Isumaginninnermut siunnersortinik/isumaginninnermik sullissisumik angalasartussamik
Isumaginninnermut siunnersortinik/isumaginninnermik sullissisumik angalasartussamik pissarsiorpugut (Nuuk Ittoqqortoormiit, Paamiut aamma Qeqertarsuatsiaat)
Isumaginninnermut siunnersuisumik pikkorissumik piumassuseqarlurtumillu piaanerpaamik imaluunniit isumaqatigiinnikkut sulilersinnaasumik pissarsiorpugut.
Meeqqanut ilaqutariinnullu nalaataqarnerlussimasunut sullissinissatsinnut annertuumik angusaqarluarnissarput siunertaavoq, taamaattorli meeqqat ata ataasiakkaat meeraanerminnilli atugarissaarnissat toqqissisimanartumillu peroriartornissaat pingaarnertut anguniagassaraarput. Sullissinitta pinaveersaartitsinermik siuarsarneqarnissaata naleqqussarneqarnissaa kissaatigaarput, taamaalilluta meeqqat ilaqutariillu pisariaqartittamik anguniarnissaanut ikiorneqarnissaat tapersersorneqarnissaallu isumannaarniarlugit. Tamannali iluatsissappat illit pisariaqartippatsigit. Sullissinermi ilaatinneqassaatit pisortatigoortumillu sullissinermut nukittorsaaqataallutit.
Suleqatigiit angalasartut
Suleqatigiinni angalasartuni atorfinittoq Ittoqqortoormiit aamma Nuup akornanni angalasartuussaaq. Angalasarneq ukioq naallugu pisassaaq, tamannalu Nuummi Meeqqanut Ilaqutariinnullu Ingerlatsivik arlalinnik sulisoqartoq suleqatigalugu ingerlanneqartassallu. Angalanngikkaangavit Nuummi suleqatigiit angalasartoq suleqatigisassavat, tassanilu sulisoq ataaseq angalasartuuvoq. Angalanissap ilimagisatut pinissaa isumaqatigiissutigineqarsinnaassaaq, aallaavittulli tamatigut angalanerit assigiinngitsumik sivisutigisarnisaat naatsorsuutigineqassaq, tikitagassat arlaqarmata.
Atorfimmut naatsorsuutigisagut:
·Isumaginninnermut siunnersortitut ilinniagaqarsimassaatut imaluunniit inunnik isumaginninnermut tunngassuteqartunik nangitsilluni ilinniarsimassaatit/pikkorissarsimassaatit.
·Isumaginninnermut siunnersortitut suliaqarnermik misilittagaqarluassaatit aamma meeqqat tapersersorneqaarnissaannut Inatsisartut inatsisaat pillugu ilisimasaqarluassaatit – imaluunniit isumaginninnermut tunngatillugu misilittagaqarlutit, immikkoorutilimmillu meeqqanut ilaqutariinnullu tunngasumik misilittagaqarlutit.
·Suleqatigiittut suleqataasinnaassaatit, sullarissuullutit allallu ilanngussinnaasarlugit.
·Atassuteqarluarsinnaassaatit ilitsersuisinnaasarlutillu, aamma innuttaasunut ilungersuuteqartunut.
·Killilersuineq pinnagu periarfissanik takunnissinnaassaatit.
·Ingerlatsiviit assigiinntisut suleqatigisinnaassavatit.
·Nammineersinnaassuseqassaatit ilusilersuilluarsinnaassallutit, pilersaarusiorsinnaallutit suliassallu ingerlateqqissinnaassallugit.
·Pimoorussillutit sungiussiasuullutit.
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Neqeroorutigisinnaasagut:
·Immikkoortoqarfitsinni ineriartortumi peqataatinneqassaatit.
·Atorfik nammineersinnaaffiusoq, ilinniarsimanermut namminerlu inuttut annertuumik unammillernarsinnaasoq.
·Suleqatit pikkorissut pimoorussisut.
·Suleqatigiinnermi pissutsit tatiginartut.
·Sunniuteqaqataaneq.
·Misigisassarpassuit.
Tasiilamut angalanermi inissaqartitsisinnaalluta.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Vivi Christiansen, oqarasuaat +299 36 72 23 imaluunniit e-mail: vich@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 82-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: februaarip 13.-at, 2025