KNI A/S aningaasaqarnermut pisortaanissarsiorpoq

• Sumiiffik: Sisimiut
• Ulloq atorfiniffik: Piaartumik imaluunniit isumaqatigiissuteqarnikkut
• Qinnuteqarfissap killigititaa: 9. januar 2025

Aningaasaqarnerup iluani aqutsinermik, periusissiornermik niuernermillu ineriartortitsinerup iluani aqutsisutut misilittagaqarluarpit takorluuisinnaassuseqarluarlutillu? Nunatsinni suliffeqarfiit annerit soqutiginarluinnartullu annersaasa ilaat siunissami ilusilersueqataaffiginissaa pingaarutilittut suleqataaffigerusuppiuk? Taava imaassinnaavoq KNI A/S-imi illit aningaasaqarnermut pisortaanissarigitsigit.

Atorfik

Aningaasaqarnermut pisortaanertut KNI A/S-imi pisortaaneq qaninnertut pisortarissavat suliffeqarfiullu aningaasaqarnera tamaat aningaasalersuinerullu iluani periusissiorneq akisussaaffigissallugu. Aqutsisoqatigiinni pingaarutilimmik suleqataassaatit suliffeqarfiullu siuariartortinnissaa ineriartortinnissaanullu qulakkeerumallugit suliffeqarfiup pisortaanera, siulersuisut aqutsisullu sinneri qanimut suleqatigissavatit.

Pingaarnertut suliarisartagassatit tassaassapput:

• Suliffeqarfiup aningaasaqarneranut pingaarnertut akisussaasuuneq, tamatumani naatsorsuutinut, missingersuusiornermut, aningaasaqarnerup pilersaarusiorneranut qanorlu pisoqarsinnaaneranut sillimaniarnermut aqutsineq ilanngullugit.
• Aningaasaqarnerup iluani ingerlatsinermi aqutsineq kiisalu aningaasaqarnerup iluani sulisunik pikkorissunik aqutsineq.
• Aningaasaqarnerup iluani misissueqqissaarinermik suliaqarneq aqutsisunullu aamma siulersuisunut nalunaarusiortarneq.
• Suliffeqarfiup periusissiorluni aqunneqarneranut suleqataaneq aningaasaqarnerullu iluani aalajangiinissatigut aqutsinermik siunnersuineq.
• Aningaasalersuinermut, aningaasaatinik aaqqissuussinermik qularnaarinermilu aningaasalersuinermik periusissiornermut akisussaaneq, aamma aningaaserivinnut tunngatillugu.
• Suliffeqarfiup akiliisinnaassusaata pitsanngorsartuarnissaanut akisussaaneq, tamatumani aningaasat nuunneqarlutik ingerlaartarnerannik akiitsorsinnaanermilu atorsinnaasanik pilersaarusiorneq aqutsinerlu kiisalu suliffeqarfiup aningaasalersuinerup iluani pisussaaffiisa eqquutsinnissaat qulakkeerniarlugu naammattunik aningaasassaqartitsinissaanut siunissamut qaninnerusumut ungasinnerusumullu pisussaaffinnik qulakkeerinninneq.
• Suliffeqarfiup sillimmasersimaneranut akisussaaneq, tamatumani sillimmasiinissamut isumaqatiginninniarnerit, qanoq pisoqarsinnaaneranik nalilersuineq niuernermillu ingerlatat tamarmik qanoq pisoqarsinnaanerinut naammattumik matussuserneqarsinnaanissaat qularnaarlugu.
• Suliffeqarfiup ingerlatseriaasianik nakkutilliisarneranillu pitsanngorsaanerup nakkutigineqartuarnissaanut akisussaaneq.
• Digitalinngorsaaneq, tamatumani suliffeqarfiup IT-qarnerata aningaasaqarnerup suliaqarnerullu iluani anguniakkanut iluaqutaanissaa qulakkeerlugu, tamatumani IT-qarnerup iluani periutsinik atorneqartunik, paasissutissanik suliaqarneq IT-qarnerullu iluani isumannaatsuutitsinissamik nakkutiginninneq ilanngullugu.
• Inatsisit malitassat suliaqarfimmut tunngasut naleqqussaanerillu nunatta iluani avataanilu atuuttut eqquutsinneqarnissaannut qulakkeerinninneq.
• Suliffeqarfiup aningaasalersuinermini suleriaasiini periusissiaanilu siuariartorfissanik pitsanngorsaataasinnaasunillu suussusersineq.
• Akisussaaffigisat tunngavigalugit siulersuisut ataatsimiinnerini ataatsimeeqataaneq, tamatumani aningaasaqarnerup iluani, qanoq pisoqarsinnaanerani aqutsinermi, IT-qarnerup iluani sillimmasiinermullu tunngasutigut siunersioqatiginnittarneq kiisalu tamakku iluani periusissiorluni aalajangigassani aalajangiisarneq.

Illit pillutit

Kissaatigaarput makkunani piginnaasaqarnissat misilittagaqarnissallu:

• Naleqquttumik aningaasaqarnerup iluani ilinniagaqarsimanissat, assersuutigalugu cand.merc., HD(R)-mi assingisaaniluunniit.
• Suliffeqarfimmi anginerusumi aningaasaqarnermik aqutsinermik aqutsisutullu sulinermik sivikinnerpaamik ukiuni arfineq-marlunni-qulini misilittagaqarnissat.
• Aningaasaqarnermut pisortaanertut misilittagaqarninnik uppernarsaatissaqarnissat atorfimmiluunniit assingusumi aningaasaqarnerup aningaasalersuinerullu iluani aqutsisuusimanissat.
• Periusissiorluni aalajangigassanik niuernermillu ineriartortitsinermik misilittagaqarnissaq.
• Naatsorsuuserinermik, aningaasalersuinermik qanorlu pisoqarsinnaaneranik aqutsinermik annertuumik paasisimasaqarneq.
• Aqutsisutut piginnaasaqarluarneq kiisalu suleqatigiinnik aqutsinermik ineriartortitsinermillu misilittagaqarneq.
• Inunnik peqateqarsinnaalluartuuneq kiisalu attuumassuteqarfissanik nutaanik attaveqatissarsiorluarsinnaaneq attuumassuteqarfigeriikkanillu attaveqaannavissinnaaneq.
• Siulersuisut qullersaqarfiullu akornanni qanoq pisoqartarneranik misigilittagaqarneq.
• Oqaatsinik atorneqartussanik naleqquttunik atuilluarsinnaaneq kiisalu suliffeqarfiup iluani avammullu attaveqaqateqartarnermik misilittagaqarneq.
• Kalaallit Nunaannut kiisalu politikkikkut qanoq suleriuseqartoqartarneranik ilisimasaqarluarneq kiisalu Namminersorlutik Oqartussat kiisalu Namminersorlutik Oqartussat suliffeqarfiutaanni qanoq pisoqartarnersoq ilisimasaqarfiginissaa pingaaruteqarluinnarluni, taamaattumik nunatsinni inuiaqatigiinni aaqqissuussaaneq, kulturi nunatsinnilu tamarmi inooriaatsip ilisimasaqarfigilluarnissaa immikkut kissaataavoq.
• Pineqaatissinneqarsimannginnermut uppernarsaat KNI A/S-imut tunniunneqassaaq.

KNI A/S-ip neqeroorutigai

• Nunatsinni suliffeqarfiup sunniuteqarluinnartup sunniuteqarfiginissaanut periarfissatsialak. Suliffik soqutiginarluinnartoq imaannaanngitsorlu suliffeqarfiullu periusissiorneranut siunnerfilernissaanut sunniuteqarsinnaaneq.
• Unammillersinnaalluartunik aningaasarsiaqartinneqarneq atorfininnermilu atugassarititaasut orniginarluinnartut.
• Suliffeqarfimmi uummaariffiusumi inuttut suliallu iluani ineriartornissamut periarfissaqartinneqarneq.
• Suliffeqarfik piujuartitsinermik inuiaqatigiinnilu akisussaassuseqarnermik pingaartitsiviusorujussuaq.
• Atorfik Sisimiuniippoq, tamaanimi KNI A/S-ip kiffartuussivia ippoq. Atorfinittussamut KNI A/S inissaqartitsisinnaavoq ineqarnermut akiliutit, qularnaveeqqusiinerit atuinerillu malittarisassat sukkulluunniit atuuttut naapertorlugit akilerneqartartussaallutik. Atorfinittussaq Sisimiunut nooqqaassappat atorfinittussap sulilernissaanut suliunnaarnissaanullu pisataasa nassiunneqarnissaannut KNI A/S akiliissaaq.

Sulisussarsiornerup ingerlanissaa

KNI A/S-ip sulisussarsiornera tamaat Thomsen Consulting-ip ikiuuffigissavaa.

Aningaasaqarnermut pisortaaninngortussaq piaartumik KNI A/S-ip isumaqatigiissuteqarfigalugu sulilernissaa kissaatigaa, taamaattumik qinnuteqartut piukkunnartut oqaloqatigineqarnerat ingerlattassavarput.

Atorfimmut qinnuteqaatit, CV-t pappiaqqallu allat pisariallit Thomsen Consulting-ip atorfinnut qinnuteqaatinut atortagaatigut nassiutissavatit. Paasissutissat ilinnut tunngasut sapinngisamik illersorniarlugit qinnuteqaatit e-mailikkut tiguneq ajorpavut.

Sulisussarsiornermut tunngatillugu apeqqutit nalinginnaasut Niels Thomsen-imut oqarasuaammut angallattakkamut +299 586636 / +45 5432 8408-mut saaffiginnissutigineqassapput mailerutigalugilluunniit uunga niels@thomsen.gl.

Atorfik pillugu allanik apeqqutissaqaruit pisortaaneq Jeppe Jensen attavigisinnaavat oqarasuaammut uunga +299 862444 imaluunniit jxj@kni.gl.

KNI A/S

Kalaallit Nunaanni inuiaqatigiinni sukkasoorujussuarmik ineriartortoqarpoq. KNI aamma ineriartorfiuvoq, tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna isorartoorujussuaq ataatsimoortinneqarpoq.

Kiffartuussivik Kalaallit Nunaanni illoqarfiit anginersaasa tulliani Qaasuitsup eqqaaniittumi inersisimavoq. Kalaallillu Nunaat tamakkerlugu 900-t eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuatsinnut tunngatillugu paasisaqassagaanni aamma Kalaallit Nunaata oqaluttuarisaanera nutaajunerusoq, inuiaqatigiinni aaqqissuussaaneq ineriartornermullu tunngatillugu paasisaqarfiussaaq. Akisussaaffinnut suliassanullu pissangaartunut tikilluarit. KNI-mut tikilluarit.

KNI A/S pillugu paasissutissanik allanik uani atuarsinnaavutit www.kni.gl