Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfimmut inuussutissarsiorfimmi ph.d.-tut atorfimmut kandidatissarsiorneq
Pissutsit alapernaattuua, aammalu inuiaqatigiinni pissutsinut, ingammik suliffeqarfimmut soqutiginnippa?
Inuussutissarsiorfimmut pd.d.-tut stipendiati tassaavoq Innovationsfondenimit ilaannakortumik aningaasaliiffiulluni ukiuni pingasuni atorfik, tamaanilu Aalborg Universitetimit Statskundskabimi ph.d.-tut inissiffissamik angusaqarnissamut periarfissaqassaatit. Suliffigissavat Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik, suliffeqarfimmut immikkoortoqarfimmi, taamaalisukkullu Aalborg Universitetimi Center for Arbejdsmarkedsforskning (CARMA) attaveqarfigissavat. Tamatuma saniatigut Ilisimatusarfik suleqatigissavat.
Kalaallit Nunaanni sulisussaaleqineq annertuvoq, inuillu katitigaanermikkut allanngoriartornerat pissutigalugu ukiuni takkuttussani sakkortuseriarnissaa naatsorsuutigineqarpoq. Nunat allat assigalugit ukioqatigiikkuutaat amerlasuunik inuttallit soraarnerussutisiaqalernissap tungaanut ingerlanerat nunatta misigisarivaa, taakkulu suliffeqarfimmiilertussani ukioqatigiikkuutaanit ikinnerusunik inuttalinnit taarserneqartussaapput. Peqqinnissaqarfiup aamma utoqqarnik immikkoortoqarfiusut iluini allanngoriartorfik tamanna immikkut ittumik ajugaaffiginiagassartaqarpoq. Ukiuni arlalinni Naalakkersuisut sullissisarfinni kommunit sulisuinik piginnaanngorsaaneq sammisarisimavaat, sulilu taamatut ingerlassaqarput. Tassaavoq periusissialikkatut ineriartornissamik suliassaq, tamatumalu Naalakkersuisut nanginnissaa kissaatigaat. Taamaattumik ilaatigut sunniutaasut suussusaannik, aammalu suliffeqarfinni sulisoqartuarnissaq aamma aalaakkaasuussutsimik siuarsaasoqarnermiik qularnaarisuusut sorliunerinik misissuinissat pingaartuupput?
Taamaattumik Kalaallit Nunaanni sulisussaaleqineq pingaarnertut sammisarissavat, ilanngullugu atugarissaarfimmi aamma inooqatigiiffimmi suliassaqarfiusumi utoqqarnik isumassuisarneq. Ilisimaligassat pissarsiortuiffiussapput, taakkunani kommunit aamma Naalakkersuisut tungaanni atugarissaarfimmi aamma inooqatigiiffimmi suliassaqarfiusumi suut pitsaanerpaanngorsarlugillu sunniuteqarluartitaasinnaalernerinut sunik pisariaqartitsoqarneranut akissutissat nassaariniarneqassallutik.
Taamaattumik illit imatut innissat takorusupparput:
- namminersuutigisannik sulisinnaanissat, aamma pissutsikkut alapernaattuunissat
- kandidatitut inissisimaffimmi inuiaqatigiinni ilisimatusarnikkut attuumassutilimmik ilinniagaqarsimanissat
- inuiaqatigiinni aamma suliffeqarfimmi pissutsinik soqutiginnittuunissat
- annertussusiusunik periutsinik, ilanngullugit kisitsisilernermik, aningaasaqarnermik aamma naatsorsueqqissaarinermik piginnaasaqarnissat
- inuttassaaleqinermi annertussusaasunik takusaqarsinnaanissat
- Aalborg Univertitetimut nalunaarlutit ilanngunnissat, aamma Ilisimatusarfillu suleqatigiinnermik pilersitsinissat.
Makku naatsorsuutigisinnaavatit:
- Inuussutissarsiorfimmi ph.d.-mik suliniutinut nutaanut kick-off’imik aaqqissuussiffimmi peqataaneq (pinngitsuugassaanngitsoq), tamaani peqataasut tassaassallutik inuussutissarsiorfimmi ph.d.-mik ilinniagaqartoq, suliffeqarfimmi pingaarnertut ilitsersuisartoq aamma Aalborg Universitetimi pingaarnertut ilitsersuisartoq. Aaqqissuussinerup taassuma suleqatigiinnitsialak pilersissavaa, suleqateqartitsissaaq, aammalu allat suliniutaannik paasisaqartitsissaaq.
- Angalarsarnissaq, ilanngullugu pinngitsuugassaanngitsutut inuussutissarsiorfimmi ph.d.-mik pikkorissartitsinermi peqataaneq. Ilinniartoq ilinniagaqarfimmi ukiup siulliup ingerlanerani pikkorissartitsinermut qaaqquneqassaaq.
- aaqqissuussiffimmi politikkikkut aqutaasumi ilisimasaqalerneq, tamaani aqutsisoqarfittut aaqqissuussiffimmiillutik sulianut tunngasutut piginnaassutsit assigiinngitsut.
- suleqatitsialaat!
Qinnuteqaatit:
Qinnuteqaammut suliniummut nassuiaat ilanngunneqassaaq. Suliniummut nassuiaat tassaavoq inuussutissarsiorfimmi ph.d.-mut qinnuteqaatinnut pingaarutilittut ilaliussaq, aammalu annertungaatsiartumik ph.d.-mik suliniutinnit sulianut tunngasutut immikkuualuttortaatigut misissorneqarsimasoq.
Suliniummi ajornartorsiutit, atuagarsornertaatigut tunngavigisaq, periuserisaq, kiisalu suliassaqarfiup iluani ilisimatusarnermut tamaaneereersumut qanoq ililluni ilisimatusaatitut allagarisap nutaanik ilasaqarsinnaanissaa nassuiaatigissavatit. Suliniummut nassuiaat aamma atuakkanik atugarisassaagallartut, aamma ilinniarnermut pilersaarutaasoq, ilisimatusaatitut allagarisamik suliaqarlutit ilinniagaqarnermik ingerlatassatut naatsorsuutigisannik naatsumik allaqqaagaqarfigisaq, ilinniagaqarfinni allani najuuffeqartarnissat, pikkorissartitsinerni peqataasarnissat il.il. imarisariaqarpai.
Inuussutissarsiorfimmi ph.d.-mik erseqqinnerusumik nassuiaat takusinnaavat uani: Erhvervsforsker | Innovationsfonden
Atorfiniffissaq 1. juni 2025, imaluunniit erseqqinnerusumik isumaqatigiissuteqarnikkut.
Atorfimmut apeqqutissaqassaguit immikkoortoqarfiup pisortaanut Lona Lyngemut saaffiginninnissamut tikilluaqqusaavutit, +299 345624 / loly@nanoq.gl, aamma specialkonsulentimut Bolethe P. Hammekenimut +299 34 56 09 / boph@nanoq.gl aamma lektor Laust Høgedahlimut +45 99408178 / hogedahl@dps.aau.dk
Aningaasarsiatigut atorfinitsitaanermilu atugassarititaasut
Inuussutissarsiornermut ph.d atorfik, ilinniakkap isumaqatigiissutaa aallaavigalugu akissarsiaqartinneqassaaq, kiisalu akissaateqarfimmi sumiinnerit aallaavigalugu.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job