinermut suliassaqarfik.
-Aningaasatigut misissueqqissaarnernik aamma missingersuutinik malinnaaviginninneq
-Kisitsisinik pingaarnernik suliaqarneq ineriartortitsinerlu
-suliassanik ingerlatsinermut systemimut GetOrganized akisussaaneq (atuisutut immikkut ilisimasalik)
-Sulinermi aqutsineq aamma isumasioqatigiittoqartillugu, immikkut sammisaqartoqartillugu aamma ataatsimeersuarnerni immikkut ilinniartitsineq
-Illup iluani attaveqaqatigiinnermut suliassanik suliaqarneq, soorlu nittartagaq pillugu allaaserinninneq, tusagassiorfinnut nalunaarutissanik missingiussineq aamma ingerlatsivimmit suleqatigiinnut nutaarsiassanik suliaqarneq
-Suliassaqarfinni assigiinngitsuni suliniuteqarnermi suleqatigiinnissamik ataqatigiissaarineq
-Suliffeqarfiup iluani suleriaatsinik aamma ingerlatsivimmi sulisunut najoqqutassanik suliaqarneq
-Immikkoortumut nassuiaatinik allaaserinninneq aamma suliat pitsaassusissaannik suliaqarneq
-Assigiinngitsunik suliallit ataatsimiititaanni allatsitut kiffartuussineq
Ataani allaqqasut ilinnut naleqquppata, qinnuteqarnissat kaammattuutigissavarput:
-Naleqquttunik ingerlaqqiffiusumik ilinniagalik
-Isumaginninnermi, pingaartumik ikiorsiinermik suliassaqarfimmi ingerlatsinermi suliassanik paasisimasalik
-Allakkatigut oqaatsillu atorlugit paasissutissanik ingerlatitseqqillaqqissusilik
-Attaveqarnermi piginnaasaqarluartoq
-Suliassaqarfinni assigiinngitsuni suleqateqarnermik misilittagalik imaluunniit soqutiginnittoq
-Suleqatikkuminartoq suliassat assigiinngisitaartut suliarissallugit sungiussisimasoq nutaanillu misilittaarusussusilik
-Suliassaqarfinni ilisimasaqarfiginngisanni misissueqqissaarinernik atorneqarsinnaasunik tunniussisinnaasoq
-Kommuneqarfik Sermersuumi politikkikkut aalajangiiniarnermilu allaffissornikkut ingerlariutsinik misilittagalik, ilisimasalik imaluunniit soqutigisalik
-Misissueqqissaarisinnaassuseqarluartoq pingaarnersiuisinnaassuseqarluartorlu.
-Suliannik illup iluani avataanilu suleqatinut avitseqateqarsinnaasoq.
-Aqutsinermik ataqatigissaarinermillu piginnaasalik, aammalu pilersaarutinik annertunerusunik sunniuteqarluartumik ingerlatsinissaq suleqataaffigisinnaallugu.
-Immikkoortortaqarfimmi suleqatigiinnut suleqataalluarnikkut sunniuteqaqataalluarsinnaasoq
Neqeroorutigaagut:
Suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Suliffeqarfittut ulluinnarni suliassat assigiinngisitaartut suliatigullu unamminarsinnaasunik suliaqartarnissaq kiisalu pikkorissunik tunniusimasunillu, ilumoorsaaginnarfiunngitsumik oqaloqatigilluarsinnaasannik suleqatissaqarneq neqeroorutigaarput. Suliffigissaarnissaq pingaartinneqaqaaq taamaattumik qaammatini siullerni ilisimasassanik tuniorarneqarluarnissat naatsorsuutigissavat. Nutaaliorsinnaassuseqarnermut periarfissaqartitsivugut sulianillu naammassinninniarnermi alapernaassuseqarluta pitsaasumillu siunertaqarluta suleriuseqartarluta Piginnaasavit pioreersut ineriartorteqqinnissaanut annertusarnissaanullu periarfissaqarluarputit.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pisortaq Frederik Lundblad, oqarasuaat +299 36 60 80 imaluunniit e-mail: sepi@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1030-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 28.-at, 2024