Kofoeds Skole Nuuk sammisassaqartitsinermi suleqataasussamik pissarsiorpoq

Nuummi suliffissaaleqisunut, angerlarsimaffeqanngitsunut isumaginninnikkullu atugarliortunut pitsanngorsaaqataarusuppit? Inulerinermut linniarsimasumik tunniusimalluartumillu Nuummi Kofoeds Skolemut pissarsiorpugut.

Suleqatigiit nukittuut ilaaffigilikkit Kofoeds Skole Nuuk 2016-imiilli innuttaasunik atugarliortunik siunnerfeqartumik akuutitsisumillu suliaqalersimavoq.

Aqutsisoq suleqatillu tallimat peqatigalugit Kofoeds Skole Nuuk ingerlatseqataaffigissavat. Inissaqartitsisuuvutit atugarisanillu misiginneqataasuullutit, siunnerfigineqartunillu atugarliortunik inuttut tarnikkullu assigiinngitsunik unammilligassalinnik assigiinngitsunik misilittagaqarlutit.

Suleqataasutut inuunermut eqeersimaanerusumut aqqummik nassaarniarnissap ajornannginnerulersinnissaa suliassaraarput, suliffeqarnermut uternissaq imaluunniit ulluinnarni inuunerup imaqarnerulernissaa pineqartillugit.

Sammisassaqartitsinernik assersuutigalugu makkuninnga neqerooruteqarpugut: nerisassiorneq, qisuit atorlugit sananeq, pinnersaasiorneq, saanernik suliaqarneq, mersorneq. Naluttarfiliartarpugut pinngortitamilu angalaarluta pisuttuartarlutalu. Erinarsoqatigeeqarpugut aammalu nipilersornermik erinarsornermillu nuannarisaqarluta.

Kissaatigaarput sulisussaq isumaginnittutut sulinermik misilittagaqartuussasoq aamma sullinniakkanik suleqateqarsinnaasunik tunngaviusumik piumasaqaataasoq ”imminut ikiorsinnaaneq” aallaavigalugu. Suut tamaasa ataatsimut malinnaaffigisinnaassavatit kiisalu pissutsini paatsiveerusimaarnaraluartuniluunniit tamanik takunnissinnaaneq attassinnaavat aaqqissugaasumillu ingerlariaaseqarnermik eqqissisimanermillu qulakkeerinnissinnaallutit.

Kofoeds Skole Nuuk suliffeqarfiuvoq imminut pigisoq arfineq-marlunnik sulisoqartoq, inooqatigiinnikkut atugarliortunut inersimasunut imminut ikiorsinnaalernissaq anguniarlugu ikiuunnissamik neqerooruteqartoq. Inunnut pitsaanerusumik inuuneqalernissamut imminnut ikiorusuttunut neqeroorutaavugut. Suliffissaaleqisunut atugarliortunullu tamanut, ataatsimooqatigiiffimmi tamanut inissaqartitsisumi peqataarusuttunut inuttut attaveqatigiiffimmik eqeersimaarfiusumik, ineriartornartumik imigassartorfiunngitsumillu neqerooruteqarpugut.

Suliassat ilaatigut tassaapput

• Suleqatitit peqatigalugit sammisassanik pinngorartitsiviusunik suliniutinillu, pilersaarusiorneq piviusunngortitsinerlu.
• Oqaloqatigiinnerit kajumissinartut, attaveqarfinnik sammisassaqartitsinernillu suliaqarneq.

• Attuumassuteqaqatigiinnermit tunngaveqartumik suliaqarneq
• Atuartunut pisariaqartitsineq malillugu tapertaasarneq, kiisalu isumaginninnikkut suliatigut tapertaasarneq isumaginninnikkut unammillernartunik tassanngaannaq pisunik aaqqiinissamut
• Ujartuilluni suliaqarneq
• Nipilersornermik ilitsersuussisinnaaneq
• Sullitat pillugit ilisimasanik aamma kisitsisitigut paasissutissanik ingerlatitseqqiisarneq katersuinerlu.

Suliamut tunngasuni ilisarnaat – misilittakkat

• Pilersaarusiorsinnaaneq sammisassanik pinngorartitsiviusunik, piviusunngortitsinerlu.
• Inunnik atugarliortunik pædagogikkimik suliaqarnermik misilittagaqarneq.

Suliamut tunngasuni ilisarnaat – piginnaasat

• Inulerisutut assigisaanilluunniit ilinniagaqarsimaneq misilittagaqarnerluunniit.
• Biilinik ingerlatitsisutut allagartaqarneq

 Inuttut piginnaasat pisariaqartut

• Kalaallit oqaasiinik kulturiannillu sukumiisumik ilisimasaqaruit iluaqutaasorujussuussaaq.

• Pissutsini paatsiveerusimaarnartuni tamanik takunnissinnaanermik, aaqqissugaasumik ingerlatsisinnaanermik eqqissisimanermillu attassisinnaavutit.
• Namminersorlutit aaqqissugaasumillu sulisinnaavutit, kiisalu sumiiffimmi sulianut tunngasuni ineriartornermut tapersiissuteqarnissamut kajumissuseqarlutit.
• Siunnerfitsinnut, suleqatinut suleqatigisartakkanullu suleqatigiinnikkut attaveqarnernik pilersitsinissamut attassinissamullu pikkorissuuvutit.
• Attaveqaqatigiinnermut piginnaanneqarluarputit.
• Nipilersornermut arlaatigut ilisimasaqarputit pikkoriffeqarlutillu.

Neqeroorutigaavut 

Suliffeqarfik, suleqatigiinnik ingerlalluartunik pingaartitsiffigilluinnagarput, taamaalillutalu inuttut isumalluutit attassinnaanissaannut ineriartortinnissaannullu atatillugu nukinnik annertuunik atuisarluta.

Sullivimmi avatangiisitsinni tatiginninnerup, suleqatigiinnerup sulinermillu nuannarisaqarnerup aqutsisooqataasutut inissisimanissaat kissaatigaarput. 

Paasisaqarnerorusukkuit 

Atorfik pillugu paasisaqarnerorusukkut pisortaq Charlotte Ludvigsen tlf. (+ 299) 53 42 47 aqqutigalugu saaffigisinnaavat, atorfinitsitaanermilu atugassarititaasut pillugit apeqqutissaqaruit, Kofoeds Skolemi (København) sulisoqarnermut pisortaq Bente Fasmer tlf. + 45 41 73 32 69 aqqutigalugu saaffigisinnaavat.

Atorfinitsitaanermut tunngasut il.il.

Atofinitsitaneq pissaaq 1. februar 2025. Atorfik sapaatip-akunneranut agguaqatigiissillugu akunnerni 40-ni suliffiuvoq. Atorfinitsitaaneq pissaaq Namminersorlutitk Oqartussat kommunillu ataanni sulisunut atuuffiit pillugit Naalakkersuisut aamma AK-p akornanni isumaqatigiissut naapertorlugu.

Atorfinitsitaanermut atatillugu ajoraluartumik inissaqartitsisoqanngilaq.

Qinnuteqarneq

Qinnuteqarnissamut killigititaasoq tassaavoq marlunngorneq, januaarip 7-iat nal. 10.00 Qinnuteqartunik ingerlaavartumik oqaloqateqartarnissarput naatsorsuutigaarput.

Qinnuteqaatit cv-mik soraarummeersimanermullu uppernarsaatinik ilaqartinneqartoq nassiunneqassaaq statens e-rekrutteringssystem aqqutigalugu– søg stillingen toorneqassaaq.

Atorfik una qinnuteqarfigiuk

Sulisut katitigaanerisa inuiaqatigiinnut avatangiiserineqartunut naapertuunnissaannik anguniagaqarpugut. Taamaattumik soqutiginnittut tamarmik – inuiaassuseq, upperisaq, arnaneq angutaanerluunniit imaluunniit ukiut apeqqutaatinnagit kaammattorneqarput atorfimmut qinnuteqaqqullugit.