Kammagiinni ernisoqarneranut atatillugu paarlatsissarsiorpoq
Sammisassaqartitsinermut katerisimaaqateqarnissamullu neqeroorummi Kammagiinni ernisoqarneranut atatillugu paarlatsissarsiorpoq
Sammisassaqartitsinermut katerisimaaqateqarnissamullu neqeroorummi Kammagiinni ernisoqarneranut atatillugu sulisussarsorpoq ulloq 1. november 2024 aallarnerfigalugu isumaqatigiissuteqarnikkulluunniit.
Sammisassaqartitsinermut katerisimaaqateqarnissamullu neqeroorummi Kammagiinni sullinneqartartut tassaapput inersimasut (18+) timimikkut tarnimikkullu piginnaasakitsut, tassa imaappoq assigiinngitsunik nappaatinik suussusersineqarsimasut assersuutigalugu autisme, ADHD, eqqarsartaatsikkut kinguarsimasuuneq, skizofreni, annilaanganeq assigisaalu. Kammagiinniipput immikkoortortaqarfiit pingasut. Oqilisaassinermik neqeroorut kiisalu sammisassaqartitsinermut katerisimaaqateqarnissamullu neqeroorut aammalu ilutsinni café-qarluta.
Sammisassaqartitsivimmi immikkoortortaqarfitsinnut ulloq naallugu sulisumik sulisussarsiorpugut.
Sammisassaqartitsivik ullukkut ammasarpoq akunnerullu naanerani kiisalu nalliuttuni matoqqasarpoq.
Sammisassaqartitsinermut katerisimaaqateqarnissamullu neqeroorummi Kammagiinni sulisutut atuisoq, ilaqutaasut sulisullu allat peqatigalugit sullinneqartup ulluinnarni malittarisassaqartinneqarnissaa isumagisassavat, ilaatigut sullinneqartup inuttut ataasiakkaatut iliuusissatut pilersaarutai atuisoq suleqatigalugu ataavartumik nalilersortagassat aallaavigalugu toqqissisimanermik aalajangersimasunillu najoqqutaqarnissaanik misigitinneqarnissaa isumagissallugu.
Ilaatigut sullissineq imaappoq:
∙Nammineq inigisaqarnissamut sungiusarneq, soorlu eqqiaaneq, il.il.
∙Suliaqarnissamut kaammattorneqarneq
∙Inoqatit akornanniissinnaaneq
∙Timersorneq ilaatigut timigissarluni aamma nalukkiarluni taavalu assigiinngitsunik sammisaqartitsilluni
∙Sullinneqartup soqutigisai ineriartortitsissutaasinnaasullu malillugit sammisaqartitsinerit ingerlanneqartarput
Naatsorsuutigaarput illit:
∙Isumaginninnermut tunngassuteqartunik ilinniagaqartuusutit
∙Inuit sullitavut sullikkusullugit iliuuseqarnikkut allanngueqataaffigerusukkitit
∙Kajumissuseqarlutit inuunermullu pitsaasumik isiginnittaaseqarlutit
∙Namminersorlutit sulisinnaasutit tamatigoortuullutillu
∙Aallarnisaasinnaasutit qungujunnartunillu nuannarisaqarlutit
∙Suleqatigiinni ikittuni suleqatigiinneq pingaarnerpaatillugu akuusinnaassuseqartutit
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Pingaartipparputtaaq:
∙Inunnik tarnimikkut timimikkullu piginnaasakillisimasunik sullissinermik misilittagaqartutit
∙Ineriartortitsinermut pilersaarutinik killiffissiornermullu nalunaarutinik suliaqarnermik misilittagaqartutit
∙Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
Uagut neqeroorutigaavut:
∙Aaqqissuussaanermi atorfik sunniuteqaqataanissamut periarfissaqarfiusoq innuttaasunut pitsaanerpaamik iluaqutaasussanngorlugu
∙Atorfimmi suliassanullu nammineq sunniuteqarnissamut periarfissalik
∙Kingullertut minnerunngitsumillu atuisut nuannaartut ilakkuminartullu ilinnik tikilluaqqusinissaminnut qilanaartut
Naatsorsuutigaarput oqaloqatiginninneq pissasoq sap. ak. 40-mi.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Aviaaja Olsen, oqarasuaat +299 36 69 20 imaluunniit +299 54 26 75 imaluunniit e-mail: avol@sermersooq.gl imaluunniit uunga: Tullersorti Maja Jensen, oqarasuaat +299 36 69 24 imaluunniit +299 55 03 16 imaluunniit e-mail: mjen@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 960-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 8.-at, 2024