Maniitsumi peqqissaavimmi kinguaassiuutitigut nappaatilinnut nakorsiartitsivimmi, erninermut atatillugu sulinngiffeqartumut taartaasutut 2025-imi februaarip ulluisa aallaqqaataanniit novembarip ulluisa aallaqqaataannut sulisussaq.
Maniitsumi peqqissaavimmi kinguaassiuutitigut nappaatilinnut nakorsiartitsivimmi sundhedsassistenti imal. peqqissanermi ikiorti erninermut atatillugu sulinngiffeqarnermi 2025-imi februaarip ulluisa aallaqqaataanniit imal. immikkut isumaqatigiissuteqarnikkut aallartilluni novembarip ulluisa aallaqqaataannut taartaasussaq
Suliffik ilinniagaqassutsikkut pissanganartoq unammilligassalillu, annertuumik nammiinersorfiusoq annertuumillu akisussaaffilik.
Maniitsumi peqqissaavimmi kinguaassiuutitigut nappaatilinnut nakorsiartitsivimmi sundhedsassistentitut imal. peqqissaanermi ikiortitut atorfik, 2025-imi februaarip ulluisa aallaqqaataanniit inuttassarsiuunneqarpoq. Atorfik ulluinnarni nal. 8-16 suliffiuvoq.
Kinguaassiuutitigut nappaatilinnut nakorsiartitsivimmi sundhedsassistentitut imal. peqqissaanermi ikiortitut, misissortittussanut piffissamik inniminniisarneq, inniminniissussineq, aggersaasarneq misissuisarnerlu isumagisassarissavatit. Misissuinerit pisariallit isumagissavatit, nakorsarlu suleqatigalugu maleruagassallu malillugit nakorsaanermik aallartitsisassallutit. Tunillatsissimasinnaasunik paasiniaarneq ingerlatissavat, allaffissornikkut suliassat- soorlu natsorsueqqissaarneq Nunatsinnilu Nakorsaaneqarfimmut nalunaaruteqarneq isumagalugit, taamatullu atortunik torersaaneq eqqiaanerlu, atortussanik inissiineq inniminniinerlu, peqqissaavimmilu sulisut allat suleqatigalugit pitsaaliuinermut tunngatillugu suliniutissanik pilersaarusiorneq.
Maniitsumi peqqissaavik Peqqinnissaqarfik Qeqqanut ilaavoq 60-illu missaannik sulisoqarluni. Peqqissaavik, ulluinnarni suleqatigisanik, aqutsisoqarpoq.
Neqeroorutigaagut:
· Suliffik namminersorfiusoq nammineq nakorsiartitsinertalik, suliassanik pilersaarusiornermut ingerlatsinermullu akisussaanermik pisariaqartitsisoq
· Suleqatinik nakorsanillu siunersioqateqarnissamut periarfissagissoq
· Ilinniartitsineq, paasissutissiineq, suleqatinik, ilinniartunik ikiortinillu ilitsersuineq
· Ulluinnarni nal. 8-16 sulisarneq, taamaalillunilu sap. ak. naanerini sulinngiffeqartarneq.
Pissarsiariniagarput:
· Sundhedsassistentitut imal. social - og sundhedsassistentitut imal. peqqissaanermi ikiortitut ilinniarsimasuuvoq
· Ajornanngippat suliassamik pineqartunik misilittagalik
· Namminersorluni sulisinnaavoq ulluinnarnilu- ilaatigut ulapaarfiusartuni- ataatsimut isiginnissinnaasoq
· Peqqissaartoq pitsaassutsimillu ilisimaarinnittoq
· Attaveqarfinnik pitsaasunik mianerinnittunillu, pitsaassutsimik qaffasissumik eqquutsitsisumik, pilersitsisinnaasoq attassisinnaasorlu.
· Naliliisinnaasoq siunnersorneqarnissamik ilitsersorneqarnissamillu ujartuisinnaasoq
· Nutaanik unammilligassinneqarnermik ulluinnarnillu allanngorartunik nuannarisalik
Uagut:
Maniitsumi peqqissaavik, Peqqinnissaqarfik Qeqqanut ilaavoq 60-illu missaannik- peqqissaavimmut maniitsullu nunaqarfiinut pingasuusunut agguataarsimasunik- sulisoqartoq.
Peqqissaavik nakorsiartitsiveqarpoq, peqqissaasut nakorsiartitsiveqarput, qinnguartaaveqarpoq, aaviisarfeqarpoq, inuunerissarfeqarpoq, kinguaassiuutitigut nappaatilinnut nakorsiartitsiveqarpoq ajoqusersimasunut nakorsiartitsiveqarpoq pinasuagassanullu upalungaarsimaffeqarluni. Nakorsiartitsivik marluk pingasullu akornanni nakorsaqartarpoq, sisamanik sundhedsassistenteqarluni ataatsimillu peqqissaasoqarluni. Sulinermi oqalutseqartoqarsinnaavoq. Tamatuma saniatigut uninngasunut; meeqqaniit utoqarnut- assigiinngitsunik nappaatilinnut – nakorsaatinik nakorsagassanut pilatsittussanullu-18-inik siniffeqarpoq, taamatuttaaq ilaatigut piartortunik tarnimikkullu nappaateqartunik uninngasoqartarpoq. Immikkoortortami sulisut tassaapput peqqissaasut sisamat- tallimat, sundhedsassistentit sisamat peqqissaanermilu ikiortit sisamat. Nal. 16.00-ip 08.00-illu akornanni immikkoortortaq uninngavik pinasuagassanut ajoqusersimasunullu immikkoortortanngortarportaaq.
Peqqissaavimmit isumagineqrputtaaq timikkut nappateqartunut tarnikkullu nappaateqartunut angerlasimaffimmi peqqissaasoqarneq, meeraaqqerisoqarneq naartusunik isumaginninneq, timimik sungiusaasoqarneq, nakorsaataasiveqarnerlu. Napparsimasunik isumaginninnerup, naleqartitanik- soorlu ataqqinninnermik, torersumik pissuseqarnermik, akuersaarnermik tatiginninnermillu tunngaveqarnissaa pingaarteqaarput. Naleqartitat taakku peqqissaavimmi immitsinnut attaveqatigiinnitsinnut sunniuteqarputtaaq.
Maniitsoq naatsumik oqaatigalugu:
Maniitsoq nunatta kitaniippoq, qaasuitsup killeqarfiata kujataatunginnguani Nuup Sisimiullu akornanni inissisimasoq. Maniitsup eqqaa alutornaqaaq, qaqqanik portusuunik inngittuunik, kangerlunnut qinngortuunut atasunik iigartartunik sermitalinnik avatangerneqarsimalluni. Maniitsoq nunaqarfittaalu 3800-it missaannik inoqarput, taakkunannga 2.800-it missaat illoqarfittaaniillutik sinnerilu nunaqarfittaaniillutik. Nunaqarfiit ukiumut arlaleriarlutik immakkut angallammit tikinneqartarput. Illoqarfik iluaqusersuutit nutaaliaasut amerlanersaannik peqarpoq, ulluinnarni pisariaqartitanut pisiniarfeqarluni, mittarfeqarluni, sinersortammit sapaatip
akunneranut ataasiarluni tikinneqartarluni aasaaneranilu immakkut angllammik sukkasuuliamik Nuummut angalasoqartarluni.
Aasaanerani sunngiffimmi sammisassat ilagaat asimut angalaarneq arfersiuutaalu angalaarneq ilisarnaatitta ilagisaat. Ukiuunerani arsarnerit takussaasarput ullukkullu sisorarneq/ujakkaarneq periarfissaalluni. Tamatuma saniatigut Maniitsumi pissanganartunik sammisassarpassualimmik unnukkut atuartitsisoqartarpoq ukiorlu kaajallallugu timersuutinik assigiinngitsunik sammisaqartoqarsinnaalluni.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput
Sulilerfissaq: 17. februar 2025
Qinnuteqarfissaq kingulleq: 1. februar 2025
Qinnuteqartunik oqaloqateqarnerit ataavartumik ingerlanneqassapput
Attavissaq:
Atorfik pillugu paasissutissat Peqqinnissaqarfimmi aqutsinermut sulisussarsiniarnermullu siunnersorti Ann Birkekær Kjeldsen mailikkut: abkj@peqqik.gl attavigalugu pissarsiarineqarsinnaapput
Paasissutissat akissarsianut atorfininnermilu atugassarititaasunut tunngasut nalinginnaasut e-mailikkut: PERSONALE@PEQQIK.GL saaffiginninnikkut pissarsiarineqarsinnaapputtaaq. Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.