KNR-radio marlunnik tusagassiortussarsiorpoq

Fakta

Atorfiup suussusaa: KNR-radio marlunnik tusagassiortussarsiorpoq

Suliffeqarfik: KNR

Qinnuteqarfissamut killigititaq: 2. december

Attavissaq: Lis Lindenhann Jokumsen oqarasuaatikkut +299 36 45 54 imaluunniit ljo@knr.gl. Imaluunniit Evi Kreutzmann oqarasuaatikkut +299 36 46 64 imaluunniit mailikkut: ekr@knr.gl.

Ullaakkut radiokkut toqqaannartumik aallakaatitsineq soqutigisinnaaviuk? Ullaaralaakkut tusarnaartut tusaruminartunik tusagassaqarnissaat pilerigaajuk, aammalu inuiaqatigiittut killiffipput malinnaaffigaajuk apeqqusiillutillu aallakaatitassiorneq ornigalugu? Taava tassaavutit ujartugarput.

KNR-radio marlunnik tusagassiortussarsiorpoq.

KNR Radiomi aallakaatitassiortarnitsinni suliavut siammasipput, inuiaqatigiit atugaasa itisiliisumik aliikkutassiaanerusumillu saqqummersinnissaat pingaartillugu. Aallakaatitassiornitsinni tusarnaartartut peqataatittuartarpagut, ulluinnarni inuit inuunerat alapernaaffigalugu.

Radiomi Flow-imi ataatsimik tusagassiortussarsiorpugut; toqqaannartumik suleqatit peqatigalugit aallakaatitsisartussamik aallakaatitsinissamullu piareersaaqataasartussamik. Ilaanni ullaaralaakkut suliartortarlutik.

Aamma aallakaatitassianik takinerusunik suliaqartartussamik ataatsimik tusagassiortussarsiorpugut.

Taamaammat qinnuteqarninni Flow radio imaluunniit takinerusunik aallakaatitassiorneq pileriginerunerlugu allassinnaavat.

Kalaallisut oqallorissuunissat nipillu atorlugit aallakaatitassiornermik pikkoriffeqarnissat, inuiaqatigiinnilu pisunut malinnaallutillu soqutigisaqartuunissat pingaaruteqarpoq.

Radiolerineq, tusagassiutilerineq, teknikki, nittartagalerineq aamma internetsikkut inuit attaveqatigiiffii atorlugit sulineq misilittagaqarfigigukkit, ilikkagaqarfigerusullugulu, tamanna iluaqutigisinnaavat.

Suliffeqarfipput ineriartorfiuvoq, peqatigiilluni pinngorartitsinermik, pitsaassutsimik suleqatigiilluarnermik ataqatigiinnermillu pingaartitsisoq.

Akissarsiat atorfeqarnermullu tunngasut: Akissarsiat atorfeqarnermilu atugassaritaasut, ilanngullugit atorfininnermi suliunaarnermilu angalanerni pisatallu assartorneqarnerini akiliunneqarluni nuussinnaatitaaninnut tunngasut, Namminersorlutik Oqartussat Kattuffiullu isumaqatigiinniussisinnaasutut piginnaatitaaffeqartup akornini isumaqatigiissutit naapertorlugit suliarineqassapput.

Ineqarneq: Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

01. januar 2025 isumaqatigiissuteqarnikkulluunniit atorfinittut aallartissinnaapput

Atorfimmut atatillugu paasissutissanik ukununnga paasiniaasinnaavutit: aaqqissuisoq Andrea Christiansen oqar.: +299 36 45 69 imal. mail: anc@knr.gl aamma Radiomi pisortaq Evi Kreutzmann oqar.: +299 36 46 64 imal. mail: ekr@knr.gl.

Qinnuteqarfissaq kingulleq 02. december 2025.