Kapisilinni ulluunnerani meeqqamik sullissinermi ikiortitut
Meeqqamik sullissinermi ikiortitut ilinniagalik imaluunniit meeqqanik sullissinermik misilittagalik soqutiginnittoq tunniusimasorlu Meeqqerivik Dagplejer Kapisilinni sulisinnaasumik ataatsimik pissarsiariumaneqarpoq.
Suliffik pillugu:
∙Ataatsimik sulisumik sulisoqarpoq, meeqqanullu 4-nut 0-6 ukiulinnut inissaqartitsilluni
∙Ulloq naallugu suliffiuvoq, Meqqerivik Umiamullu atassuteqarluni
Meeqqanik 0-6 ukiulinnik paarisaqartoqarsinnaavoq, massakkullu meeqqat 4-ninut inissaqarluni
Atorfik ulloq naallugu atorfiuvoq, qaninnerpaatut attaveqaatigalugu Meeqqerivik ”Umiaq”-mi aqutsisoq
Meeqqanut ulluunerani paaqqinnittarfimmik ineriartortitseqataarusuppit ingerlatsinermik attassinermut ineriartortitsinermullu suleqataarusuppit maani qanimut attaveqatigiinnerit pingaartinneqaqaat meeqqallu eqimattaqatigiillu ataasiakkaat ineriartornerat atugarissaarnerallu ukkatarineqarput.Taava suliffissaqartippatsigit.
Meeqqat alapernaatsut, tatitussusillit, peqqissut nuannaartullu Kommunitta anguniagai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.
Meeqqerivitsinni immikkut ilisarnaatigaarput: Anguniakkat aallaavigalugit sulineq, ukunannga:
∙Suleqatinut allanut maligassiuisoq
∙Atuisunut qanimut suleqatiginnissinnaassusilik
∙Inatsisartut inatsisaat Nr. 62, 20/11-2023-meersoq malillugu sulinermik ingerlatsisoq
∙Qanimut suleqatigalugu aqutsisoq aammalu suliaqartut allat suliassat ingerlanneqartarput
Suliffik qanoq ittoq neqeroorutigisinnaavarput:
∙Uagutsinnut pingaaruteqarpoq meeqqat ulluinnarnik ataqatigiissunik toqqissimanartunillu misigisaqarnissaat inunnut pitsaasumik attaveqarneq aqqutigalugu. Naatsorsuutigaarput illit paaqqinnittarfiup anguniagaanut sinaakkutissanik pilersitseqataassasutit taakkununngalu tapersersuissasutit
∙Suliffimmi ulluinnarni sammisanut sunniuteqarfigisinnaasat neqeroorutigaarput
Qinnuteqartumut naatsorsuutigineqartut:
∙Inunnik isumaginninnermuulluunniit ilinniarsimasuunissat
∙Akisussaaffimmik tigusisinnaavutit namminersorlutillu sulisinnaallutit
∙Angajoqqaanullu suleqatiginnikkumavutit
∙Piareersimasuuvutit
∙Ineriartuutaasunik sammisaqartitsinernik pilersaarusiorsinnaavutit
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Tullersorti Angerlaq Andersen Olsen, oqarasuaat +299 36 68 90 imaluunniit e-mail: aaol@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1236-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: decembarip 25.-at, 2024