Kulturimut Sammisassaqartitsinermullu Siunnersorti
Kulturimut Sammisassaqartitsinermullu Siunnersorti - Tapiissuteqartarnermut aamma tapiissutinut aningaasaliissutinut tunngasunik pingaarnertut suliaqartussaq
Allaffissornermut tunngasuni patajaatsunik piginnaasaqarpit aamma sammisassaqartitsinermut kulturimullu tunngasunik tapiissutinut aaqqiissutinik ineriartortitsinermullu tunngasunik suleqataarusuppit? Kommuneqarfik Sermersuumi peqatigiiffinnut aammalu kajumissutsiminnik suliaqartartunut killiliussat pitsaanerulersinnissaannut kajumissuseqarpit peqataarusullutillu? Taava atorfik ilinnut naleqquttuuvoq!
Sammisassaqartitsinermut Kultureqarnermullu Immikkoortortamut peqatigiiffiit illuinik ataqatigiissaarineq, kulturimik aamma peqatigiiffilerinermik ikorfartuineq, akunnernik agguataarineq, kiisalu suliassat allat sammisassaqartitsinermut kultureqarnermullu suliassaqarfimmi suliatsinnut ikorfartuisussamik sulisussamik pissarsiorpugut. Piffissap ilaani unnukkut sapaatillu akunnerata naanerani sulisarnissaq kiisalu angalasarnissaq naatsorsuutigineqassaaq.
Immikkoortortaavugut qulinik sulisulik, suliassaqarfimmilu ilaatigut sunngiffimmi atuartitsinerit, peqatigiiffinnut tapiissutit, klubbit, eqqumiitsuliortut, kulturimik isumassarsiorfik, Suialaa Arts Festival kiisalu innuttaasunut aaqqissuussinerit allat suliarisarpagut. Tamatuma saniatigut kommunimi tamarmiusumi immikkoortortaqarfiup ataaniittunik suliffeqarfeqarpoq, soorlu naluttarfik, nipilersornermik ilinniarfiit, timersortarfiit, katersortarfiit, katersugaasiviit, ammeriviit allarpassuillu.
Suliassatit pingaarnerit makkunannga ilaqassapput:
∙Peqatigiiffiit illuinik ataqatigiissaarineq, ineriartortitsineq isumaginninnerlu
∙Tapiissutai aamma tapersersuiffigineqartartut taakkununnga ilanngullugu Tapiissuteqartarfik Sermermik aqutsineq ineriartortitsinerlu
∙Qinnuteqarnermut najoqqutassat aamma piumasaqaatit pillugit peqatigiiffinnik kajumissutsimillu sulisunik ingerlaavartumik oqaloqatiginninneq siunnersuinerlu
∙Kommunimi suleqatit immikkoortortallu sinnerinik akimut suleqateqarneq
∙Susassaqartitsinermut kultureqarnermullu tunngasuni aaqqissuussanik sammisassaqartitsinernillu tapersersuineq
∙Ineriartortitsinermi sulianut Nuummi peqatigiiffilerinermut aamma kommunip sinneranut patajaallisaataasinnaasunut tapertaaneq
∙Pikkorissarnernut aamma workshoppinut pilersaarusiorneq piviusunngortitsinerlu
∙Allaffissornikkut aaqqissuussaanikkullu suliassat tunngasut takkussuuttut
Naatsorsuutigaarput:
∙Attuumassutilimmik ilinniagartooq imaluunniit allaffissornikkut ilinniagalik aamma sulianik assingusunik misilittagaqartutit
∙Aaqqissuussaasumik sulisinnaasutit aamma ulluinnarni ulapaarfiusuni tunniussiffissanut killigititat eqqortissinnaagitit
∙Attaveqaqatigiinnermi piginnaaneqarluarputit aamma sammisat ajornakusoortut ersarissumik ingerlateqqissinnaallugit
∙Suliassaqarfinni assigiinngitsuni immikkoortortaqarfinnilu sulinermik misilittagaqartutit
∙Sunngiffimmi aamma kulturimut tunngasut pissutsit immikkut ittut Kalaallit Nunaanni atuuttut soqutigisaraatit
∙Marlunnik oqaaseqaruit Kalaallisut / Danskisullu iluaqutaassaaq piumasaqaataanngilarli
Neqeroorutigaavut:
∙Immikkoortortaqarfimmi kommunimi sunngiffimmi aamma kulturimik ingerlatsinermut ineriartortitsinermut pingaarutilimmik atuuffeqassaatit
∙Suliatigut sunniuteqarsinnaanissannut aamma siunissamut ungasinnerusumut suliniutinut ingerlataqarnissamut pitsaasunik periarfissaqassaatit
∙Suliffik allanngorartoq suleqatit tunniusimasut aamma suliassaqarfiit assigiinngitsut akornanni suleqatigiinneq pingaarnertut qitiutinneqartoq
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Pisortaq Jonas L. Nilsson, oqarasuaat +299 36 75 23 imaluunniit e-mail: jonl@semersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 120-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 26.-at, 2025