Kantiinami ikiorti inuussutissalerinermut ikiortitut ilinniangalimmik.
Kantiinami ikiorti inuussutissalerinermut ikiortitut ilinniangalimmik KTI-mut, Saviminilerinermik Ilinniarfik, Nuuk
KTI, Saviminilerinermik Ilinniarfik Nuummiittoq, atuarfiup kantiinaani ikiortissarsiorpoq ataatsimik sapinngisamik pilertortumik atorfinittussamik, imaluunniit isumaqatigiissuteqarnikkut.
Pikkorissumik nutaaliullaqqissumillu sulisumik aqutsisumillu piaartumik atorfinittussamik Saviminilerinermik ilinniarfik kantiinamut pissarsiorpoq. Naleqquttumik suliamik ilinniagaqarsimasutit nerisassanik tunioraasutut kantiinamilu ikiortitut, imaluunniit inuussutissalerinermut ikiortitut.
Kalaallit Nunaanni Teknikimik Ilinniarfiup (KTI) EUD-mik ilinniartitaanerit (Saviminilerinermik Ilinniarfik) Nuummi, kiisalu EUD (Sanaartornermik Ilinniarfik), Aatsitassalerinermik aamma Ilinniarnertuunngorniarfik (GUX) Sisimiuniittut ingerlatarai.
Saviminilerinermik Ilinniarfimmi atuartut, atorfillit kiisalu pikkorissartut kantiinamit sullinneqartarput. Kantiina taaneqarsinnaavoq niuertarfiusoq kioski, kantiinami namminneq nerisassiortoqartanngimmat, nerisassalli naammasseriikkat sassaalliutigineqartarlutik.
Suliassat pingaarnerit:
- Pisiniarneq
- Niuertitsineq
- Taniineq
- Kaffiliorneq
- Kantiinami eqqiaaneq, automatinillu eqqiaaneq
- Karsip naatsorsornera
- Nioqqutissanik kisitsineq
- Pisiniarneq
- Sikaaviup/nillataartitsiviup immernera
- Kantiinami aamma kioskimi suliassat assigiinngitsut tamaasa
Suliatigut pikkoriffiit aamma piginnaasat:
- Nerisassiornermik ilinniakkamik ilinniagaqarsinnaavoq
- Inuusuttunik sullissinermik nuannarisaqartuusinnaavoq
- Nerisassat peqqinnartut assigiinngisitaartullu ilisimasaqarfigai
- Aningaasartuutinik paasisimasalik, pitsaassutsimik aamma avatangiisinut ilisimasaqarnerit
- Isumannaatsuunissamik / sullivimmi avatangiisinik qitiutitsisoq
Inuttut piginnaanerit:
- Pillagaasimannginneq
- Pitsaassutsimik pingaartitsisoq
- Sullissinissamut soqutiginnittoq aamma suliaminut aallussisoq
- Oqaatsinik marlunnik, kalaallisut aamma danskisut, piumasaqaataananili
- Aalajaatsoq aamma sulisunik allanik suleqatiginnikkusussuseqartoq
Juulimi feeriartoqassaaq atuarfiup aasaanerani matoqqanerani.
Paasissutissat sukumiinerusut pissarsiarineqarsinnaapput allaffimmi pisortamut Sofie Olsenimut telefon +299 861645 imaluunniit e-mail sool@kti.gl saaffiginninnikkut. Aammattaaq nittartagarput takuneqarsinnaavoq www.kti.gl.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job