Meeqqanut Atuarfinnullu Ingerlatsivik meeqqanut inuusuttunullu ikorfartortimik pissarsiorpoq
Kommuneqarfik Sermersooq Meeqqanut Atuarfinnullu Ingerlatsiviup iluani meeqqanut inuusuttunullu suliaqarfiup iluani Tulleriiaarisartunut pikkorissumik pimoorussisumillu ikorfartortinut ataqatigiissaarisussarsiorpoq, ulloq 1. marts 2025 imaluunniit isumaqatigiinnikkut sulilersussamik.
Meeqqanut Atuarfeqarnermullu Ingerlatsiviup anguniarpaa Kommuneqarfik Sermersuumi meeqqat tamarmik imaqarluartumik inuuneqarnissamut tunngavissamik pilersitsisinnaanissaannut ilinniartinneqarnerisigut, ineriartortinneqarnerisigut atugarissaartinneqarnerisigullu pitsaanerpaamik killiliussaliornissaq. Tamatumunnga suleqataarusukkuit, immaqa suleqatissaraatsigit.
Meeqqanut inuusuttunullu suliaqarfiup iluani Tulleriissaarisartut Stabimut atapput aamma immikkoortortaqarfimmi aqutsisumut ataatsimut, ikorfartortinut ataqatigiissaarisunut marlunnut, aamma allaffimmi fuldmægtiginut atorfinnut sisamanut amerlassusiliiffigineqarsimallutik. Immikkoortortaqarfimmi aqutsisoq qaninnertut aqutsisorissavat. Immikkoortortaqarfiup suliarisarpai ikorfartortinik sulisussarsiorneq aamma siunnersuineq kiisalu ilaatigut meeqqanik ulluunerani neqeroorutinut, AKO-mut, FRO-mut aamma atuarfinnut innersuussisarneq.
Immikkoortortaqarfiup immikkoortortaqarfimmi sulinermi periaatsit annertusarlugillu pitsanngorsaavigiuassavai ineriartortitseqqillugillu, taamaalillutik kommunimi innuttaasut suleqatillu ajornanngitsumik sunniuteqarluartumillu suleriaatsimik misigisaqartarniassammata. Naatsorsuutigineqarpoq, suleqatigiligassarput immikkoortortaqarfimmi suliaqarnerup suli pitsanngortinneqarnissaanut suliaqarnermut peqataassasoq maannapimoorussillutik nuannersumillu periaasillit sulisut peqatigalugit.
Ingerlatsiviup pitsaasumik sulinermi avatangiiseqarnissaq pingaartitarivaa, tamatumunnga pitsaasumik pissusilersortarneq, attaveqaqatigiittarneq, akisussaaffeqarneq aamma suleqatigiinneq pinngitsoorneqarsinnaanngillat.
Pingaarnertut suliassatit:
·Ikorfartortinik sulisussarsiorneq aamma taartaasartussanik pissarsiornermik isumaginninneq
·Ikorfartortinut perorsaanikkut siunnersuineq, ilinniartitsineq aamma ilitsersuineq
·Ikorfartortit eqimattaannik patajaallisaaneq, suliatigut eqimattanik ataatsimiisitsisarnikkut
·Ikorfartorteqatigiit piginnaasaannik ineriartortitsinermik isumaginninneq
·Meeqqerivinnut/atuarfinnut pulaarnerit, ilitsersuinissaq suleqatigiinnissarlu siunertaralugit
·Ikorfartortip meeqqaallu akornanni suleqatigiinnermik kiisalu angajoqqaanik suleqatigiinnermik patajaallisaaneq
·Innuttaasut aamma suliatigut sullissisut ikorfartorteqarneq pillugu aaqqissuussinermik ilitsersorneqarnissaat
·Ikorfartortinik agguaassinermi meeqqat ataasiakkaat ikorfartortimik pisariaqartitsinerat pillugu suliaqarfiit assigiinngitsut akornanni suleqateqarneq
·Ikorfartortit akunnermut sulinerannut nalunaarutiginninnernik katersineq
·Ikorfartorteqarnermut aaqqissuussinermut atatillugu ingerlatsiviit immikkoortortaqarfiillu akornanni attaveqatigiinnermik suleqatigiinnermillu ikiorsiineq
·Ikorfartorteqatigiit meeraqatigiiaallu pillugit ataatsimut isiginninneq, uku anguniarlugit:
·Ikorfartortip meeqqallu pitsaanerpaamik ataqatigiissinnissaat
·Sammisassat meeqqallu pillugit suleqatigiinnissamut periarfissanut ikorfartortit eqqumaffiginninnerulernissaat, aamma
·Ikorfartortit piffissaata nukiisalu pitsaanerpaamik/annertunerpaamik atorneqarnissaat
·Ikorfartorteqatigiinnik nakkutilliilluni ilitsersuineq/ilitsersuineq
Piginnaasat/naatsorsuutigineqartut:
·Isumaginninnermut siunnersortitut imaluunniit perorsaasutut attuumassutilimmik ilinniagaqarnissat
·Meeqqanut immikkut pisariaqartitsisunut suliatigut ilisimasaqarnermut soqutigisaqarneq, siusinnerusukkut suliaqarsimanermit misilittagaqarsimaneq iluaqutaassaaq
·Ataqatigiissaarineq pikkoriffigilluarlugulu misilittagaqarfigilluassagit
·Iluarsiinissamik pikkoriffeqartutit iliuuseqarusussuseqartutillu
·Assigiinngitsunik suliallit akornanni suleqataarusussuseqartutit
Taakkua saniatigut pingaartipparput, illit:
·Aaqqissuussaanermik paasinnilluarsinnaasutit aaqqissuussanermilu imaannaanngissinnaasumi sumiinnerit pikkoriffigissagit
·Aaqqiissutissarsiullaqqillutillu iliuuseqarusussuseqartutit
·Namminersorlutit sulisinnaassuseqartutit, suliannillu aaqqissuulluakkamik malinnaaffiginnilluarsinnaassuseqartutit
·Inuttut sulisutullu piginnaasaqarluartoq
·Inunnut pitsaasumik isiginnittaasilik, suut atorsinnaasut qitiutinnissaannut piumassusilik piginnaasalillu
·Inuit assigiinngitsorpassuit attaveqarfigilernissaannut ataqqinnittumillu naapinnissaanut piumassusilik piginnaasaqarluarlutillu
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
·Kalaallit kulturiannik inuiaqatigiinnilu pissutsinik ilisimaarinnilluartoq
Neqeroorutigaavut:
Atorfik suliassanik unammillernartortalik pissanganartorlu aamma imarisaanik nammineq sunniuteqarfigisinnaasat neqeroorutigisinnaallugulu aaqqissuussaanermi ineriartortinneqartumi allanngorartumilu namminersortorujussuullutit akisussaaffeqalissaatit. Suliffimmut suliffeqarfimmullu iserluartinneqarnissaq pingaartipparput aammalu pitsaasumik suleqatigiittoqarnissaa qulakkeernissaa anguniartuarlutigu.
Attuumassuteqartunut pikkorissarnissanut peqataanissaq periarfissaassaaq
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Lida Lysgaard, oqarasuaat +299 36 73 28 imaluunniit e-mail: llys@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 62-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 7.-at, 2025