Meeqqanut Ilaqutariinnullu immikkoortortami fagchefi
Atorfimmut nutaamut Meeqqanut Ilaqutariinnullu immikkoortortami fagchefimik Qeqqata Kommunia pissarsiorpoq.
Meeqqanut Ilaqutariinnullu immikkoortortami fagchefissamut suut naatsorsuutigaagut?Matuma kinguliini paasisaqarnerusinnaavutit
Meeqqat ilaqutariillu atugassarititaannik allanngueqataanissamut aammalu innuttaasunut inatsisitigut isumannaatsuutitsinissamik qulakkeerinissamut fagchefitut kajumissuseqarputit. Taamatullu immikkoortumi suliaqarfiusumik ineriartortitsinissamut aammalu suleqatit pikkorissut qanimut suleqatigalugit suleriutsinik assigiissaarinissamut soqutigisaqartuullutit. Qeqqata Kommuniani Meeqqanut Ilaqutariinnullu immikkoortortami fagchefitut aaqqissuussami politikkikkut aqunneqartumik qanoq suleriaaseqarneranik kiisalu politikkikkut systemip qanoq ingerlariaaseqarneranik ilisimasaqartuuvutit. Meeqqanut ilaqutariinnullu immikkoortortami suut aalajangiiffigineqarsinnaanersut kiisalu Atugarissaarnermut ataatsimiititaliami imaluunniit Kommunalbestyrelsimi suut aalajangiiffigineqassanersut ilisimasaqarfigaatit. Tamanna inatsisinik ilisimasaqarluarnissamik piumasaqaateqarpoq.
Aqutsisutut sulisunnut maligassiuilluartuussaatit - tamannalu suliatigut ilisimasaqarluarnissamik pingaartitsinissannik, sulisunnut akuuninni ataqqinnittuunissannik aammalu suliatigut aalajangiinissami sulisunik attuumassuteqartunik akuutitsinissannik ilaqarpoq. Kommuni ataatsimoorussamik anguniagaqartoq taamaalillunilu kommunimi immikkoortortanik allanik kiisalu avataani suleqarfiutiminik suliat akimorlugit suleqatigiinnissamik siunniuteqarneranik paasinnittutit. Meeqqanut Ilaqutariinnullu immikkoortortami fagchefitut Qeqqata Kommuniani pisortaaqatigiinnut ilaavutit.
Illit taannaaviit fagchef-itut ujagarput atorfinissinnaasorlu 1. januar 2025 imaluunniit isumaqatigiissuteqarnikkut.
Atorfik pillugu paasissutissat tigussaanerusut tulliuttutigut atuarsinnaavatit:
Qeqqata Kommunia Atugarissaarnermut immikkoortortamik aaqqissuusseqqileruttorneratigut atorfik pilersinneqarpoq - tamatumunnga peqataaffiginnittussaassallutit.
Aaqqissuusseqqinnikkut Qeqqata Kommuniani illoqarfiit marluusuni kiisalu nunaqarfinni arfiniliusuni Meeqqanut ilaqutariinnullu immikkoortortanik tamanik fagchefi akisussaasuussaaq: Sisimiut, Maniitsoq, Kangerlussuaq, Sarfannguit, Itilleq, Kangaamiut, Napasoq aammalu Atammik.
Qeqqata Kommuniata allaffeqarfiani sulisunut fagchefitut toqqaannartumik akisussaasuuvutit kiisalu kommunip avataani suliffeqarfinnut Ilaqutariinnik kiffartuussivinnut/sullissivinnut marluusunut, taakku ataaniittut 17-23 ukiulinnut inuusuttunut suliniuteqarnermi malitseqartitsineq, anaanamut/meeqqamullu angerlarsimaffik, Makkorsip aqqutaani ulloq unnuarlu paaqqinnittarfissamut kommunimit pigineqartumut, meeqqat ornittagaannut, ilaqutariit paarsisartunut ikiueqqaarnissamut upalungaarsimaneq toqqaannanngitsumik pingaarnertut akisussaasuullutit.
Kommunip allaffeqarfiani maannakkut sulisut 18-iupput, kommunillu avataani suliffeqarfinni sulisut 46-llutik. Meeqqanut ilaqutariinnullu immikkoortortaq 121 mio. koruuninik missingersuuteqarpoq, taakkununngalu pingaarnertut illit akisussaaffigissallugit.
Fagchefitut Atugarissaarnermut pisortaaneq Sisimiuni inissisimasoq qaninnertut pisortarissavat.
Fagchefitut Sisimiuni imaluunniit Maniitsumi najugaqarusunnerlutit nammineq aalajangissavat. Tullersortissat illoqarfiup aappaanut inissinneqarumaarpoq.
Fagchefip pingaarnertut akisussaaffii suliassaalu:
- Atugarissaarnermut pisortaaneq, Utoqqarnut innarluutilinnullu immikkoortortami fagchefip kiisalu stabschef qanimut suleqatigalugit Atugarissaarnermut pingaarnertut periusissiamik atuutilersitsinerup qulakkeernissaa
- Immikkoortortamut missingersuutinik nakkutiginninneq aningaasaqarnikkullu sukannersumik aqutsinikkut immikkoortortami missingersuutit aningaasaliissutit iluini atuinissaq qulakkiissallugu
- Atugarissaanermut Ataatsimiititaliamut Kommunalbestyrelsimullu saqqummiussissutiliorneq saqqummiussiissutiliorsimasunullu pitsaassusaaneq qulakkeerinninninneq
- Inatsisit, malittarisassat ilitsersuutillu malinneqarnissaannut qulakkeerinnissaatit kiisalu allaffissornikkut pitsaasumik periuseqarnissamik aammalu allaffissornikkut maleruaqqusanik malitsisisoqarnissaanut qulakkeerinnissaatit
- Politikkerit aammalu allaffissorlutik sulisunut akornanni pitsaasumik suleqatigiinnissanut akisussaaqataaneq aammalu suleqatigisannut allanut
- Meeqqanut ilaqutariinnullu immikkoortortami sulisut akornanni suliamik ilisimasaqarluarnissaannut tamatumalu nukittorsarneqarnissaannut akisussaasuussaatit
- Kommunip suliffeqarfittut ingerlalluarnissaanik akisussaaqataaneq, aammalu ataqatigiissaarisoqarnissaanik qulakkeerinnninneq akimortumillu immikkoortortaqarfiit suleqatigiinnissaannut ataatsimut isiginnittumik isiginnittaaseqarnissaq
- Sulisunnut ersarissunik sammiviliissaatit, matumanilu tullersortinnut immikkoortortamilu aqutsisunut ersarissunik sinaakkusiissallutit
- Tullersorti immikkoortortamilu aqutsisut qanimut suleqatigalugit, Meeqqanut ilaqutariinnullu immikkoortortap iluini illoqarfiit nunaqarfiillu akimorlugit suleriaatsit assigiissarneqarnissaanut qulakkeerinnissaatit. Matumani illoqarfiit nunaqarfiillu akimorlugit ilisimasanik avitseqatigiinneq siunnersiueqatigiinnerillu ilanngullugit
- Illoqarfiit nunaqarfiillu akimorlugit suliatigut qitiusumik aalajangiinerni tullersortit kiisalu immikkoortortani aqutsisut akuutissavatit
- Illoqarfiit nunaqarfiillu akornanni akimortumik suliatigut sammiveqatigiittumillu suleqatigiinnissap qulakkeerlugu
- Aqutsisutigut nakkutiginninnerit ingerlanneqarnissaa kiisalu meeqqanik inuusuttunillu angerlarsimaffiup avataanut inissinneqarsimasunik ingerlatsinermut inunnullu sammisunik nakkutilliinermik ingerlatsisoqarnissaanik qulakkeerinninnissaq
- Suleqatigiissitani Atugarissaarnermut immikkoortortamit imaluunniit aqutsisooqatigiinnit pilersitani sunniuteqaqataaneq.
Piumasaqaatit aamma piginnaasat:
- Ilinniagartuujunermik ilinniagalik imaluunniit allatigut ingerlaqqiffiusumik ilinniagaqartoq, soorlu isumaginninnermi siunnersorti
- Pisortaqarfiit iluini aqutsisutut piginnaasaqarlutillu misilittagaqartutit
- Isumaginninnermi tunngasuni inatsisinik ilisimasaqarluartuusutit
- Suliniummi aqutsisuuneq misilittagaqarfigigit
- Aningaasanik aqutsinermi ilisimasaqartutit
- Meeqqanut ilaqutariinnullu immikkoortortamik inerisaanissamut anguniagaqartumik, peqqissaarussisumik aammalu eqqarsaatigilluakkamik sulisinnaassuseqartutit
- Attaveqatigiinnikkut allakkatigut oqaluttariarsornikkullu piginnaasaqarluartutit
- Aaqqissuulluakkamik periuseqartutit aammalu killilersuutinit periarfissatut isiginnittaaseqartutit
- Kukkusoqarsinnaaneranik inissaqartitsillutit pitsaasumik suliffimmik avatangiisimik ingerlatitsiinnarsinnaasutit
- Kalaallisut qallunaatullu oqaaseqartuuguit iluaqutaassaq, kisianni piumasaqaataanngilaq.
·Kalaallit Nunaanni inueqatigiinni pissutsinut kultur-ianullu ilisimasaqarneq iluaqutaassaaq.
Neqeroorutigaagut:
- Suliffeqarfik suleqatigiinnissamik pingaartitsisoq aamma suliatigut inuttullu ineriartornissamut periarfissaqartoq
- Qeqqata Kommuniani Atugarissaarnermut immikkoortortami aaqqissuussanerup ineriartortinnissaanut suliatigut imarisanik sunniuteqaqataanissamut tunniussaqarnissamullu periarfissaqarluartoq
- Suleqatit pitsaasut
- Sisimiuni Maniitsumiluunniit najugaqaraluaraanni pinngortitaq kusanarluinnartoq tikikkuminartorlu.
Atorfininneq pissaaq 1. januar 2025 isumaqatigiissuteqarnikkulluunniit
Pineqaatissinneqarsimannginnermut aamma meeqqanut pinerliisimannginnermut uppernarsaat:
Pineqaatissinneqarsimannginnermut uppernarsaammik aamma meeqqanik pinerliisimannginnermut uppernarsaammik piniartarnissamik piumasaqaariraqarpoq. Uppernarsaatit attuumassuteqartut kommunimit pissarsiarineqareeriarpata atorfinitsitaaneq aatsaat pisinnaavoq.
Akissarsiat, atorfinitsitaanermilu atugassarititaasut:
Akissarsiat atorfinitsitaanermilu atugassarititaasut Naalakkersuisut aamma Akademikerorganisationer (ataatsimoorussamik pisortanut isumaqatigiissut ulloq 20.10.2020) Qaffasissuseq 2, lønramme 38 isumaqatigiissutaat naapertorlugu isumaqatigiissutigineqassapput. Maleruagassat atuuttut naapertorlugit inissaqartitsisoqassaaq, minnerpaamik ukiut pingasut atorfeqareernermi atorfininnermi soraarnermilu akiliunneqarluni angalaneq pequtinillu assartuineq ilanngunneqassallutik.
Paasissutissat annertunerusut aamma qinnuteqaat:
Annertunerusumik paasissutissat pissarsiariniarlugit Atugarissaarnermut pisortaaneq Paneeraq Olsen oqarasuaatikkut (+299) 86 73 03, e-mail: pnol@qeqqata.gl attavigineqassaaq. Qinnuteqaat pineqaatissinneqarsimannginnermut uppernarsaat, ilinniarsimanermut uppernarsaatit sulisitsisorisimasamillu oqaaseqaatit PDF-filinngorlugit kommunip nittartagaatigut nassiunneqassapput.
Qinnuteqarnissamut killissarititaasoq: novembarip 25.-at, 2024