Kalaallit Nunaanni Uumasunut Nakorsaqarfik Inuussutissalerinermullu Oqartussaaffik allaffimmiumik fuldmægtigimilluunniit atorfinittussamik pissarsiorput.
Piginnaasatit tamakkiisumik atortarusuppigit, suliassanillu assigiinngitsunik anguniagaqarfiusumik nammineerlutillu sulisarusuppit - taamaappat atorfimmik pissanganartumik neqeroorfigisinnaavatsigit.
Atorfik pillugu:
Kalaallit Nunaanni Uumasunut Nakorsaqarfik Inuussutissalerinermullu Oqartussaaffik (UNIO) Nunarput tamakkerlugu uumasunut nakorsaqarnermut inuussutissalerinermullu tunngasut tamaasa akisussaaffigai. UNIO-mi arlalinnik assigiingitsuppaalunnillu suliassaqarpoq suliassallu naammassiniarlugit ikiortissarsiorpugut.
Atorfimmut atatillugu allaffimmiusut fuldmægtigitulluunniit tamakkuninnga suliaqartartut ilagilissavatit ulluinnarni suliassavit saniatigut UNIO-p allatut ingerlanneqarsinnaaneranut siunissarlu ungasinnerusoq eqqarsaatigalugu ineriartortinneqarnissaanut peqataanissamut periarfissinneqassaatit.
Atorfimmi akisussaaffiit:
Aningaasaqarnermut tunngasunik aqutsinernut suliassat
Innuttaasunut sullissinerit aamma suliassanik isumaginninnerit, taakkulu ilagai paasissutissanik ilitsersuutinillu ingerlatitseqqittarneq eqqaaneqartumi atatillugu:
Inuussutissalerinermut atatillugu akuersissutinik qinnuteqaatit
Uumasut illersorneqarnissaat aammalu uumasut nappaataanut inunnut tunillaassorsinnaasunut tunngatillugu saaffiginnittarnerit
Uumasunik, inuussutissanik uumasunillu tammajuitsussanik nunatsinnut eqqussisarnermut nunatsinniillu annissisarnerit
Inuussutissalerisut allattorsimaffimmi paasissutissanillu nutarsaanerit.
Paasissutissanik sulianik ataqatigiissaarineq nutaarsaanerillu.
Nutsikkanik qallunaatut kalaallisullu kukkunersiuinerit.
Saaffiginissutit allakkallu naannerit qallunaatut kalaallisullu nutserneqarneri.
Suleqatinik ikiuinerit soorlu taaneqartumut atatillugu:
Kalaallisut oqarasuaatikkut saaffiginninnerni nutserinermik
Sullissinermi
Naalakkersuisumut sullissinermi
Sulinermut atatillugu billetsinik unnuiffissanillu inniminniinermi
Il.il.
UNIO pillugu:
Aaqqissugaaneq eqqarsaatigalugu Nuummi allaffeqarpugut immikkoortoqarfimmi pingaarnermi katersuuteqqalluta. Tamatuma saniatigut uumasut nakorsaa aamma Ilulissani inissisimavoq. Kalaallit Nunaat tamaat, susassaqarfitta iluani isumagisassat isumagisarpagut soorlu uummasoqarneq, uummasunik illersuineq, uumasut peqqinnissaat, nappaatit inuit uumasullu akornanni tuniluussinnaasut, inuussutissalerisunik nakkutilliinerit siunnersuinerillu, uumasunik toqoraanerup nalaanni nakkutilliineq, allanillu oqartussaaffitta ataani suliaqartarluta, soorlu naalakkersuisumik innuttaasunullu sullissinerit, killeqarfinnilu nakkutilliinerit il.il.
Nuummi inissisimalissaatit ulluinnarnilu suliassat UNIO-mi ingerlanneqartartunut peqataassallutit suliffeqarfimmi eqeersimaarfiusumi suliassallu ingerlaavartumik takkussuuttartumi. Tassanilu Uu-masut Nakorsaqarfia Inuussutissalerinermullu Oqartussaaffimmi immikkoortortaqarfimmi pisortamut ulluinnarni attaveqartassallutit.
Ilinnut tunngasut:
Allaffimmiusut assingusumilluuunniit misillittagaqassaatit tunngaviusumilluunniit ilinniagaqarsimassaatit.
Suliffik nuannaralugu suliffigisinnaassagukku makku pingaaruteqarput:
tamakkiisumik isiginnissinnaassuseqarnissat, aaqqissuussamik sulisinnaassuseqarnissat suliassannillu pilersaarusiorluarsinnaassuseqarnissat.
suleqatinik, innuttaasunik oqartussanillu allanik suleqateqarluarsinnaassuseqarnissat.
nammineerluni sulisinnaassuseqarnermik nuannarisaqassaatit pisuni ilungersunartorsiorfiusuni eqqarsarluarsinnaassuseqassallutillu.
Allattariarsornikkut oqaatsitigullu paasiuminarsaallaqqissuussaatit.
Oqalunnermi allannermilu kalaallisut qallunaatullu oqaatsit piginnaasaqarfigissavatit.
Oqartussat aqutsiveqarfiani suliaqarnermik misilittagaqaruit iluaqutaassaaq.
Immikkoortortaqarfimmi inussiarnersumik pitsaasumillu imminnut oqaluuttarfiusumi isumagissaarneq pingaartinneqarpoq.
Piffissaq suliffiusussaq sapaatip akunnerata ilaani tamakkiisuunngitsumik imaluunniit sapaatip akunneranut nalunaaquttap akunnerinik 40-nik sivisussuseqarsinnaavoq.
Paasissutissat allat
Atorfik pillugu sukumiinerusumik paasisaqarusukkuit Uumasut nakorsaanermut Anna Jespersen-imut oqarasuaat +299 345353 / +299 566231 imaluunniit allagaqarlutit uunga uumasut@nanoq.gl
attaviginissaanut tikilluaqqusaavutit.
Kalaallit Nunaat Namminersorlutillu Oqartussat annerusumik paasisassarsiorfiginiarukkit uani takukkit www.naalakkersuisut.gl
Qinnuteqaat
Qinnuteqaat Naalakkersuisoqarfiup tigoreersimassavaa kingusinnerpaamik 25. september 2024. Atorfinitsitsinissamut oqaloqatiginninnissat ataavartumik ingerlanneqassapput attaveqaatit atorneqarsinnaallutik taamatullu atorfinitsitsineq ataavartumik pisinnaalluni.
Ulloq atorfiniffissaq tassaavoq 1. oktober 2024 isumaqatigiissuteqarnikkulluunniit piaartumik.
Kalaallit Nunaanni Namminersorlutik Oqartussat pillugit nalinginnaasumik paasissutissat.
Kalaallit Nunaanni Namminersorneq ulloq 21. juni 2009-mi atuutilerpoq. Namminersorlutik Oqartussat tassaapput Qitiusumik Allattoqarfik (QA), 650-it missaanik sulisulik naalakkersuisoqarfinnut qulingiluanut aqutsisoqarfinnullu arlalinnut agguataarsimasoq. Katilluta inuit 2500-t sinnerlugit Namminersorlutik Oqartussanut atassuteqarpugut.
Qitiusumik Allattoqarfimmi suliassarput pingaarnerpaaq tassaavoq, Naalakkersuisut (Naalakkersuisoqarfiit) aalajangernissaannut tutsuiginartumik tunngavissinnissaat aalajangikkallu piviusunngortinnissaat. Suliniuteqarfinnut tunngasutigut pingaartigaarlugu salliutitaq tassa, pisortat sullissineranni innuttaasunik qanimut suleqateqarnissap sanarfinerani, innuttatsinnut 56.800-iusunut tamanut annguttussamik siuttuunissarput
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.