Kommuneqarfik Sermersooq Pisiniartartumik sulisussarsiorpoq
Suliffik pissanganartoq unammillernartorlu, kommune tamakkerlugu kiffartuussinerni illuutinillu, neqeroortitsinerni, piujuartitsisumik pisiortornermi isumaqatigiissutinillu aqutsinermi ikorfartuinermi pingaarutilimmi inissisimasumi Aaqqissuussinermut Pisiortortarnermullu immikkoortortamut peqataalerfigisassat.
Kommunimi ingerlatsiviit qanimut suleqatigaavut, pitsaasumillu sullissisussaalluta.
Sermersooq pisiortortarnermut pilersaaruteqarluarpoq. Nungusaataanngitsumik periuseqarneq, neqeroortitsisarnerit patajaatsut, pilersuisunik oqaloqateqarneq kiisalu suliffeqarfimmi ingerlatseqatigiiffiit immikkoortortallu tamaasa pitsaasumik suleqatiginissaat ukkataraavut.
Illit ilaatigut makku suliarisassavatit:
∙Annertunngitsunik aammalu neqerooruteqartitsinernik isumaqatigiissutinillu suliaqarneq
∙Pisiniartarnermut isumaqatigiissutinik atuutilersitsineq ataqatigiissaarinerlu
∙Uppernarsaatinik suliaqarneq sulianillu aallartitsinerit
∙Pillugit Contract managementimi aqutseqataaneq
∙Tullersortip ulluinnarni suliassarpassuinik tapersersuineq
∙Pilersuisunik suleqatigisanik kiisalu immikkoortortanik ingerlatsivinnillu suleqateqarneq
Ineriartornerillu aamma suliatigut soqutigisatit malillugit suliassat pissanganartut allat.
Illit kinaavit:
Illit sullissillaqqissuuvutit tatiginartoq qiimasorlu, taamaammat pitsaasumik suleqatikkuminartoq angusaqarluartartorlu – aaqqissuussap iluani aamma avataanit suleqatit eqqarsaatigalugit. Ajornartorsiutit pillugit sukkasuumik isummersinnaavutit ulluinnarnilu suliassanut piffissanullu killiliussanut atatillugu allanngoriataartarfiusumi sulilluarsinnaallutit. Atorfimmi ineriartortumi periarfissaqarluartumi sulilissaatit.
Kalaallisut danskisullu attaveqarluarsinnaasuuvutit aamma kiffartuussilluarusussuseqartuullutit.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissarsiat atorfininnermilu atugassarititaasut:
Aningaasarsiat kiisalu atorfinitsitaanermi atugassarititaasut atorfininnermi isumaqatigiissutit malillugit suliarineqassapput, Naalakkersuisut kattuffiullu isumaqatiginninniarsinnaatitaasup akornanni isumaqatigiissutit atuuttut naapertorlugit atugassaqartitsisoqassaaq.
Atorfinitsitsinermi qaammatit pingasut misiligutaassapput.
Inissaq:
Atorfimmut atatillugu sulisunut inissiamik innersuussisoqarsinnaanngilaq.
Aneertunerusumik paasisaqarusukkuit:
Atorfik soqutigigukku atorfimmut tassungalu tunngasunik suliassanik annertunerusumik paasisaqarusukkuit uunga Aaqqissuussinermut Pisiniartarnermilu pisortamut Kristine Lange Lyberth-imut attaveqarnissannut tikilluaqqusaavutit, oqarasuaat +299 367227 imaluunniit e-mail: klly@sermersooq.gl
Qinnuteqaat.
Qinnuteqaat qulequtserlugu Atorfiup ilisarnaataa 15-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Ima qinnuteqassaatit:
Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.
Malugiuk:
Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.
Qinnuteqarnissamut killissarititaasoq: januaarip 24.-at, 2025