Kalaallit Nunaanni Politiit politiit angallataannut Nuummiittumut NAKUAQ-mut aquttussarsiorpoq, taannalu Nuummi politeeqarfimmi sulisutut aamma atuuffeqassaaq.

Kalaallit Nunaanni Politiit politiit angallataannut NAKUAQ-mut, Nuummiittumut, aquttussamik piumassuseqarluartumik pikkorissumillu ujaasipput.

Piffissap suliffiusup 2/3 missaa umiarsuarmi suliassanut atorneqartassasoq naatsorsuutigineqarpoq, suliassallu pingajorarterutaat politeeqarfimmi suliassanut atorneqartassalluni.

Suliffeqarfiuvugut pissanganartoq nutaanik unammilligassaqartuartoq. Sulinermi avatangiisit pitsaasut, suliamut tunngasunik ilisimasaqarneq, sullarissuunissaq piffissarlu eqqorlugu suliartortarnermik pingaartitsisut.

Aamma suliffimmi ataqatigiilluarneq inuttut ineriartornissamut periarfissaqarluartoq neqeroorutigaarput.

Atorfik pillugu:

Suleqatitta nutaap politiit angallataannik aqutsinerup saniatigut Nuummi Politiit suliassaannik allanik suliaqartassaaq.

Politiit angallataat ukunannga suliaqarnermut atorneqartarpoq:

• Suliffimmi sakkuni atuinissamik assartuinermut, ikiuiniarnermi, tikeraat angallanneqartarnerannut, atortunik angallassinermut, sungiusarnermut, imaatigut isumannaallisaanermut tunngasunik paasissutissiinermut politiillu suliaqarnerannut angallat atorneqartarpoq.

• Nunaqarfinnut tikeraarnermi, allaffissornikkut politiillu suliassaannik suliaqarnermi, politiit angallataat atorneqartarpoq.

• Aammattaaq politiit angallataat SAR-imik (ujaasinermik annaassiniarnermillu) suliaqarnermi politiit pisariaqartinneqarfianni ikiuiniarnermi angallat atorneqartarpoq.

• Aammattaaq allaffissornikkut oqaluussinerit, nutserinerit, assiliinerit, allakkanik nassiussinerit, allakkanik poortuinernut assigisaannullu tunngasunik, imaluunniit tigummigallakkanik ingerlassinerit, eqqartuussivinni paarsinerit, pigisanik kisitsinermi nalunaarsuinermilu, pedelit suliassaat (pærinik taarsersuineq, allaffimmut atortunik immersineq il.il.) eqqiaanerillu suliassat ilagaat.

Suliassat qulaaniittut pineqartillugit politiit angallataannut nutaanut ilaannikkut angalanissat pisinnaasassanngillat angallatillu aserfallatsaaliorsinnaasassanagit, nunamili suliassat eqqaaneqartut suliarisartussaallugit.

Illit pillutit:

Tunniusimasumik ulluni allanngorartuni sulisinnaasumik suleqatissarsiorpugut.

Inuussutissarsiortutut misilittagaqarnissat suliassallu ataani eqqaaneqartut naammassisinnaassagitit naatsorsuutigaarput.

Naleqartitavut pingaartissagitit naatsorsuutigaarput, tamattaallutalu inuiaqatigiinnik toqqissisimatitsissaagut.

Angallat marlunnik inuttaqartussatut akuerisaavoq. Inuttat tamarmik aquttutut pisinnaatitaapput, minnerpaamillu uku naammassisimassallugit:

· Umiartorsinnaanermut allagartaq umiarsuarnut niuerutinut atuuttoq

· GMDSS-imi radiomik ingerlatsisutut allagartaqarneq, minnerpaamik LRC (Ungasissumut attaveqarnermut allagartaq)

· Angallammi napparsimasunut katsorsaasinnaanermut allagartaq B

· Umiartortunut aalisartunullu peqqissutsimut uppernarsaat

· Nakorsamit peqqissutsimut misissortissimanermullu uppernarsaat: Angallannermut aqutsisoqarfik www.dma.dk

· Motoorimik iluarsaassinermut allagartaq

Akissarsianut atorfinitsitaanermullu tunngatillugu atugassarititaasut:

Akissarsiaqarneq ilinniagaqarneq, pisinnaasat aamma aningaasaqarnermut ministereqarfiup suliffeqarfiullu pineqartup akornanni isumaqatigiissut malillugu aalajangerneqartarput.

 Atorfeqarnermi ini periarfissaavoq. Illit nammineq qularnaveeqqut, attartornermut akiliutit aningaasartuutillu allat nammineq akilissavatit.

Pisattat nassiunneqarnerat atorfininnermullu atatillugu angalaneq maleruagassat atuuttut naapertorlugit akilerneqartarput. Nuummi najugaqareeruit utaqqiisaasumik inissamik tunineqassanngilatit.

Kalaallit Nunaanni Politiit januaarip aallaqqaataani 2024-miit pujortartarfiunngitsumik nikotinatorfiunngitsumik suliffeqarfeqalernikuupput.

Attaveqarfissaq qinnuteqaammillu nassiussivissaq:

Atorfiup imarisai, atorfinitsitsinissamut piumasaqaatit allalluunniit pillugit apeqqutissaqaruit politiit pisortarigallagaannut, Johan Knudsen Westen, oqarasuaat 567204 sianerlutit paasiniaasinnaavutit.

 Politiit pillugit paasisaqarnerorusukkuit nittartagarput www.politi.dk alakkaruk, tassanilu aamma qinnuteqaatit nassiussinnaallugu.

 Politiini atorfimmut qinnuteqaruit atorfinitsitsinermut atortutsinnut nalunaarsorneqassaatit. Politiini arlalinni suliffissarsioruit qinnuteqaatit CV-llu tamatigut ilannguttassavatit. Taamaattumik allamik atorfininnissannut qinnuteqaraangavit allakkat qinnuteqaatinni ilanngussimasatit peertassanngilatit. Aatsaat itigartinneqarsimasuit allagartat qinnuteqaammiittut peersinnaavatit. Qinnuteqaatit atsersorneri atorfimmut qinnutigineqartumut tulluarsarnissaat kaammattuutigaarput. Qinnuteqaatit CV-llu saniatigut soraarummeersimanermut uppernarsaatit ilanngutikkit. Allakkat nassiunneqartut tamarmik pdf-iussapput.

Piumasaqaatinik naammassinnissinnaasut tamaasa qinnuteqarnissaannik kaammattarpavut. Suiaassuseq, ukiut, ammip qalipaataa, upperisaq inuiaassuserluunniit apeqqutaatinnagit.

 Qinnuteqarfissamut killigititaq:

Qinnuteqarfissaq ulloq kingulleq tassaavoq januaarip 31-at 2025.

 KALAALLIT NUNAANNI POLITIIT

Ataatsimut toqqissisimatitsivugut

 GRØNLANDS POLITI

Sammen skaber vi trygheden