Kalaallit Nunaanni Namminersorlutik Oqartussat Akileraartarnermut Aqutsisoqarfik, Akileraaruserinermut akitsuuserinermullu siunnersortissarsiorpoq.
Akileraartarnermut Aqutsisoqarfimmi, Akileraaruserinermut akitsuuserinermullu ulluinnarni ulapaarfiusartumi peqataarusussuseqartumik, Sisimiuni sullissivimmut suleqatissarsiorpugut.
Sullissivimmi 21-iulluta suleqatigiiuvugut illoqarfinni arfiniliusuni siammarsimalluta. Akileraartarnermut Aqutsisoqarfiup suliassaanut tamanut saaffiginnittarfimmi suliaqartarpugut.
Akileraaruserinermut akitsuuserinermullu siunnersortissap ulluinnarni pingaarnertut suliassarivai innuttaasut sullissivianni saaffiginnittulerinerit.
- Innuttaasut suliffeqarfiillu e-mailikkut, oqarasuaatikkut ornigullutilluunniit saaffiginnittut kiffartuuttarneri.
- Avammut aqutsisoqarfiullu iluani eqqortumik pitsaasumillu paasititsisarnissaq qulakkeerinneqataaneq.
- Siumoortumik immersuinerit, allannguinerit, Skattekortinik tunisinerit, Tunisinermut akileraarutit allagartaat il. Il.
- Akissarsiortut nammineerlutik nalunaarsugaannik misissuinerit, soorlu akileraarusiineq.
Sullissivimmi nalinginnaasumik makkununnga saaffiginnissutit suliarisaqartarpugut.
- Akileraarutit
- Akiliisitsiniartarnerit
- Nioqqutissanik eqqussuinernut akileraarutit
- Sulisitsisunik nalunaarsuutit, allallu.
- Suliunnaarnermusianut tunngasut
Pisinnaasaqarfiit piginnaasaqarfiillu:
- NI-tut, NI 2-tut, EVU, Efg-tut assigisaannilluunniit ilinniagaqarputit.
- Qarasaasiamik atuisinnaasuussaatit.
- Namminersorlutit, pimoorussillutit akisussaaffeqarluartumik sulisinnaassuseqarputit.
- Sullissinermi nuannarisalik.
- Kalaallisut/danskisullu marlunnik oqaaseqassaatit.
Atuisunik oqarasuaatikkut sullississallutit kajungerissavat. Nutaanik ilinniagaqassallutit soqutigissavat suliassanillu nutaanik suliaqassallutit akunnattoorfigissanagu. Atorfinitsitsinermut atatillugu suliassanut qulaani taaneqartunut ilinniartinneqassaatit. Ataatsikkut arlalinnik suliaqassallutit sapinngisarissavat, akisussaaffeqarsinnaallutillu pilersitsiniarsinnaassallutit, kiisalu aamma suleqateqallaqqissuussallutit, suleqatigiinni assigiinngitsunik sulianut tunngasutigut piginnaasalinnik suleqateqarsinnaassallutit.
Atorfik pillugu annertunerusumik paasissutissat Allaffimmi Pisortaq Linda Brandt-imut saaffiginninnikkut piniarneqarsinnaapput Oqarasuaat toqqaannaartoq 34 65 01, e-mail: libr@nanoq.gl.
Atorfik aallartiffigineqarsinnaalissaaq 1. december 2024-miit isumaqatigiissuteqarnikkulluunniit.
Atorfik Sisimiuni Akieraartarnermut Aqutsisoqarfimmi inissisimavoq.
Qinnuteqaat ilinniarsimasanut, siusinnerusukkut atorfigisimasanit oqaaseqaatit soraarummeersimanermut uppernarsaatit allallu qinnuteqaammi ilanngunneqassapput ”Qinnuteqarit” toorlugu.
Qinnuteqaat Akileraartarnermut Aqutsisoqarfiup tigoreersimassavaa kingusinnerpaamik ulloq 20. November 2024.
Qinnuteqaatit mail-ikkut nassiussat tigusinnaangilagut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job