Mælkebøttecenteri naatsorsuuserisumik pissarsiorpoq

Aningaasaqarnerup iluani suliassat nalinginnaasut misilittagaqarfigaagit?

Mælkebøttecenteri allaffissornerup iluani naatsorsuuserisumik misilittagalimmik, namminersorsinnaasumik, tamatigoortumillu aningaasaqarnermik aqutsisinnaasumik sulisussarsiorpoq, taannalu allaffissornerup iluani suleqatigiinnut ilaassaaq.

Suliffik

Naatsorsuuserisutut aningaasaqarnermi HR-illu immikkoortortaqarfiani issiassaatit. Atorfiup iluani suliassat taamaattumik siammasissuupput, ilaatigut tassaallutik:

• Ingerlaavartumik naatsorsuuserinermi suliassat, matumaniillutik naligiissitsisarnerit.
• Akiligassanik akiitsulinnillu aqutsineq, matumaniillutik akiligassiissusiornerit akiliisarnerillu.
• Akissarsialeriffik, akissarsisitsineq, matumaniillutik paasissutissat ikkussuunneqartut atorfininnermut akissarsianullu isumaqatigiissutinut naapertuunnerannik nakkutilliinerit.
• Aqutsisut suleqatigalugit missingersuusiornerit missingersuutinillu nakkutiginninnerit.
• Aqutsisut suleqatigalugit ukiumut naatsorsuusiornerit.
• Allaffissornerup iluani sulisut peqatigalugit allaffissornikkut suliassanik ataqatigiissaarineq.
• Ulluinnarni suliassat assigiinngitsut takkuttut suliarisarneri.

Kinaavit?

Ullumikkut suliassanik taakkununnga eqqaanartunik suliaqarputit, aammalu aningaasaqarnerup iluani suliassat nalinginnaasut misilittagaqarfigalugit.

Aningaasaqarnerup iluani ilinniagalittut tunuliaquteqarputit, soorlu HA, AU-mi Aningaasaqarnermik aammalu Isumalluutinik aqutsinermik imaluunniit assigisaanik, taakkulu kinaassutsinnik eqqortumik aammalu assingusunik misilittagaqarnermik ilaqassapput.

Inuttut suliassanut ammasuuvutit eqaatsumillu periaaseqarlutit. Taamaattumik iliuuseqarsinnaasuuvutit, suleqatikkuminarlutit, tatiginarlutit, ammasuullutit, sapiillutit uppernassuseqarlutillu. Paaqqinnittarfinni aqutsisut qanimut suleqatigisassavatit, taamaattumik ulapaarnermi suliassallu ataatsikkut ingerlaartut tamakkiisumik isigalugit suliaqarsinnaassaatit. Taakku saniatigut suleqatigiit akornanni aallussilluartutut illumilu naleqartitanut sinniisutut inissisimanissat eqqumaffigissavat.

Soorunami Office-pakke misilittagaqarfigilluassavat aningaasaqarnerullu iluani periaatsit assigiinngitsut sungiusimallugit. Mælkebøttecenterip Uniconta MDC-lønilu atugarivai – taakkunannga misilittagaqaruit iluaqutaassaaq, piumasaqaataanngilarli.

Kalaallisut qallunaatullu oqalussinnaasuuguit iluaqutaassaaq.

Pinerlussimannginnermut meeqqanullu innarliisimannginnermut uppernarsaatit takutissinnaassavatit attatiinnarsinnaallugillu.

Atorfimmut atatillugu periarfissaraatit suliatigut inuttullu pisinnaasatigut ineriartornerit.

Neqeroorutigaagut

Allaffissornerup immikkoortortaqarfia issimaffigisassat marlunnik sulisoqarpoq, taakkulu immikkoortortaqarfiup aqutsisuata ataaniipput. Tamanna annertuumik sunniisinnaanermik, suliffiup kulturianik suliassanillu ineriartortitsisinnaanermik ammaassivoq. Suliffik neqeroorutigisarput unammillernartuliuvoq, kiisalu pisortaaneqarfimmik najugaqatigiiffinnilu aqutsisunik isumatusaartumik ineriartornartumillu suleqatigiiffiulluni.

Pisinnaasat aallaavigalugit immikkut isumaqatigiissuteqarnikkut akissarsiaqartitsisoqassaaq.

Atorfimmut atatillugu sulisunut inissaqartitsisinnaavugut, tassani malittarisassat malillugit akiliutigineqassallutik depositumi, qaammammut akiliut il.il.

Mælkebøttecenteri

Mælkebøttecenteri paaqqinnittarfiuvoq imminut ingerlattoq aningaasaateqarfittullu nalunaarsorsimasoq. Inuit namminneq iliuuseqarnerisigut pilersitaavoq, siulersuisullu tassaapput Nuuk Rotary Klubimit, Lions Club Nuummit, Kalaallit Nunaanni Sulisitsisut Peqatigiiffiannit Kommuneqarfik Sermersuumillu aallartitat. Siunertaavoq meeqqat inuusuttuaqqallu 3-nit 17-inut ukiullit angerlarsimaffiup avataanut inissinneqarsimasut sumiginnarneqarsimasullu inuunerminni atukkatigullu atugarissaarnerulernissaat, kiisalu sumiginnaaqqinnissamik pitsaaliuinissaq.

Annertunerusumik paasissutissat

Atorfik pillugu apeqqutissaqaruit pisortaq Nuka Fleischer mailikkut attavigisinnaavat: fleischer@mb.gl imaluunniit oqarasuaatikkut attavigalugu: 36 21 06.

Qinnuteqaat

Qinnuteqaatit, ilinniarsimaninnut uppernarsaatit paasissutissallu qinnuteqaammut attuumassutillit uunga nassiutikkit: info@mb.gl

Qinnuteqaatit ingerlaavartumik suliarineqassapput oqaloqatigiinnerillu ingerlaavartumik ingerlanneqassallutik. Taamaattumik qinnuteqaatit piaartumik nassiuguk. Atorfik inuttalerneqassaaq atorfinittussaq eqqortoq nassaarineqarpat.

Qinnuteqarnissaq 02. Januaari 2025-mut killeqarpoq.

Mælkebøttecenteri pillugu annertunerusumik uani atuarsinnaavat: www.mb.gl