Kommunini Meeqqanut Ilaqutariinnullu Sullissiviit Ilaqutariinnullu Illut tapersersorneqarnissaanut Isumaginninnermi Aqutsisoqarfiup sulinerani ingerlatsinermut ineriartortitsinermullu Siunnersortimik inuttassarsiorpoq
Kalaallit Nunaanni tamani meeqqanut ilaqutariinnullu sullissivinni aamma ilaqutariinnut illut tapersersorneqarnissaanut peqataarusuppit? Piginnaasatigut nukittuujuit, ilisimasanik siammarterillaqqippit aammalu aaqqissuusisinnaallutit? Taava imaassinnaavoq illit ujaritsigit!
Sullissisunik Siunnersuisarfik Immikkoortortaqarfia piginnaasatigut assigiinngitsuti-gut suleqatigiiupput, taakkualu kommuunit Meeqqanut Inuusuttuaqqanullu, Innarluutilinnut aammalu Ilaqutariit paarsisartunut suliani tapersersuisarput. Taassumap avataatigut tapersersortarpagut Meeqqanut Ilaqutariinnullu sullissiviit aamma Ilaqutariinnut Illut, aammalu Ilaqutariinnut aqqutissiuinerit, kiisalu angajoqqaarsianngorniartunik pikkorissaasarnerit. Immikkoortortaqarfiup aaqqissuuteqqinneqarneranut atatillugu Upalungaarsimanermut sillimasutut tunngatillugu aammattaaq ataqatigiissaarisutut suliaqartassalluta.
Suliagut annerusumik kommuuninut attuumassuteqarput, taakkuullutillu annerusumik suleqatigisartakkagut, aammalu taamatut ittarluni Meeqqanut- aamma Ilaqutariinnut sullissivinnut aamma Ilaqutariinnut illunut tunngatillugu.
Illit suliassat:
Atorfiit pineqartut nutaajupput matumani Isumaginninnermik Aqutsisoqarfiup tapersersuinera aamma siunnersuisarnera nukittorsarniarlugu, taakkualu Meeqqanut Ilaqutariinnullu sullissiviit aamma Ilaqutariinnut illunik neqerooruteqartarnitsinnut nukittorsaalluta. Suliassaq qitiusoq tassaassaaq suliassatigut avitseqatigiinneq aamma siunnersuinerit sulisunut aammalu nuna tamakkerlugu aqutsisunut . Matumani immikkut tapersuinissamut siunertaavoq, Nalunaarut meeqqat ilaqutariinnullu sullissiviit, Ilaqutariinnut illut aammalu qimarnguinnut tunngatillugu, tamannalu atuuttussanngortinneqarsimalluni januar 2024-mi, aamma sinaakkutit Meeqqanut Ilaqutariinnullu sullissivinnut, kiisalu Ilaqutariinnut illunut sinaakkusiillutik.
Nalunaarutip sulinermi sinaakkutissat aaliangersaqqavaai, aammalu kommuunit suliassaannik ingerlatsinerat pillugu malinnaavigissavatit nalunaarutip sulinermi atuutitinneqarneranut siunertat, kiisalu suut amigaataanersut nalunaarummi kommuninik tapersersuinissamut amigaataanersut qulaajassallugu.
Isumaginninnermi Aqutsisoqarfik ukiumoortumik workshop-imik ingerlatsisarpoq Meeqqanut ilaqutariinnullu sullissivinnut aamma ilaqutariinnut illunut, tassanilu aamma illit pingaarutilimmik inissisimassaatit.
Taassumap saniatigut suliassat (AD-HOC) aamma allaffissornikkut suliassanik suliaqartassallutit.
Ujartugarput
Atorfinitsitassarput ilinniakkatigut tunngaveqartumik tunuliaqutaqartuussaaq, ass. Ilaqutariinnik katsorsaasutut imaluunniit terapi-mik ingerlatsisinnaasoq, kiisalu siunnersuinermik aammalu ineriartortitsinermik suliaqarnermut misilittagaqarneq.
Naatsorsuutigaarput ataani qulequtsiussani amerlanerni imminut ilisarisinnaassasutit:
- Isumaginninnermik siunnersorti, isumaginninnikkut perorsaasoq assigisaanilluunnii aammalu ajornanngippat ilinniaqqissimanermik terapeutitut, supervisoritut ass.
- Ilinniakkatigut naleqquttumik ilisimasaqarneq aammalu misilittagaqarneq Meeqqanut Ilaqutariinnullu sullissivinni sulinermik aammalu/imaluunniit Ilaqutariinni illuni sullissinermik
- Suliani ajornakusoortuni siunnersuinermik misilittagaqarneq
- Illugiilluni avitseqatigiissitsilluarsinnaasoq, ilisimasaminillu agguaassisinnaasoq
- Attaveqatigiinnernut pilersitsillaqqissuulluni aammalu taakkua atuuttuarnissaannut pikkoriffeqarfilik
- Ataqatigiissaarinermik misilittagalik aamma suleriaatsinik ineriartortitsinermik suliaqarsinnaasoq
- Namminerisamik sulisinnaasoq, akisussaaffimmik tigusisinnaalluni aamma suliniutinik ingerlatsisinnaasoq
- Politikkikkut aaqqissuussami ingerlatsinermik misilittagaqarneq
- Kalaallit Nunaanni inuiaqatigiinni tunngasunik ilisimasaqarluarneq, annermik isumaginninnerup iluanni
- Marluinnik oqaaseqatuuneq, kalaallisut aammalu qallunaatut
Neqeroorutigaarput
Suliffik pingaaruteqarluartoq, tassanilu illit qitiussallutit Meeqqanut- aamma Ilaqutariinnut sullissivinnut aamma Ilaqutariit illuanni aammalu suliaq tamanna ilaqutariinnut eqqorneqarsimasunut nuna tamakkerlugu suliaqarfigissallugu. Atorfik nutaatut inuttassarsiussaavoq aammalu suleriutsini sunniuteqaqataasinnaanerit periarfissaalluassalluni.
Suleqatit pikkorissut, misilittagaqarluartut sulinikkut susassaqarfinni assigiinngitsuni immikkoortortaqarfinnilu, kiisalu illaqatigiilluarsinnaasarluta. Suleqatigiit sisamaasut Meeqqanut- aamma inuusuttuaqqanut, Innarluutilinnut, Ilaqutariit paarsisartut tungaatigut kiisalu Ilaqutariinnik siunnersuinermik suliaqartut avataatigut taava projektledereqarpoq ataatsimik, inatsisileritooq aammalu immikkoortortami pisortamik atorfeqartoqarpoq.
Ilaqutariinnik siunnersuinermik sulialinni suleqataassaatit, taakkualu Meeqqanik- aamma Ilaqutariinnik sullissivinnik aammalu Ilaqutariinni illunik ilisimaarinnittuullutik aamma susassaqarfik taanna misilittagaqarfigilluarlugit.
Isumaginninnermik Aqutsisoqarfik
Isumaginninnermik Aqutsisoqarfik immikkoortunut arfineq marlunnut aggulunneqarsimavoq: Pinaveersaartitsinermik immikkoortortaqarfik Paarisa, Aningaasaqarnermut immikkoortortaqarfik, Ulloq unnuarlu inissitsiterinermullu immikkoortortaqarfik, Meeqqanik inerisaanermut immikkoortortaqarfik, Sullissisunik siunnersuisarfimmi immikkoortortaqarfik, Innuttaasunut sullissinermi immikkoortortaqarfik aamma allattoqarfik.
Atorfik Sullissisunik siunnersuisarfimmi immikkoortortaqarfimmi inissisimasuuvoq. Isumaginninnermik Aqutsisoqarfik Meeqqanut Inuusuttuaqqanullu Naalakkersuisoqarfiup ataaniippoq.
Atorfiniffissap ullua
April-ip aallaqqaataa 2025 imaluunniit isumaqatigiissuteqarnikkut.
Qinnuteqarnissamut killissarititaq tassaavoq ulloq 21. februar 2025 nal. 1200.
Atorfinitsitsinissamut ataavartumik oqaloqatiginnittarpugut
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.
Paasissutissat annerusut
Atorfimmut tunngatillugu annerusumik paasisaqarusukkuit, taava attavigisinnaavat immikkoortortami pisortaagallartoq, Ellen Bækgård oqarasuaat +299 520319 imaluunniit e-mail elba@nanoq.gl atorlugu
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job