Kalaallit Nunaanni timitalittut pilersaarusiorlunilu nunaminertanik aqutsinermut allaffissorfimmi aamma periusissialikkatut toqqammaviit tapersersornissaannut aamma ineriartortinnissaannut peqataarusuppit?
Kalaallit Nunaanni timitalittut pilersaarusiorlunilu nunaminertanik aqutsinermut allaffissorfimmi aamma periusissialikkatut toqqammaviit tapersersornissaannut aamma ineriartortinnissaannut peqataarusuppit?
Kalaallit Nunaanni najugaqartiterneq, aamma inuussutissarsiorfiit ilusaat assut sukkasuumik allanngoriartorput, kommunillu nunaminertanik aqutsinerinut timitalikkut pilersaarusiugaanerannut, aamma allaffissornermut toqqammaviit pitsaassusaannut nutaanik piumasaqaatissiipput. Taamaattumik Nuna tamakkerlugu pilersaarusiornermut Allaffimmut marlunnik sulisussarsiorpugut, taakkulu kommunini, aamma Namminersorlutik Oqartussat iluini siunnersuinermik, pitsaassutsinik qulakkeerinernik, aamma nakkutilliinertut suliassanik ilalersuuteqarsinnaapput. Illit isumassarsiatit aamma misilittakkatit naleqartitaallutik ilanngussuisutut avatangiisuni sulinissaq kissaatigissagukku atorfik manna immaqa ilinnut naleqqutissaqqoorpoq.
Misilittakkat aamma piginnaasat apeqqutaallutik chefkonsulentitut, specialkonsulentitut, imaluunniit AC-fuldmægtigitut atorfinitsitaanissamut periarfissaqarpoq. Qinnuteqartumut eqqortumut allaffimmi pisortatut atorfininnissaq ajornanngippat oqaluuserineqarsinnaavoq.
Suliassanni ilaatigut makku ilaassapput:
Kommunit pilersaarusiornerannik, aamma nunaminertanik aqutsinerannik siunnersuineq, nakkutilliineq aamma pitsaassutsikkut qulakkeerinninneq
Timitalittut pilersaarusiornermut aamma nunaminertanik aqutsinermut, kiisalu suliassaqarfimmi malittarisassianik allaffissornikkut aamma digitaalikkut ingerlattakkanik ineriartortitsinerit aamma nutarterinerit
Nuna tamakkerlugu timitalittut pilersaarusiornermut (immikkoortortanut pilersaarutit pillugit) periusissialikkatut suliaqarnermik ineriartortitsineq aamma paasisitsiniaaneq
Innuttaasunit, suliffeqarfinnit aamma kommuninit saaffiginnissutinik suliaqarnerit, ilanngullugit kommunit aalajangiussaqarneri pillugit naammagittaalliutinik suliaqarnerit
Politikkikkut kiffartuussineq, kiisalu oqartussaqarfinnut allanut siunnersuisarnerit.
Piginnaasat kissaatigisat
Illoqarfimmik pilersaarusiortutut, illuliassanik titartaasartutut, civilingeniøritut, geografitut, inatsisilerituutut imaluunniit assingusutut, ajornanngippallu piumasaqaataanngitsumik ukiumik ataatsimik, imaluunniit arlalinnik misilittagaqartutut attuumassutilimmik nangitsilluni ilinniagaqartoq ujarpatsigit.
Piginnaasat makku pingaartuutippavut:
Timitalittut pilersaarusiornermik suliaqarnissamik assut soqutiginnittoq, aamma imminik pikkorissarnissamik kissaateqartoq
Paasissutissanik aamma aaqqiissutinik paasisimasaqarluartoq – ajornanngippat GIS-imik misilittagalik
Nunaminertanik aqutsinermik, aamma sulianik isumaginnittarnermik nalunngisalik
Kalaallit Nunaanni najugaqartiternernik aamma attaveqaassersuutinik nalunngisalik
Politikkikkut aqutatut aaqqissuussiffimmik suliaqarnermik paasinnittoq
Allattariatigut, oqaatsitigut, ajornanngippallu grafiskimik attaveqaqatigiillaqqissoq
Ajornanngippat marlunnik oqaatsinik piginnaasalik (kalaallit/danskit oqaasii)
Inuttut piginnaasat
Ingammik imatut ittuunissat naleqartipparput:
attaveqarfitsialannik pilersitaqarsinnaasoq, aammalu suliassanik iluarsiinissamut suliatigut piginnaanillit allat ilanngunnissaannik paasinnittoq
suliniutinut aamma suliassanut tamakkiisutut isiginniffigisaqarluni tikitaqartartoq
innarlerniagassaanngitsoq, aammalu politikkikkut ingerlataqartarnernik ataqqinnittoq
suliatigut piginnaanilikkuutaanik amerlasuunik suleqateqarsinnaasoq
suleqatigiittoqarfinnik isiginniffeqartoq
kinguneqartussamik isumaliutilik, aammalu suleqatigiinnerup kajungilersitaa
ataatsimut isiginniffimmik attassisinnaasoq, allaat ullut suliffiit ilaatigut assut ulapaarfiugaluartut.
Immikkut ilisimasaliussanerit aalajangiisuunngilaq. Suleqatigiinnut ingerlatsiffitsinnut misilittakkat sorliit aamma siumut isiginniffissat ilalersuutigisinnaasatit alapernaappagut.
Uagut pilluta
Aningaasaqarnermut Akileraartarnermullu Naalakkersuisoqarfimmi Inatsisilerinermut & Nuna tamakkerlugu pilersaarusiornermut immikkoortoqarfimmi Nuna tamakkerlugu pilersaarusiornermut Allaffik ilaavoq. Pilersaarusiorneq aamma nunaminertanik atuineq pillugit Inatsisartut inatsisaat najoqqutaralugu Namminersorlutik Oqartussat suliassaannik allaffik isumaginnittuuvoq. Maannakkut allaffimmi ataatsimik atorfeqartoqarpoq, inunnulli pingasunut inuttaqartilerlugu allineqarnissaa naatsorsuutigaarput.
Ukiuni takkuttussani timitalittut (nuna tamakkerlugu) pilersaarusiornerup, aammalu immikkoortoqarfiusut aamma kommunit akornanni ataqatigiissaarinerup nukittorsarnissaat allaffiup sammisariniarpai.
Immikkoortoqarfimmi killeqarfiit qaangerlugit suleqatigiiffitsialalimmik sulianut tunngasutut avatangiisunik nukittuunik peqarpugut. Piginnaasaqarfiit sulianut tunngasut assigiinngitsut akornanni sunniivigeqatigiinneq suliatsinni pitsaassutsimik qaffasissutut inissisimasumik qularnaarivoq, akuttunngitsumillu naalakkersuisoqarfiit allat, kommunit, aamma suliffiup avataani soqutigisaqaqatigiit qanimut suleqatigineranni aamma oqaloqatigineranni ilaagajuttuuvugut.
Aningaasarsiat, aamma atorfinitsitaanermi pissutsit
Sulinerup nalaa sapaatip akunnikkaani nal. akunnerinik 40-nik sivisussuseqarpoq.
Aningaasarsiat, aamma atorfinitsitaanermi atugassarisat atorfiniffiup nalaani Namminersorlutik Oqartussat aamma pineqartup isumaqatiginninniarsinnaatitaasutut kattuffiata akornanni isumaqatigiissut atuuttoq najoqqutaralugu.
Kissaatigissagukku atorfiup suussusaa, atorfinitsitaanissamut inissinneqarfissatut kissaatigisat qinnuteqaatinni nalunaarsinnaavat.
Kandidatitut ilinniagallit aallaaviatigut AC-fuldmægtigitut atorfinitsitaasarput. Kandidatit attuumassutilinnik ilinniagaqarsimasut, kiisalu ikinnerpaamik ukiunik pingasunik sivisussusilinni pingaarutilittut attuumassutilinnik misilittagallit ajornanngippat specialkonsulentitut atorfinitsinneqarsinnaanissaat pisinnaavoq. Kandidatinut annertuumik attuumassutilimmik ikinnerpaatut ukiunik arfinilinnik sivisussusilimmik misilittagallit ajornanngippat chefkonsulentitut atorfinitsinneqarsinnaanissaat pisinnaavoq. Piginnaasat aamma misilittakkat apeqqutaallutik ajornanngippat allaffimmi pisortatut atorfinitsitaaneq oqaluuserineqarsinnaavoq.
Suiaassutsit, inuiaassutsikkut tunngavigisat, upperisat, imaluunniit innarluuteqarnerit apeqqutaatinnagit Naalakkersuisoqarfiup naligiissitaanerup siuarsarnissaa kissaatigaa. Taamatuttaaq inuunikkut misilittagaqarneq, aamma inuttut perorsimassuseq iluaqutaasutut isigaagut.
Annertunermik paasissutissat
Atorfik pillugu annermik paasisaqarusussaguit Ingrid Mølgaardip attaviginissaanut tikilluaqqusaavutit, oqarasuaatikkut +299 346713 imaluunniit mailikkut: inml@nanoq.gl imaluunniit Morten W. Selvejer oqarasuaatikkut +299 346528 imaluunniit mailikkut: mws@nanoq.gl.
Qinnuteqarnermut killissaq aamma atorfinitsitaaneq
Qinnuteqarnermut killissaq tassaavoq ulloq 10. januar 2025. Atorfinitsitsinissamut oqaloqatiginninnerit 2025-mi januaarip qeqqani ingerlanneqarnissaat naatsorsuutigineqarput.
Atorfinitsitaaffik tassaavoq ulloq 1. marts 2025, imaluunniit isumaqatigiissutaasoq malillugu.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.