Kommuneqarfik Sermersuumi Pilersaarusiornermut pisortaq
Atorfik:
Kommuneqarfik Sermersooq sanaartornermut immikkoortoqarfimmi pisortamik tunniusimasumik ineriartortitserusuttumillu, aqutsinermik piginnaasani aqqutigalugit suliatigullu pikkorissuseqarnermigut immikkoortoqarfimmi suliassarpassuarnut siuttuusinnaasumik pissarsiorpoq. Pilersaarusiornermut pisortap Sanarfinermut Avatangiisinullu Ingerlatsivimmi pisortaq, stabschefi ingerlatsivimmilu aqutsisoqatigiinni fagchefit allat peqatigalugit maannakkut siunissamilu kommunip suliffeqarfianut piumasaqaatit pillugit suleqatigiissapput. Atorfik ulloq naallugu suliffiusoq, Sanarfinermut Avatangiisinullu Ingerlatsivimmi pisortamik qullersaqartoq.
Pilersaarusiornermi pisortatut pilersaarusiornermut immikkoortortamut aqutsisuussaatit, ilaatigut kommunip sanaartornermut pilersaarutitut sanaartortitassai, kommunip ingerlatsivii allat sinnerlugit suliarisassallugit. Pilersaarutitut suliassat ilaatigut tassaapput sanaartornermi, nutaanik illuliornermi aamma sanaartorfissagissaanermi sanaartugassat annerusut minnerusullu.
Atorfimmut atatillugu ilaatigut ukuninnga suliaqarnissat naatsorsuutigineqarpoq:
∙Immikkoortoqarfiup ulluinnarni aqutsineq aamma ingerlanneqarneranik isumaginninneq allaffissornerup iluani aamma sulisunut attuumassuteqartunik suliassat ilanngullugit
∙Suliassamik aallartitsinerup qulakkeerneqarnissaa, siumut ingerlanissaq aamma suliniutissat politikkikkut akuerineqartut ingerlattarnissai
∙Sanarfinermut Avatangiisinullu Ingerlatsivimmi fagchefinik allanik taamatullu kommunimi ingerlatsivinni allani suleqatinik allanik assigiinngitsutigut suleqateqarsinnaaneq
∙Nalunaarusiortarneq aamma politikkikkut allaffissornikkullu apeqqutigineqartunik akissuteqartarneq
Tunuliaquttat:
Inuttut piginnaasanik ineriartortitsinissamut pingaartitsiffiusumi aqutsisutut suleqatigiikkuutaanut nukittuunut suleqataanissat takorloorparput. Siunnerfilimmik eqqarsarsinnaasariaqarputit piginnaasanillu assigiinngitsunik peqataatitsinissat ernumagissanngilat. Ulluinnarni ulapaarfiusuni tamakkiisumik takunnissinnaassasutit aamma siuariartornissap qulakkeerneqarnissaanut, missingersuutit nakkutiginerinut kiisalu immikkoortortami angusat ersarinnerulersinnissaannut erseqqissuliorsinnaasutit.
Suliffimmi avataanilu suleqatinut aamma soqutigisaqartunik ineriartortitsinermik aamma oqaloqatiginninnermik ilisimasaqartuunissat kiisalu suleqateqarluarsinnaanissat naatsorsuutigaarput. Tamatuma saniatigut makkuninnga tunuliaqutaqaruit iluaqutaassaaq:
∙Aqutsilluarsinnaasutit, ajornanngippat atorfimmik assingusumik aqutsisutut misilittagaqartutit
∙Sulisunut aamma suleqatinut siunersiuinermut aamma isumassarsiornermut pikkorissuusutit
∙Suliassaqarfimmi assigiinngitsullu iluanni tamakkiisumik paasinnissinnaasutit ataqatigiissaakkamillu paasissutissiisinnaasutit
∙Susoqarnera apeqqutaatillugu aamma ataatsimut isiginninneq tunngavigalugu aqutseriaaseqartutit suliassanillu aaqqiissuteqarnissamut ataatsimut isiginnissinnaasutit tamakkiisumillu paasinnittaaseqartutit
∙Ingerlaqqittumik attuumassutilimmik soorlu ingeniøritut konstruktøritut assigisaannilluunniit ilinniagaqaqqissimasutit
∙Sanaartornermut aamma sanaartoriaatsinut kiisalu sanaartugassatut pilersaarutinut siammasissumik ilisimasaqartuusutit
∙Illuliornermut aamma sanaartornermut tunngasuni Kalaallit Nunaanni inatsisinik aamma aalajangersakkanik ilisimasaqartutit
∙Aningaasaqarnermi aqutsineq pikkoriffigigit aamma pisortat allaffeqarfiini aningaasaqarnermut tunngasuni misilittagaqartutit
∙Periusissiortartutut eqqarsarsinnaassasutit sullarissuusutillu
∙Suliassanut aaqqiissuteqartarnermut tunngatillugu alapernaatsuusutit nutaaliortuullutillu
∙Kommuneqarfik Sermersooq, Kalaallit Nunaat aamma kalaallit kulturiannik ilisimasaqartutit
∙Pisortaqarfiit sullisseriaasiannik ilisimasaqartutit aamma suliffeqarfimmi politikerinit aqunneqartumi sulinermik misilittagaqartutit
∙Marlunnik oqaaseqartuusutit, kalaallisut qallunaatullu, tamannali piumasaqaataanngilaq
Inuttut nuannersumik tapersersuisuuvutit, ammasuullutillu attavigiuminartuuvutit aammalu assigiinngitsutigut suleqatikkuminartuullutit. Tamatuma saniatigut ulluinnarni pisussat siumut ilisimaneqartannginnerat piareersimaffigissavat, tamatumanilu paasisimasaqarnissat ullullu ingerlanerani assigiinngitsunik suliaqarsinnaanerit pisariaqarpoq. Ataqatigiissaarisinnaasariaqarputit pilersaarutillu assigiinngitsut amerlasuut akuutinneqarnerat piareersimaffigalugu.
Neqeroorutigaagut:
∙Atorfik pissanganartoq assigiinngiiaartunik suliassartalik
∙Ingerlatsivik ineriartortuartoq
∙Sulisut suleqatillu pikkorissut tunniussimalluartullu
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pisortaq Søren Pedersen, oqarasuaat +299 36 71 48 imaluunniit e-mail: sskp@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1077-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 4.-at, 2024