Kalaallit Nunaanni Aalisarsinnaanermut Piniarnermullu Nakkutilliisoqarfik Kontorfuldmægtigimik sulisussarsiorpoq
Kalaallit Nunaanni Aalisarsinnaanermut Piniarnermullu Nakkutilliisoqarfiup (KANUAPNA-p) aalisarnermik, piniarnermik aallaaniarnermillu nakkutilliineq alapernaarsuinerlu ingerlatarai. KANUAPNA´p pingaarnertut anguniagaraa Kalaallit Nunaanni Namminersorlutik Oqartussat aalisarnermik inatsisaat, tamatumani ilanngullugit nunanik allanik isumaqatigiissutini malittarisassat atuutilersinneqartut imaluunniit nunat tamat akornanni kattuffinnut Kalaallit Nunaata peqataaffigisai, imaluunniit aalisarnermik ingerlataqarneq pillugu nunat tamat akornanni isumaqatigiissutinik atuutsitsilerneq eqqortinneqarnissaat qularnaassallugu.
Atorfik pillugu
Kontorfuldmægtig-itut atorfimmi ullut ilaanni ulapinneq ullullu ilaanni suliassat ikinnerusut misigisassavatit.
Kontorfuldmægtigitut atorfik aqutsinermut pilersaarusiornermullu tunngassutilinnik kiisalu attaveqaqatigiinnissamut piginnaasaqarluarnissamik piumasaqaateqarpoq.
Atorfik pingaarnertut suliassanik makkunannga imaqarpoq.
- Tunitsivinnut, pisiortortunut umiarsuaatileqatigiiffinnullu attaveqarneq,
- nukingisaarutinik il.il. allakkiorneq.
- Tunisiviit nassiussaat qarasaasiamut nuullugit.
- Sinerissap qanittuani aalisarnermi umiarsuup allattaaviinik aamma tunisinermi paasissutissanik suliaqarneq qarasaasiamullu immiussineq.
- Qarasaasiamut immiunneqartut pitsaassusaannik paasissutissallu tatiginassusaannik misissuineq.
- Qaammatit tamaasa aningaasaqarnikkut tunngasunik nalunaarsuineq
- Oqarasuaat pigaartuunermi angallattagaq, tulleriiaarnermi tigumminnittooqataasarnissaq
- Suliassat siunertaqartut piffimmi aaliangersimasumi suliassat
Piginnaasat
Inuussutissarsiutinut ilinniagaq naleqquttoq ilinniagarluunniit alla naleqqiunneqarsinnaasoq imal. aamma allaffissornermik suliffimmik misilittagalik.
Tamanik takunnissinnaassaatit, aamma piffimmi ulapiffiusuni nukinginnartunillu suliaqarfinni.
Kalaallisut danskisullu oqalussinnaassaatit allassinnaassallutillu. Oqaluttariarsornermi allattariarsornermilu paasinartumik attaveqaqatiginnissinnaassaatit. Tuluttoorsinnaalluarneq iluaqutaassaaq.
Naatsorsuutigaarput illit:
- Kisitsisinik paasisimasaqarluartuusutit
- Peqqissaarlutit naqiterisinnaasutit
- Misissueqqissaarsinnaasutit aaqqissuussillaqqissutillu
- IT atorlugu sulerususseqarsinnaassaatit atuisutullu Microsot Officemi programmit atorsinnaallugit Qarasaasialerinermik pingaartumillu paasissutissanut katersuivinnut piginnaasaqartutit
- Attaveqaqatigiinnermut suleqatigiinnermullu piginnaasaqarluartutit
- Kalaallisut danskisullu erseqqissuliullaqqissuusutit
- Pisortaqarfimmi allaffissornermik misilittagaqartutit Neqeroorutigisinnaavagut:
- Suliffik ulapaarfiusoq ineriartorfiusorlu
- Suleqatit pimoorussisut kajumissusillillu
- Suliffeqarfik aqutsisut sulisullu akornanni aqqaveqaqatigiilluarfiusoq
- Allaffeqarfik nuannersoq Illit pillutit: Sullissisinnaanissat, kiffartuussilluarsinnaanissat, ikiuukkusussuseqartuunissat ulluinnarnilu nuannaartuunissat aamma pingaartippagut. Aaqqissuussamik sulisinnaassuseqassaatit suliassanillu pitsaasunik piffissaliussap iluani tunniussisinnaanissat natsorsuutigineqassaaq. Aamma pingaartipparput pisariaqaraangat qaavatigut immikkut suliaqarususseqarnermik takutitsisinnaassasutit.
Kalaallit Nunaanni inuiaqatigiinnik ilisimasaqarnissat inuiaqatigiinnilu pissutsinik paasinnissinnaanissat kissaatigaarput.
Kalaallit Nunaanni Aalisarsinnaanermut Piniarnermullu Nakkutilliisoqarfiup kaammattorusuppai soqutiginnittut tamarmik qanorluunniit tunuliaqutaqaraluarlutik atorfimmut qinnuteqaqqullugit.
KANUAPNA pillugu:
KANUAPNA Nuummi qullersaqarfeqarpoq nunallu immikkoortuini pingasuni Sisimiuni, Ilulissani Nuummilu allaffeqarpoq. Qullersaqarfimmi sulisut 16-iupput taakkulu immikkoortortani ukunani aaqqissugaallutik: Sulisoqarnermut immikkoortortaqarfik, Allaffissornermut Aningaasaqarnermullu immikkoortortaqarfik, It-mut Nunat tamat suleqatigiinnerannut immikkoortortaqarfik taavalu Nakkutilliinermut immikkoortortaqarfik, aalisarnermik alapernaarsuisunik sulisunik aamma nunap immikkoortuini allaffiit aalisarnermik piniarnermillu nakkutilliisunik aqqanilinnik piniarnermillu nakkutilliisunik sulisullit.
Atorfininnissaq
Sapinngisamik piaartumik inuttaleerusuppugut imaluunniit isumaqatigiissuteqarneq tunngavigalugu.
Atorfimmut tunngasumik paasisaqarnerorusukkuit HR-chef Malina Nørskov, attavigisinnaavat toqqaannaq normumut 345361 imal. Mail-imut manv@nanoq.gl
Qinnuteqarfissaq
Ulloq qinnuteqarfissaq kingulleq: 10. November 2024
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job