Kommuneqarfik Sermersooq-Tasiilaq isumaginninnermik siunnersortissarsiorpoq
Kommuneqarfik Sermersuumi isumaginninnermut siunnersortitut (socialrådgiveritut) unammilligassanik nutaanik misileerusukkuit Tasiilami Alivarpi saaffiginissaanut tikilluaqqusaavutit.
Naatsorsuutigivarput:
·Isumaginninnermut siunnersortitut ilinniarsimasutit
·Ajunngitsussanik ujartuisuusutut, sulerusussuseqartuusutit, aallarnisaasinnaasoq, ilakkuminartuusutit, suleqatikkuminartoq, aaqqiissutissanik ujaasisartoq, tatiginninnermik ammaassisinnaasoq kinaasutsimillu inissaqartitsilluartoq
·Sullivik allattariarsornikkut suliaqarfiungaatsiarmat allattariarsornikkut piginnaasaqarluartuusutit
·Aqutsisunik, ilinniartitsisunik, angajoqqaanik allanillu suliamut attuumassuteqartunik positiviusumik suleqateqarusuttuusutit. Aporfissarsiornak periarfissanik ujaasisinnaasutit, inoqatinik pingaartitsisinnaallutit
·Eqaatsumik ineriartorfiusumilu atuarfimmi avatangiiseqarlutit sulerusussuseqartuusutit, oqaloqatigiinnissamik inissaqartitsillutit
·Isumaginninnermut siunnersortitut atuarfimmi sulinerni pingaarnertut isumaginninnermi suliassat tulluarsassavatit, atuarfiup pisortaa ilinniartitsisullu qanimut suleqatiginerisigut. Taamatuttaaq naatsorsuutigineqassaaq BFA/BFC inunnik isumaginninnermik siunnersuisui, atuarfiup siunnersortitut ilinniartitsisui taavalu MISI qanimut suleqatigineqarsinnaassasut
·Nalunaarusiortarnermi siunnersortitut ilinniartitsisut suleqatigineqartassapput isumasioqatigiittoqartassallunilu
·Isumaginninnermut siunnersortitut sulinermi Kommuneqarfik Sermersuumi atuarfeqarfinni isumaginninnermut siunnersortit suleqatigineqarlutillu immersueqatigineqarsinnaapput
·Atuarfimmi ilinniartitsisut ilaqutariinnermullu ingerlatsiveqarfimmi sulisut suleqatiginerisigut iliuusissatut pilersaarutit suliarineqartassapput, soorlu: atornerluinnginnissamut qinngasaarinermullu pinaveersaartitsinissamut iliuusissatut pilersaarutit
·Atuarfiup upalungaarsimanermut sillimaniarnermullu suleqatigiissitai isumaginninnermut siunnersortip aamma qanimut suleqatigisarpai. Klassemi sakkortuumik pisimasoqartillugu ilinniartitsisut angajoqqaallu suleqatiginerisigut isumaginninnermut siunnersortip iliuusissatut pilersaarutit suliarissavaat
·Oqaloqatiginnittartuussaaq siunnersuinerillu kissaatigineqartut ingerlattassallugit
·Kalaallisut qallunaatullu oqalussinnaaneq allattariarsorsinnaanerlu pingaartitarissagitit
·Isumaginninnermut siunnersortip atuarfiup pisortaa qaninnertut qullersarissavaa
Makkua neqeroorutigisinnaavagut:
·Atuarfimmi avatangiisit ineriartorfiusut, inuttut atorfeqartutullu ineriartornissamik periarfissiisoq
·Atuarfeqarfiup iluani atorfik pissanganartoq, perorsaanikkut ineriartortoqarnissaanik sullissiviusoq taavalu kommuneqarfimmi atuarfeqarneq politikkikkut pingaarnersiuinermi inissisimasoq
·Isumaginninnermut siunnersortitut atorfeqalernermiit tapersersorneqarluarneq
·Isumaginninnermut siunnersortitut atorfeqaleruit suliassat namminersortumik ilusilersornissaannik namminerlu pilersaarusiornissaannik periarfissaqarluarpoq
Tasiilami Alivarpi pillugu
Tasiilarmi Alivarpi atuarfiuvoq ukioqatigiiaani klasse marlukkuutaartut, 356-nik atuartoqartoq. Atuartut taakku 1.klasseniit 10. klasset ilanngullugit taavalu arfineq marlunnik immikkut atuartitsivinni agguataarsimapput. Atuarfik immikkoortortanut pingasunut agguataarsimavoq pingasunik immikkoortortani aqutsisoqartunik. Isumaginninnermut siunnersortitut atorfeqarninni naatsorsuutigaarput atuartunut tunngassuteqartunik paasissutissanik ingerlatitseqqittassanngitsutit. Atuartut akornanni eqqissisimanerusumik, atuagarsornikkut piginnaanngorsaaneq taavalu suleqatit ikorfartorneqarnissamik pisariaqartitsisut ikorfartoqarneqarnissaat suliniutitsinni pingaarnersaattut inissisimapput.
Isumaginninnermut siunnersortimik ujaasivugut ilinniartitsisunik 62-nik suleqateqarusussuseqartumik, nuannaartunik angusaqarluarumasunillu suleqateqarusuttumik, ilinniartitsisut inaanni isersimaffigiuminartumi avatangiisilimmi.
Atuartitsinermut sinaakkuteqarpugut pitsaasunik. iPad atorlugu atuartitsisoqassatillugu Apple-TV sullivinni atorluarneqarsinnaasut ilagaat, klasseni tamani atorneqarsinnaasunik atuartitsinermullu attuumassuteqartuni inini. Naatsorsuutigineqassaaq atuarfimmi ulluinnarni sulinermi IT-imut attuumassutilinni suliaqartillutit atuartunit, ilinniartitsisunit isumaginninnermullu siunnersortitut atugassiani sulliseqarsinnaaagavit. SkoleIntra atuarfiup aamma sullississutitut atugarivaa.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatit atorfinitsitaanermilu atugassarititaasut:
Aningaasarsiat atorfininnermilu atukkat aaqqinneqassapput Naalakkersuisut aamma AK Isumaginninnermut Siunnersortitut isumaqatigiissutaasoq malillugu.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup Pisortaa Miriam Vang, oqarasuaat +299 36 78 01 imaluunniit e-mail: miwa@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 127-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 27.-at, 2025