Isumaginninnermut sullissivimmi pensionisianik sullissinermi siunnersorti

Kommuneqarfik Sermersooq pikkorissumik kajumissuseqarluartumillu Isumaginninnermut sullissivimmi, Pisatakkanik isumaginnittoqarfimmi, pensioninut tunngasunik suliaqartussamik siunnersortissarsiorpoq 1. Marts 2025 tamatumaluunniit kinguninngua atorfinittussamik.

Pisartakkanik isumaginnittoqarfimmi utoqqalinersiat aamma siusinaartumik pensionisiat pillugit inatsisit atuuttut malillugit aamma sullissisup/isumaginninnermi siunnersortip aalajangiinerani naliliinerit aalajangersimasut tunuliaqutaralugit sullissinissaq qulakkeerneqartarpoq. Pisartakkanik isumaginnittoqarfik arlalippassuarnik suliassaqartarpoq aammalu kommunip iluaniittunik avataaniittunillu arlalippassuarnik suleqateqartarluni.

Nuummi immikkoortortaq aqqanillit missaanni sulisoqarpoq, tallimanullu agguataakkanik suleqatigiiaaqarpoq; ineqarnermut tapiissutilerisut, pensionilerisut, erninermut meeravissiartaarnermullu atatillugu ullormusialerisut, akiligassat pillugit sullissisut aammalu nakkutilliisut.

Atorfik piffissaq suliffiusussaq tamakkerlugu suliffiuvoq, pisartakkanik suliassaqarfimmi immikkoortortami aqutsisoq qaninnertut aqutsisoralugu.

Atorfiup imaarisaa:

Atorfik pingaarnertut aningaasaqarnermut tunngasunik suliaqarfiuvoq, ulluinnarnilu suliassanik assigiinngisitaarsinnaasartunik ataani allassimasunik suliaqartussamik pissarsiorpugut:

·Innuttaasunik siunnersuilluni ilitsersuillunillu sullissineq

∙Siusinaartumik pensionisiaqalernissamut akuersissutinik, utoqqalinersiaqalernissamut qinnuteqartoqarnerani inatsisit, peqqussutit, kaajallaasitat nalunaarutillu atuuttut naapertorlugit sullissineq

∙Utoqqaat aningaasaqarnerannut tunngatillugu missingersuusianik allannguineq pilersitsinerlu

∙Inunnut tapit aamma aningaasat namminneq atorsinnaasat pillugit qinnuteqaatunik sullissineq

∙Pensionisianik allannguinerit

∙Pensionisiat pillugit allaffissorneq

∙Pensionisianiit ilanngaassinerit, nusutsinerit, assigiinngitsut

∙Suliassanik assigiingitsunik takkussuuttunik suliaqarneq

∙Isumaginninnikkut sullissivimmi suliassat suleqatit qanimut suleqatigalugit ingerlanneqartarput, aamma utoqqarnik sullissivimmi, kiisalu avataaniittut suleqativut suleqatigalugit

Tamatuma saniatigut naatsoruutigaarput pingaartillugulu, illit:

·TNI-mi assigisaanulluunniit ilinniarsimasuusutit

·Suliassaqarfimmi sullissinermik misilittagaqartutit aammalu IT (GetOrganized aamma AX prisme) misilittagaqarfigit, naliginnaasumik atuisutut

∙Ineriartortitsinermik sullissilluarnermillu pingaartitsisuusutit

∙Suleqatikkuminartuusutit

∙Isumalluartuullutillu ilakkuminartuusutit

∙Aalajaatsuusutit, pitsaassutsimik ilisimasaqarluartuusutit immikkuualuttunillu maluginiaasinnaasutit

∙Namminersorlutit sulineq akisussaassutsimillu ilisimaarinnilluartuusutit

∙Suliassat agguataarneqarnerisa ingerlaavartumik allanngortiterneqarneranni eqaatsumik periaaseqartutit

∙Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasutit

∙Siammasissumik suleqateqarluarsinnaasutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

∙Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit

Uagut neqeroorutigaavut:

Suliffik suleqatitsialaat suleqatigalugit ingerlanneqassaaq, aammalu atorfiup imarisaata ineriartortinneqarneranut sunniuteqarnissamut periarfissaqarluarluni, kiisalu aaqqissuussaanermi ineriartortumi allanngorartuartumilu akisussaaqataassallutit. Tamakkununnga ilanngullugu qanimut suleqatigiilluni suliffiup avatangiiserissaarfiunissaa aamma suliniuteqartuarnissap nutaaliornissallu inissaqartuarnissai anguniartuarparput.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Margrethe Møller, oqarasuaat +299 36 76 00 imaluunniit e-mail: marm@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 32-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: januaarip 26.-at, 2025

Atorfik una qinnuteqarfigiuk