Isumaginninnermut immikkoortortaqarfimmut inatsisilerituussarsiorneq
Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfimmi suliassaqarfiup politikkikkut anguniagai piviusunngortinniarlugit sulivugut. Ilaatigut makkuupput inatsisiliorneq, ilanngullugit Kalaallit Nunaannut naalagaaffimmi inatsisiliorneq, nunat tamat akornanni isumaqatigiissutit, Kalaallit Nunaanni inersimasunut utoqqarnullu atugarliortunut tunngatillugu pissutsit patajaallisarniarlugit periusissiat suliniutillu.
Isumaginninnermut immikkoortortaqarfimmi suliassat makkuupput isumaginninnikkut suliassaqarfimmi inatsisinik suliaqarneq, ilanngullugit nalunaarutinik, ilitsersuutinik suliaqarneq. Politikkimut tunngatillugu sullissinermi allakkiorneq, nassuiaasiorneq il.il. kiisalu inatsisinut tunngatillugu apeqqutinik suliaqarneq.
Suliassat tamatigoortuupput aamma oqaatsitigut, kulturikkut ilinniakkamilu suliaqarfiit akimorlugit suleqataasinnaanermik piumasaqaateqarpoq, kiisalu nammineq suliassaqarfimmi akisussaassusilimmik suliaqarsinnaaneq. Atorfik piumasaqaatitaqarpoq saqqumminertunut nutaanut piaartumik paasiniaaniaasinnaaneq eqaatsumillu sulisinnaaneq pillugit, kiisalu aaqqissuussami sulisinnaanermut, suliassat annikinnerusut annertunerusullu paarlakaaffigisaanni ilaatigut ulluinnarni ulapaarfiusuni.
Naalakkersuisut isumaginninnermi suliassaqarfimmi iluarsaaqqinnernik arlalinnik suliaqarput Kalaallit Nunaanni inersimasut kiisalu innuttaasugut utoqqaat atugarissaarnerunissaat anguniarlugu, suliassat inatsisilerituup ilanguffigisassai siunnersuillunilu.
Aaqqissuussaanermi Isumaginninnermut immikkoortortaqarfimmi pisortap ataani atorfik inissisimavoq. Immikkoortortaqarfimmi inatsisilerituut suleqatigissavatit naalakkersuisoqarfimmilu inatsisilerituunik qanimut suleqateqassallutit. Suliassatit isumaginninnikkut inatsisilerinermut pingaarnerusumik tunngassuteqassapput.
Naatsorsuutigisinnaavat suliffik allanngorartoq, pissanganarluinnartoq unammillernartorlu. Suliassatit aqqutigalugit inatsisilerinermi periutsit atorneranni ilisimasaqarluarlissaatit, aamma tigussaasumik inatsisiliornermi atugassanngortitsiniarnermi politikkikkut anguniakkat aalajangiunneqartut illit nammineq nutaaliorsinnaassutsivit timitalissavaa.
Atorfik pillugu
Suliassat ilaatigut makkuupput
- Politikkimut tunngasunik naalakkersuisoqarfimmi aqutsisut suleqatigalugit siunnersuisutut atuuffeqarneq
- Inatsisiliornermik suliaqarnermi peqataaneq tamatumunngalu ilitsersuutit aamma suliaralugit
- Politikkikkut isummernissamut tunngavissiorneq, nassuiaasiorneq, akissutit il.il.
- Inatsisinut piareersaatitut suliat, naalakkersuisoqarfinnik ataasiakkaanik, aamma Inatsisartut aqutsisoqarfiannik, kiisalu danskit oqartussaqarfiinik ikiuinertut, aammma suliniutinik suleqatigiinnertut ittut.
- Inatsisartut inatsisissaannut siunnersuutinik, Namminersorlutik Oqartussat nalunaarutaannik, kommunini ileqqoreqqusanik, aamma killeqarfiit qaangerlugit kaajallaasitanik pitsaassutsinik inatsisilerisutut isumannaarinerit, kiisalu taakkuninnga aalajangersaanerit, aamma nalunaaruteqarnerit.
- Isumaginninnermik suliassaqarfiup iluani inatsisilerinikkut siunnersuisarnerit, ilanngullugit inatsisilerinermut tunngasutut allakkiat aamma akissutaasartut suliarinerini.
- Naalakkersuisoqarfiit killeqarfii qaangerlugit aqutsisoqarnermi inatsisilerinermut tunngasutut suliassanik iluarsiisarnerit aamma ilitsersuuteqartarnerit.
- Inatsisit pitsaassusaat, sulianik isumaginnittarnerit, aamma isumaginninnermik suliassaqarfiup iluani inatsisilerinermi sammisartakkat allat pillugit pikkorissartitsinernik ingerlatsisarnerit.
- Isumaginninnermik suliassaqarfiup iluani naalakkersuisoqarfinnut attuumassutilimmik Naalakkersuisut Siulittaasuata Naalakkersuisoqarfiani inatsisilerituutut atorfimmik ajugaaffigisassalimmik aamma savituumik pissarsissaatit.
Illit pillutit
- Cand.jur.-atut ilinniagaqarneq
- Sulianut suleqatinullu ammasuuneq qiimasuunerlu
- Nammineersinnaasoq, aaqqissuulluakkamik sulisinnaasoq naammassisaqarsinnaasorlu
- Politik inatsisilerinermut paarlattuanullu saatitsinissamut soqutigisaqartoq
- Allattariarsornermut oqaluttariarsornermullu pikkorissoq
- Suleqatikkuminartoq
- Inuiaqatigiinni kalaallini pissutsinut kulturimillu ilisimasaqarneq iluaqutaassaaq
- Marluinneq oqaaseqartuuneq kissaatiginarpoq, piumasaqaataanngilarli.
Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik pillugu
Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfimmi sulisut 35-t missaanniippugut, immikkoortortaqarfinnut makkununnga agguataartut Aqutsisunut Allattoqarfik, Isumaginninnermut aamma Ilaqutariinnut, Suliffeqarnermut, Nunamut Namminermut kiisalu Nakkutilliinermik Ingerlatsivik, atorfillu aaqqissuussaanermi Isumaginninnermut Ilaqutariinnullu Immikkoortortaqarfimmut atalluni.
Qinnuteqarneq
Qinnuteqarnissamut piffissarititaq tassaavoq 16. august 2024, nal 12.
Atorfininnissap ullua 01. oktober 2024 imaluunniit isumaqatigiissuteqarneq malillugu.
Paasissutissat annertunerusut
Atorfik imaluunniit naalakkersuisoqarfik pillugu annertunerusumik paasisaqarusukkuit, naalakkersuisoqarfik mailikkut attaveqarfigisinnaavat isn@nanoq.gl.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job