Kommune Qeqertalik anguniagaqarusussusilimmik aamma piumassuseqarluartumik kommuni pisortaanermik pissarsiorpoq
Kommune Qeqertalik angusaqarluarusuttumik sunniilluarsinnaasumillu pisortaanissarsiorpoq, taassuma aqutsisut allat suleqatigalugit kommunimi periusissatut pingaartitat aamma suleriutsit ingerlareersut siuttuuffialugit, ingerlateqqillugilli nukittorsassavai. Atorfik Aasianniippoq qaninnertullu qullersarineqassalluni Borgmesteri.
Kommune Qeqertalik tamakkiisumik 85.280 km2-imik nunaminertaqarpoq kiisalu innuttaasut amerlassusaat katillugit 6.065-ullutik (1. juuli 2024-mi), kommunimi illoqarfinni sisamani nunaqarfinnilu arfineq pingasuni siammarsimallutik najugaqarput. Aasiaat qeqertarsuup tunuata kujasinnerusortaani inissisimavoq. Qeqertaq nammineerluni inuit ”inoqarfik qeqertarpassualimmiittutut” taasartagaanni qeqertat akornanni inissisimavoq. Illoqarfik 2.900-t missaannik inoqarpoq taamaalillunilu Kalaallit Nunaanni illoqarfiit annersaasa tallimaralugu. Pinngortitami immikkut ittunik naleqartitaqarluni Kommune Qeqertalik kulturikkut sunngiffimmilu immikkut illuinnartunik kommunimi neqerooruteqartutut kommuni imminut nittarsaassinnaavoq ullumikkullu kommuni takornarissanit nunanit allaneersorpassuarnit ukiumut tikeraarneqartarpoq.
Pisortaanerup nutaap pingaarnertut siullertullu suliassai tassaapput qulakkeerinninnissaq borgmesteri kommunalbestyrelsilu eqqortumik siunnersorneqartarnissaannik taamaalilluni pitsaassusilimmik toqqammaveqarlutik taakkua aalajangiisinnaalersinneqassapput. Taakkua saniatigut aaqqissuussaanerup ineriartortinneqarnissaa pillugu qulakkeerinninneq, kommunip aaqqissuunneqarnera pillugu sumiiffinni aalajangiinerit aamma sunneeqatigiinnerit nukittorsarneqarnissaat nutaaliorneq aqqutigalugu. Pisortaaneq aqutsisut allat aqqutigalugit aqutsissaaq aamma tamanna aqqutigalugu anguniakkat aalajangersimasut naapertorlugit sulisutigut aamma inuttut piginnaanngorsaanernik pisariaqartunik qulakkeerinnissalluni kiisalu sulisut akornanni ingerlaqatigiinnissamik tunniusimanermillu pilersitsissalluni. Tamanna Aningaasaqarnermut pisortaq qanimut suleqatigalugu Kommunimi pisortaanertut nutaatut kommunimi qullersatut ilaassaatit.
Kommunip iluani sumiiffiit assigiinngitsut, Kalaallit Nunaanni illoqarfiit allat nunanilu allani aaqqissuussanut ornillugit angalasarnerit ilimagisariaqassavatit.
Qinnuteqartoq eqqortumik piukkunnaatilik ilinniagakkaatut qaffasissusilimmik suliamut attuumassuteqartumik ilinniagaqarsimassaaq kiisalu ajornanngippat minnerpaamik oqaatsit pingasut atorsinnaasariaqarlugit - pingaarnertut kalaallisut, aappassaattut danskisut aamma tuluttut. Tamatuma saniatigut:
- Oqartussaassuseqarnermik pigisaqareerneq aamma sunniuteqarluartumik inissisimaneq – ersarissumik aqutsisoq
- Nutaaliorsinnaassusilik aamma takorluugalik - siunertalimmik anguniagalik aamma sulisinnaassusilik
- Ataatsimut isiginninneq tunngavigalugu sulersiutsinik aamma angusassanik pingaartitalik
- Qaffasissumik akuutitsisutut pisortaq katersuuffiusoq (akuutitsineq aamma suliassanik agguataarinnissinnaaneq)
- Suliassamut qaffasissumik ilisimasaqarneq
- Politikikkut suliaqarfimmi ulapaarfiusumi oqimaaqatigiissumik sulinikkut inissisimasinnaaneq
- Periusissat eqqarsaatigalugit tamatigoortuuneq iliuuseqarsinnaassuseqarnerlu
- Kommunimi ineriartortitsinermi periarfissanut tappiffiginninneq aamma pitsaasunik attaveqarneq
Kommune Qeqertallip neqeroorutigaa qitiusumi qullersatut atorfik kommunimik pissanganartumik aqutsineq qanimut Borgmesteri isumasioqatigisarlugu. Tamatuma saniatigut:
- Aalajangiinissamut aqqut naatsoq
- Atorfik namminersorfiusoq ineriartupiloortorlu – aamma pisortaqatigiit pissanganartut akornanni siuttuuffiusoq
- Ulluinnaat allanngorartut sulianik annertuumik akisussaaffeqarfiusoq akuutinneqarnerlu
- Suliassaqarfimmi annertuumik akuutinneqarneq aamma akisussaaffeqarneq ulluinnaralugit sulineq
- Suleqatit pimoorussisut pikkorissullu
Avannaani Ilinniarnertuunngorniarfik Aasianniippoq Kalaallit Nunaata avannaa tamakkerlugu innuttaasut inussuttut tassani ilinniarnertuunngorniarsinnaapput. Aasianni assigiinngitsunik niuertarfeqarpoq, ilaatigut soorlu ulluinnarni nioqqutissanik- aamma atisanik pisiniarfiit, kiisalu ”Kalaalimineerniarfik”, piniartut aamma aalisartut ullormut pisarisartakkaminnik tuniniaasarfiat. Illoqarfik innuttaasut ilaasa kalaallit ileqquat malillugu inuuffigisaat. Qimusserneq kulturikkut kingornussanut ilaavoq ukiuuneranilu takussaasartoq, taamaattoq ukiukkut angallannerup annertunersaa nutaaliaasunik qamuteralannik taarserneqarnikuuvoq aammalu umiarsualivimmi eqqaanilu umiatsiaaqqat aalisariarlutik piniariarlutillu tikerarfianni aallagarfiannilu pisoqarfiujuarpoq.
Akissarsiat- aamma atorfininnermi atugassarititaasut, matumani atorfininnermut aamma soraarnermut atatillugu angalanerit kiisalu pisattat angallanneqarnerinut pisinnaatitaaffiit ilanngullugit atorfininnerup nalaani Kalaallit Nunaanni Namminersorlutik Oqartussat aamma suliniaqatigiiffiup isumaqatigiinniartussaatitaasup akornanni isumaqatigiissut atuuttoq naapertorlugu pissaaq.
Pisortaanertut atorfik akissarsiat qaffasissusaanni (løntrin) 39-40-miittoq malillugu akissaateqarpoq. Kommunini pisortat akissataat pillugit isumaqatigiissutit (den fælles chefaftale) naapertorlugit akissarsititsisoqartarpoq. Aammattaaq ukiunut aalajangersimasunut atuuffilimmik atorfik inuttalerneqarsinnaavoq. Atorfimmut atatillugu malittarisassat sukkulluunniit atuuttut naapertorlugit sulisunut inissiamik pisatsersorneqanngitsumik innersuussisoqarsinnaavoq.
Pisortaanermi nutaamik pissarsiornermini Kommune Qeqertalik Pointer A/S-imik suleqateqarnissamik isumaqatigiissuteqarpoq. Taamaattumik Pointer A/S-imi pisortamit Inger Marie Ingvardsenimit itinerusumik paasissutissanik pissarsiniarnissami uani oqarasuaammut +45 29 36 86 36-mut saaffiginninnissamut tikilluaqqusaavutit. Saaffiginnissutit tamarmik nipangiussisussaatitaanerup aqqani suliarineqassapput.
Qinnuteqaat piaarnerpaamik kiisalu kingusinnerpaamik ulloq ataasinngorneq 3. marsi 2025 uunga imi@pointersearch.dk.-imut nassiunneqassaaq.