IT projektlederit elektronisk patientjournal (EPJ) pilersinniarnerani suliaqartussat
IT Projektlederinik pissarsiorpugut peqqinnissaqarfinni it-mik atortulersuutinut digitalinngorsaanermullu ilisimasalinnik, tassani suliassaalluni Peqqinnissaqarfiup qarasaasiatigut nakorsianut uninngasunullu nalunaarsuisarfiata (elektronisk patientjournal - EPJ) nutaaliaanerpaamik taarsersornissaa.
Suliniutit EPJ-programimiittut peqqinnissaqarfiup iluani it-mik atortulersuutinut digitalinngorsaanermullu siammasissumik ineriartorfiusumillu suliaqarnissamik periarfissiipput.
EPJ-programimik ingerlatsineq Inussuk IT-mit aqunneqarpoq, tamannalu ingerlanneqarluni peqqinnissaqarfik qanimut suleqatigeqqissaarlugu, tamatumuunakkut qulakkeerneqassammat pitsaanerpaamik digitalinngorsaanissaq, taamaasilluni peqqinnissaqarfiup ukiuni aggersuni sullissineranut pitsaasumik ikorfartuutaassalluni.
Suliassat:
EPJ-programchef-imut ulluinnarni qaninnertut sulititsisoralugu uku suliassat pingaarnertut akisussaaffigissavatit:
- peqqinnissaqarfinni it-mik atortulersuutinut digitalinngorsaanermullu suliniutinik aqutsineq
- ukunani suliniutini peqataaneq: attaveqatigiinneq, data, IT aamma sulianik uuttuusersuineq.
- Aningaasaliissutit, suliniutit kiisalu leverandørit malinnaaffigineri
- Suliniutit piviusunngortiternerinik misissueqqissaarnerit pilersaarusiornerilu, suleriusissanik suliaqarneq ilinniartitsinerlu.
- EPJ-programmip aqutsisoqarfiani (PMO) peqataaneq, tassani ataqatigiissaarineq aqutsinertaalu suliassaallutik
- Misissuinerit, ineriartortitsinerit aaqqiissutissallu pitsanngorsarnissaat
- Peqqinnissaqarfiup ingerlatseqatigiiffianik pilersuisunillu (leverandører) suleqateqarneq
Illit piginnaasatit
Uku ilinnut naatsorsuutigisagut
- Suliniutinik aqutsinermik, digitalinngorsaanernik velfærdsteknologimik aammalu sundheds-IT suliaqarsimanermik misilittagaqarnissat
- Uku misilittagaqarfigissagitit: Atuisunik akuutitsineq, sundhedsinformatik, databehandling aamma statistik
- Teknikkikkut peqqissutsimullu tunngasunik ilisimasanik ilisimasaqarluarneq taakkuninngalu suliniummi tamakkiinerumik ersersitsisinnaanissaq
- Nunatsinni inuiaqatigiit pillugit ilisimaqarnissaq soqutigisaqarlunilu sulerusussuseqarnissaq
- Ersarissumik tamatingoortumik nukittuumillu allattariarsornikkut oqaluttariarsornikkullu attaveqaqatigiissinnaanissaq
- Ilinniarluarsimassuseq aqqutigalugu qaffasissumik eqqarsaatigilluakkanillu aaqqiissutissanik pitsaasunik ineriartortitsisinnaaneq atuisut leverandørillu peqatigalugit
- IT-mik atueriaatsinik ingammillu peqqinnissaqarfimmi sundheds-it-mik atueriaatsinik ilisimasaqarnissaq
- Qiimasuuneq, malartaatsuunissaq kiisalu nammaqatigiinnermik pingaartitsinissaq
Uagut pilluta
Naalakkersuisut anguniagaraat IT-mik digitaliseriinermillu annertunerusumik atuinikkut
Kalaallit Nunaanni inuiaqatigiit digitalikkut ineriartornerisa siuarsarnissaa, tassunga
ilanngullugu pisortat allaffissorneranni pisariillisaaneq.Tamanna Inussuk IT-miik
annertuumik peqataaffigaarput. Inussuk IT siulersuisoqarluni ingerlavoq, siulersuisut Kommuneneersuullutillu Namminersorlutik Oqartussaneersuupput. Sulisut Namminersorlutik Oqartussani atorfeqarput.
Neqeroorutigaagut
Atorfik assigiinngitsunik suliaqarfiusoq, namminersorfiusoq unammisassaqarfiusorlu
neqeroorutigaarput, suliamik ingerlatsinermi inuttullu ineriartornissamik periarfissiisoq.
Suleqatit pikkorissut tunniusimasullu peqatigalugit persuarsiorani suliffimmi
avatangiiseqarfiusumi peqataassaatit.
EPJ-program Inussuk IT-mi aqunneqarpoq. Inussuk IT tassaavoq Pisortani ataatsimoorussamik IT-mut tunngasutigut suleqatigiinnermut ingerlatsivik. EPJ-programchef ulluinnarni qaninnertut sulititsisorissavat. EPJ tassaavoq peqqinnissaqarfimmi digitalikkut ingerlatsinermi atortoq pingaarnerpaaq. Peqqinnissaqarfik Peqqissutsimut naalakkersuisoqarfiup ataani inissisimavoq, nunap immikkoortuinut tallimanut aggulutaalluni, kliniskimik sulianut arfineq pingasunut immikkoortitigaalluni, kigutinut nakorsaaneqarfiulluni, peqqissartunut angerlasimaffeqarluni kiisalu ingerlatsinermut immikkoortortaqarluni.
Suliffik Nuummi inissisimavoq, kisianni sulinermut atatillugu angalasarnissaq naatsorsuutigineqassaaq peqqinnissaqarfiit leverandørillu ornittarnissaannut. Nuuk sorpassuarnik misigisassarsiornissamut periarfissaqarpoq, soorlu Kulturikkut illorsuaq, biograf, naluttarfik, timigissartarfiit, cafe-it, neriniartarfiit peqatigiiffippassuillu. Nuup eqqaani pinngortitami sammisassaqarnissamut periarfissarpassuaqarpoq soorlu pisuttuarfissat, sisorartarfiit, golfertarfik kiisalu imaani sunngiffimmi periarfissat soorlu qajartornerit, aalisarnerit, angallammik angalaarnerit il.il.
Atorfik pillugu paasisaqarnerorusukkuvit programchef Carsten Ellehauge saaffiguuk, mobil +299 494401 imalt. cael@nanoq.gl atorlugit.
Atorfinitsitsiniarnermut oqaloqateqarnerit ataavartumik ingerlanneqassapput.
Qinnuteqarnissamut killigititaq 10. Januar 2024.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job