Ittoqqortoormiini illoqarfimmi ingerlatsisoq
Kommuneqarfik Sermersooq / Suliffeqarfiup iluani Kiffartuussivik / Innuttaasunik Kiffartuussivik / Ingerlatsineq Avatangiisillu
Ittoqqortoormiini illoqarfimmi ingerlatsisoq
Nukissaqarluartumik illoqarfimmi ingerlatsisussarsiorneq
Innuttaasunut nuannaarutaasunik kaammattuutaasinnaasunik siuarsaataasinnaasunillu pilersaarusiorlutillu sammisassaqartitsisinnaassuseqarpit?
Kommuneqarfik Sermersooq Ittoqqortoormiini illoqarfimmi ingerlatsisumik tunniusimasumik pissarsiorpoq ulloq 1. decembari 2024 isumaqatigiissuteqarnikkulluunniit atorfinittussamik.
Atorfiup imarisai:
Ittoqqortoormiini illoqarfimmi ingerlatsisutut aqutsisut kajumissaasut peqatigalugit immikkoortortami suliassanik siuarsaanissamik qulakkeerinnissaatit. Illoqarfimmi ataqatigiissaarinermut suleqatigiinnermullu pingaarnertut akisussaasuussaatit. Tasiilami ingerlatsinermi pisortaq suleqatigalugu Ittoqqortoormiini ingerlatsinermut avatangiisinullu kiisalu illoqarfimmi innuttaasunik kiffartuussivik akisussaaffigissavatit.
Suliassatit ilaatigut makkuussapput:
∙Suliffeqarfiup iluani Kiffartuussivimmi, Innuttaasunik Kiffartuussivimmi kiisalu Ingerlatsinermi Avatangiisinilu ulluinnarni sulinermi pilersaarusiornermut ataqatigiissaarinermullu akisussaasuuneq.
∙Ulluinnarni ingerlatsinermut akisussaasuuneq kiisalu Tasiilami immikkoortumi aqutsisoq ingerlatsinermilu pisortaq suleqatigalugit missingersuutinut akisussaasuuneq.
∙Sulisorisanut tallimaasunut aqutsisuuneq.
∙Politikkikkut aalajangiussanik siuarsaanermik qulakkeerinninneq.
∙Najukkami ataatsimiititaliami ataqatigiissaarisuuneq.
∙Qinikkanik sullissineq ataqatigiissaarinerlu matumani borgmesterimik, kommunalbestyrelsimi ilaasortanik najukkamilu ataatsimiititalianik suleqateqarneq.
∙Ingerlatsinermut, avatangiisimut sanaartornermullu tunngasuni suliassanik ataqatigiissaarineq.
∙Suliassat takkussuuttut.
Ittoqqortoormiini illoqarfimmi aqutsisutut Tasiilami immikkoortumi pisortaq qullersarissavat.
Illit tunuliaqutat:
Ittoqqortoormiini illoqarfimmi ingerlatsisutut pissanganartuuvoq tamatigoortuullunilu. Suleqatissarsiorpugut:
∙Atorfimmut naleqquttunik ingerlaqqiffiusumik ilinniaqarsimassasumik.
∙Ingerlatsinermik aningaasaqarnermillu aqutsinermik misilittagalimmik.
∙Namminersorsinnaasumik peqatigitilluguli allanik qanimut suleqateqarsinnaasumik.
∙Suliassanik aaqqissuussillaqqissumik, ataqatigiissaarillaqqissumik pilersaarusiullaqqissumik sulianillu malinnaaviginnissinnaasumik.
∙Ammasumik attaveqatiginnissinnaassuseqarluartumillu.
∙Inunnik assigiinngitsunik assigiinngitsunillu suliaqartunik suleqateqarsinnaasumik.
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Neqeroorutigisinnaasavut:
∙Suliffik pissanganartoq tamatigoortunik suliassartalik.
∙Sulisut pikkorissut suleqatillu pitsaasut.
∙Suliffik pitsaasoq suliffimmi avatangiisinik atugarissaarnermillu qitiutitsiffiusoq.
∙Suliatigut inuttullu ineriartornissamut periarfissat pitsaasut.
∙Namminersorluni sulinissamut periarfissalik.
Suliffeqarfiup iluani Kiffartuussivik ingerlatsiviuvoq, nunap immikkoortuini assigiinngitsuni aaqqissuussaanernilu assigiinngitsuni immikkoortortamut ilaasoq. Illoqarfimmi ingerlatsisup qaninnertut suleqatigisai tassaapput Nuummi, Ittoqqortoormiini Paamiunilu immikkoortortami aqutsisut.
Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu allanngorartuartumi annertuumik akisussaassuseqarfiusoq. Inuttut suliatigullu ineriartornissamut periarfissat neqeroorutigaavut aamma atorfimmut suliffimmullu patajaatsumik sungiussiartornissat pingaartipparput. Aqutsisunik siunersioqatigiinnikkut pitsaasumik suleqatigiinnissaq kiisalu suliniuteqarnissap nutaaliornissallu inissaqarnissaat pingaartippagut.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Regionchef Hjørdis Viberg, oqarasuaat +299 36 77 10 imaluunniit e-mail: hjvi@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1123-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 19.-at, 2024