Kalaallit Nunaanni Unicef tamatigoortumik sulisussarsiorpoq

Tunuliaqut 

Suliniut, anguniakkap angunissaanut namminersuutigalugu isumannaatsumik aqussinnaaviuk? Suleqatigisannut attavinnik pitsaasunik kinguneqarluartussanillu pilersitsisinnaavit? meeqqat inuusuttullu pisinnaatitaaffiisa, nalerisimaarnissaasa siunissaasalu suliniuteqarfiginissaat soqutigilluinnagaraajuk?

Suliniutinut aallateriikkanut isernissaq kajungeraajuk suliniutinillu nutaanik inerisaanissaq peqataaffigerusuppiuk?

Taava illiusinnaavoq UNICEF-ip Kalaallit Nunaanni immikkoortuani suleqatitaassarput.

Kalaallit Nunaanni Unicefimi suliniuterput pissanganartoq tassaavoq Ataatsimoorluta Aalasa, ilaatigut meeqqanut inuusuttunullu nunatsinni sunngiffimmi peqatigiiffinnilu ataatsimoornernik toqqissinartunik peqataatitsisunillu pilersitsinissaq siunertaralugu, Timersoqatigiit Kattuffiannut Paarisamut, Innuttaasut Peqqissusaannik Ilisimatusarfimmut KNI-mullu qanimut suleqatigiissutaasoq.

Suliniut aallartilluareermat, suliassat suussusaat nassuiarneqareersut piviusunngortinneqartussaapput, suliniummi Kalaallit Nunaannilu Unicefimi inerisaanermut atatillugu suliassat pissanganartut utaqqipput.

Allaffipput periarfikitsunnguummat, aaqqissuussaanikkut inissisimaffinni qaffasissutsit arlaqanngillat sulianillu ingerlatsinerni ikioqatigiittarluta. Taamaalilluni atorfimmi tassani allaffisornermut tunngasunik, sulianik nalinginnaasunik kiisalu attaveqatigiinnermut tunngasunik ass. inuit attaveqatigiittarfiini allagarsiinernik, inerisaanermullu tunngasunik aamma suliassaqassaaq.

Illit 

Siullertut pingaarnertullu inummik kajumissusilimmik, nukissalimmik sulerusussusilimmillu pissarsiorpugut. Suliassat tamatigoortuupput- ataatsimut annikitsortaanillu isiginnissinnaassuseqarneq piumasaqaataalluni.

Namminersorsinnaavutit namminerlu piumassutsinnik suliniartuullutit. Attaveqaqatigiinneq- siulersuisuni siulittaasuuppat, sungiusaasuuppat meeraappat inuusuttuuppallu-piginnaaneqarfigaat. Kalaallit, danskit tuluillu oqaasiisa allattariarsornikkut oqaatsitigullu piginnaaneqarfiginissaat iluaqutaalluinnassaaq.

Atorfimmut piukkunnartoq naapertuuttumik ilinniagaqarpoq, tamatumalu saniatigut:

• Ass. suliniutinut ataqatigiissaarinermik suliaqarsimasutut imal. qaffasissumik ilinniagalittut atorfeqarsimanermut uppernarsaatissaqarluartumik misilittagaqarluartuussaaq.
• Paasissutissanik ingerlatitseqqiinermut piginnaaneqarluartuussaaq suleqatigiissitsinernillu ingerlatsinissaq saqqummiussinerlu sungiusimassallugit
• Akimuilluni suleqatigiinnermik misilittagaqartuussaaq.
• Meeqqat pisinnaatitaaffiinut tunngasunik ilisimasaqarneq iluaqutaassaaq
• Inuiaqatigiinnut attuumassutilinnut nunatsinnilu peqatigiiffilerinermik paasinnittuussaaq
• Suleqataalluartuussaaq, sulianik ingerlatsinerup eqaatsumik ingerlanissaanut suleqataasoq.

Neqeroorutigut:

- Suliffik isumalik

- Suleqatitsialaat sullivimmilu avatangiisit pitsaasut

- Sulinermi atugassarititaasut eqaatsut

- Nunani tamalaani suliffeqarfimmi suleqataalerneq

Tunngaviusumik sap. ak. nal. ak. 40-t suliffiusarput. Atorfininnermut atatillugu angalasarnissaq annertujaarpoq.

Paasissutissat sukumiinerusut: 

Atorfik pillugu annertunerusunik paasisaqarusukkuit UNICEF-ip Kalaallit Nunaanni allaffeqarfiani suliniutinut pisortaq Tina Dam, mailikkut: tdam@unicef.dk imal. oqarasuaatikkut: +299 273552 attavigisinnaavat.

Atorfiniffissaq: 

1. marts 2025 imal. immikkut isumaqatigiissuteqarnikkut.

Qinnuteqarfissaq 

Qinnuteqarfissaq kingulleq 22. januar 2025

Qinnuteqaat, CV allakkiallu allat, ass. soraarummeernermut uppernarsaatit allakkiallu naapertuuttut allat nassiunneqassapput kingusinnerpaamik januaarip ulluisa 22-ianni 2025.

Atorfik inissamik neqeroorfiunngilaq. Isumaqatigiissut atuuttoq naapertorlugu akissarsiaqartoqassaaq. Unicefip napparsimalernermi nakorsartissinnaanermut sillimmasiissut sulisuminut neqeroorutigaa. Meeqqanik pinerliisimannginnermut uppernarsaateqarneq Unicefimi atorfininnissamut piumasaqaataavoq.

UNICEF

UNICEF, nunarsuarmi meeqqat aniguinissaannik inuunerminnilu iluatsinnissaannik isumaginnittussatut, nunarsuarmi nunanit tamanit siuttunngortinneqarpoq. UNICEF nunarsuarmi meeqqat tamaasa – sanngiiffeqarnerilli immikkut ukkallugit- sullissivoq. FN-ip meeqqat pillugit isumaqatigiissutaat tunngaviuvoq, suliniuteqarnerlu tamarmi nammineq piumassutsimik tunissutinik pisariaqartitsilluni. UNICEF tassaavoq naalakkersuisut allaffiini meeqqat nipaat, sumi najugaqaraluarunilluunniit ikiortissaat sorsunnernilu ajornerpaani ajunaarnersuarnilu inuunerannik annaassisussamik ikiueqqaartussaq. Meeqqat naartuuneranniit inersimasutut inuulernissaat tikillugu inuunerannik annaassisarpugut. Paasissutissat annertunerusut ukunani pissarsiassaapput: www.unicef.dk & www.unicef.gl.