Kommuneqarfik Sermersuumi mersortarfinnut katersortarfinnullu aqutsisoq
Kulturikkut kingornussassat pingaartumik kalaallisuut ammerinerlu soqutigisaqarfigaagit? Nuummi, Kapisilinni Qeqertarsuatsiaani amernik mersortarfinnut ingerlatsisutut ineriartortitsisutullu siuttuunissat kiisalu Kapisilinni Qeqertarsuatsiaani Katersortarfinni ataqatigiissaarisuunissat ineriartortitsinissallu takorloorsinnaaviuk? Taava immaqa tassa illit suleqatissarput nutaaq.
Amernik mersortarfinnut katersortarfinnullu aqutsisoq Nuummi, Kapisilinni Qeqertarsuatsiaanilu mersortarfinnik katersortarfinnillu ulluinnarni ingerlatsinermut akisussaasuuvoq.
Kommunimi amernik mersortarfiit kulturilerinermi suliffeqarfiussapput, kalaallisuunut tunngasunik tigussaanngitsunik tigussaasunillu kulturikkut kingornussassartaanik piujuartitsinissaq, siuarsaanissaq ingerlatitseqqinnissarlu siunertarineqassallutik. Suliniummi anguniarneqarpoq, siunissami kinguaariinnut kulturikkut oqaluttuassaq annertooq kinaassuserlu kalaallisuunit ammerinermillu ingerlatinneqartut misigitinneqarnissaat nuannaarutigineqarnissaallu qulakkeerutigineqarnissaat.
Amernik mersortarfiit tassaapput Nuummi Kittat arfinilinnik sulisulik, Qeqertarsuatsiaani Amitsialak marlunnik sulisulik aamma Kapisilinni Ammiamii marlunnik sulisulik. Tasiilami amernik mersortarfik Qeerpi qanimut suleqatigineqarpoq.
Kapisilinni Qeqertarsuatsiaanilu katersortarfiit siunertanut assigiinngitsunut amerlasuunut atorneqartarput, tamanut ataatsimiisitsinerniit peqatigiiffinnut ataatsimiisitsinernut, ataatsimoorfittut il. il. Katersortarfiit innuttaasunut ataatsimoornermik peqatigiinnermillu misigiffiullutik atorneqarluartarput.
Atorfik piffissaq suliffiusoq tamaat suliffiuvoq, agguaqatigiisillugu sapaatip akunneranut 40 tiimit suliffiulluni, Susassaqartitsinermut Kultureqarnermullu Fagchefi qaninnertut aqutsisoralugu.
Atorfiup imaa:
Aqutsisumik pissarsiorpugut Nuummi, Kapisilinni Qeqertarsuatsiaanilu amernik mersortarfinnik katersortarfinnillu ingerlatsinermik ineriartortitsinermillu suliaqartussamik kiisalu Kommuneqarfik Sermersuumi susassaqartitsinermut kultureqarnermullu suliassaqarfimmi assigiinngitsunik suleqateqarsinnaasumik assigiinngitsunik suliaqarsinnaasumik tassunga ilanngullugit:
-Periusissianik ineriartortitsineq atuutilersitsinerlu
-Allaffimmi suliassanik ataqatigiissaarineq
-Sulisunik isumaginninneq
-Ataqatigiissaarineq suliatigullu avitseqatigiinneq
-Amernik mersortarfinni taamatuttaarlu kommunimi immikkoortortat assigiinngitsut akornanni suliniutinik aaqqissuussanillu pilersaarusiorneq
-Kommunimi suliffeqarfinnik allanik suleqatigiinnermik pitsanngorsaaneq: meeqqat atuarfiinik, meeqqerivinnik il. il.
-Kapisilinni Qeqertarsuatsiaanilu Katersortarfinnik ataqatigiissaarineq tapersersuinerlu.
-Aningaasaqarneq (Missingersuusiorneq il.il.)
-Suliassat takkussuuttut nalinginnaasut
Qinnuteqartunut naatsorsuutigisat:
-Attuumassutilimmik kulturikkut ilinniagaqarneq ilaatigut kalaallisuunut ammerinermullu ilisimasaqarneq
-Aqutsinermik misilittagaqarneq
-Ajornanngippat politikkikkut aqqutaasumi aaqqissuussaanerup iluani ingerlatsinermi misilittagaqarneq
-Kalaallisut oqaaseqartuuneq iluaqutaassaaq
-Isumassarsiat piviusunngortinnissaannut piginnaasalik
-Sulinermut atatillugu angalasinnaanissamik ilisimannittoq
-Attaveqallaqqissoq suliassaqarfinni immikkoortortaqarfinnilu assigiinngitsuni suleqateqallaqqissoq
Taakkua saniatigut pingaartipparput, illit:
-Aalajaatsuunissat, pitsaassutsimik ilisimasaqarluartoq immikkuualuttunillu maluginiaasinnaasoq
-Siunnerfeqarluni sulisinnaasoq arlalinnillu suliaqarsinnaasoq
-Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq
-Nammineerluni sulisinnaasoq, akisussaassuseqartoq sullissiumatoorlu
-Suliassat agguataarneqarnerisa ingerlaavartumik allanngortiterneqarneranni eqaatsumik periaaseqartutit
-Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasutit
-Tatitooq, pilersitsisinnaasoq, nukissaqarluartoq piumassuseqarluartorlu
-Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
-Marlunnik oqaaseqartuuvutit.
Neqeroorutigaagut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, annertuumillu akisussaassuseqarfiusoq. Suleqatigiilluarneq aallartitsinissamut nutaaliornissamullu assigiinngitsunik suliaqarnissamut inissaqartitsiffiusoq pingaartippagut.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Aviaaja Barlach Pregaard, oqarasuaat +299 36 75 05 imaluunniit e-mail: avbp@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 920-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: septembarip 26.-at, 2024