Kommuneqarfik Sermersuup kantiinata iggaviani ikiorti
Igasut ikiortaatut ilinniarsimasuuvit? imaluunniit misilittagaqarpit iggavimmi assigiinngitsunik torersagassanik suliaqarsinnaasutut?. Suleqaternik assigiinngissusermik immikkoortitserilluarsinnaavit, suliffeqarfimmi nuannersumik suleqataarusuppit, nuannersunik pitsaasunik suleqatitaarusuppit?
Ulluinnarni ingerlatsinermi pingaarutilimmik inissisimasussaavutit, suliassatit pingaarnerit tassaapput ullaakkorsiutissanik ullup qeqqasiutissanillu piareersaaneq, taakkununnga qallersukkanik, sandwich-inik assigisaannillu suliaqarneq ilaapput kiisalu igaffimmi ulluinnarni suliassat allat ulluinnarni suliassanut ilaasut. Taamaattumik allanik suliaqartarsinnaaninnut piareersimasarnissat pingaaruteqarpoq.
Ullut tamaasa suliartortarneq nuannersuusassaaq taamaalilluni suliffimmi nuannaarneq kantiinami suleqatitsinnut tuniluuttassammat.
·Nammineq suliaqarluarsinnaassaatit
·Qiimasoq, inussiarnersoq, suleqatikkuminartoq.
·Suliaqarluarsinnaassaatit, nuannaarlutit suliassanik tigusilluarsinnaasoq.
·Eqqissisimasoq, toqqissisimanassusermik takutitsisinnaasoq ulapaarfimmi.
·Iggavimmi suliassat errugassat, eqqiiaasarlutillu suliaqartassaatit.
·Nammineq suliaqarsinnaatitaaneq, iggavimmi suleqatip suliakkiussaanik.
·Suliffimmi pitsaasumik suliffissaqartitsilerneq, inuup kinaassusaanut tulluarsakkamik pilersaarusiorluakkamik.
·Suliffimmi suliffiusussami, suliassanik ajunngitsumik suleqatigiilluarsinnaaneq.
·Nammineq nakkutilliisoq
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Tullersorti Kristine Lange Lyberth, oqarasuaat +299 36 72 27 imaluunniit e-mail: klly@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1193-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 6.-at, 2024