Isumaginnittoqarfimmi AC-fuldmægtigisarsiorneq
Nuummi suleqatigiitsialassuarnut akuulerit
Kommuneqarfik Sermersuumi Suliffeqarnermut Isumaginninnermullu Ingerlatsivimmi Stabimi piumassuseqarluartumik pikkorissumillu suleqatissarsiorpugut.
Stabimi AC-fuldmægtigitut politikkikkut aqunneqartumi pissanganartumilu sulinissat nuannarisarissavat, suliffeqarfimmilu politikkikkut takorluukkat, isumassarsiat kissaatillu Kommuneqarfik Sermersuumi innuttaasunut iluaqutissanngorlugit suliarineqartassapput. Innuttaasunut qanimut attaveqanngikkaluarluta innuttaasumut naleqarnerulersitsinissamik tunngaviatigut suliaqartarpugut.
Suut neqeroorutigaagut?
Suliassat pissanganartut neqeroorutigisinnaavagut, illit isummat tusaaniarneqarsinnaalluni, aqutsisunik qanimut suleqateqarneq suliatigullu ineriartortitsineq – immikkoortortaqarfik suliatigut inooqataanikkullu avatangiiserissaarfiusoq.
Suliffeqarnermut Isuginninnermullu Ingerlatsivimmi Stabimi AC-fuldmægtigitut politikkerit ingerlatsivimmilu aqutsisut toqqammavigissaartumik aalajangiinissaannut qulakkeerinnittuussaatit. Taamaattumik ilaatigut makkuninnga suliaqartassaatit:
∙Suliamik saqqummiussissutinik allattariarsornermik suliaqarneq, tassunga ilaallutik suliassamik saqqummiussaliorneq, allakkialiorneq, misissuineq, tusarniutinut akissuseqaasiorneq il.il.
∙Politikkikkut sulialinnik allaffissornermillu sulialinnik ataqatigiissarineq
∙Missingersuutilerineq aningaasaqarnermillu malinnaaffiginninneq
∙Suleriutsinik nutaanik ineriartortitsinissaq
∙Suliniutinik aallartisaanermi, suliarinninnermi tamaallu isigalugu ataqatigiissaarisuuneq
Immikkoortortaqarfitsinni pingaartipparput, suliatigut pikkorissuseqarnissaq siunertaqartumillu tunniussaqarsinnaaneq. Taamaattumik isummavit tusarnissaa inissaqartinneqassaaq, suliamut tunngatillugu ataatsimullu isiginnittumik eqqartueqatigiinneq imaluunniit suleqammik itisiliilluni oqaloqatigiinneq inissaqartinneqartarput.
Suutigut naatsorsuuteqarfigisinnaavatsigit?
Inuttut suliatigullu piginnaasatit pingaartippavut. Misilittagaqareersimasinnaavutit aammali ilinniakkannik naammasserlaajusinnaallutit. AC-ertagut nalinginnaasumik kandidatitut assigiinngitsutigut ilinniagartuujusarput, bacheloritulli ilinniagaqarsimaguit misigisimallutillu atorfik ilinnoortuusoq qinnuteqarnissat soqutigaarput.
Tamatigoortumik siammasissunik suliaqarsinnaassusilimmik suliassaqarfimmilu unammillernartoqartillugu tunuarsimaanngitsumik suleqatissarsiorpugut, immaqa imaanngikkaluartoq massakkut pingaarnertut piginnaasaqarfigigitit. Kissaatigisatit piginnaasatilluunniit naapertorlugit aamma suliassannik naleqqussaasoqarsinnaavoq.
Suleqatitsialammik immikkoortortaqarfimmi suliatigut pimoorussisumik ataatsimoornermilu akoorusuttumik ujartuivugut.
Ataani allaqqasut ilinnut naleqquppata, qinnuteqarnissat kaammattuutigissavarput:
∙Kalaallit Nunaat soqutigisaraara
∙Politikkikkut aqunneqartumi allanngueqataarusussuseqarpunga
∙Allattariarsornikkut attaveqarsinnaalluartuuvunga
∙Excelimik atuisinnaavunga sulilu ilikkagaqarusullunga
∙Suliatigut pikkorissuuvunga sulilu pikkorinnerulerusussuseqarlunga
∙Nammineq akisussaaffimmik tigusisinnaallungalu namminersorsinnaassuseqarpunga
∙Siunersiueqateqarnissamik ikiortissarsiornissamillu tunuarsimaartuunngilanga
Suliffik pillugu:
Suliffeqarnermut Isumaginninnermullu Ingerlatsivimmi utoqqarnut suliassaqarfimmi, Innarluutilinnut tarnimikkullu nappaatilinnut Immikkoortortaqarfimmi, oqartussaaffeqarfimmi aamma suliffissarsiuussisarfimmi suliassat aallunneqarput.
Stabi politikerinut (pingaartumik Isumaginninnermut Suliffeqarnermullu Ataatsimiititamut), pisortamut aamma fagchefinullu ikiuunnermik suliaqartarpoq. Suliassat ingerlatsiviup suliassaqarfiinut tamanut tunngasuussapput.
Stabimi sulisut qulit missaaniipput assigiinngitsunik ilinniagaqarsimasut misilittagaqartullu.
Kalaallit Nunaat ilisimasaqarfigigukku pitsaaqutaassaaq, oqaaseqartut ilanngullugit, tamannali piumasaqaataanngilaq. Kalaallit Nunaat pillugu soqutiginninnerit Nuummilu inuunerup piumassuseqarfiginissaa pingaartinneqarpoq.
Nuuk illoqarfittut nuannerluinnartuuvoq, nunat tamalaat akornanni illoqarfiit pingaarnersaanni minnersaavoq, pinngortitami imaannanngitsumi inissisimasoq aamma kulturikkut sunngiffimmilu sammisassatigut neqeroorutinik ulikkaartoq.
Aasaanerani qaqqani angalaarnissamut, aalisariarnissamut, piniariarnissamut qajartuarnissamut periarfissarpassuaqassaatit. Ukiuunerani ujakkaarutinik sangusaarutinilluunniit sisorarnissamut ulluinnarni periarfissaqassaatit!
Nuummi filmeriartoqarsinnaavoq, isiginnaartitsisunik isiginnaariartoqarsinnaalluni, cafeertoqarsinnaalluni, nalukkiartoqarsinnaalluni kiisalu ilisimatusarfeqarlunilu pinngortitaleriffeqarpoq, taakkunani nunat tamalaaneersunik ilisimatuunik oqalugiartoqartarluni.
Tusarfiginissat qilanaaraarput.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pisortaq Lise Buchardt, oqarasuaat +299 484887 imaluunniit e-mail: libt@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 1105-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: novembarip 17.-at, 2024